Nola dekoratu korridorea ideia oso errazekin
Badakigu korridorea paseko tokia dela, eta batzuetan luzea eta estua dela. Horregatik, askotan ahaztuta uzten dugu, eta ez dugu denbora asko erabiltzen hura dekoratzeko. Baina aurrerantzean ez da halakorik gertatuko.
Korridorea nola dekoratu kontatuko dizugu. Adibidez, koadroak jartzeko apalekin, errailekin edo hormako dekorazioak eskaintzen dituen hainbat aukerarekin. Gainera, tokia baduzu, korridorerako altzariren bat ere jar dezakezu, beste lekurik ez duten gauzak jasotzeko. Has gaitezen!
Korridore luzea dekoratzeko ideia errazak
1. Korridorea landareen zaleentzat dekoratzea
Ezer baino lehen, jakin ezazu errailei esker lehen ezinezkoa ziruditen tokiak dekoratu ahal izango dituzula, tokirik ez zegoelako edo paseko tokia zelako. Hori argituta, eta irudi hau ikusita, landareek ere tokia duten korridore luze honekin ulertuko duzu zer esan nahi dugun.
2. Korridorea kirolarientzat dekoratzea
Kirolzalea bazara, ikusi ideia hauek korridore oso pertsonalizatua lortzeko:
Ez badakizu nola dekoratu zure korridore luze eta estua, erabili pisuak eta kirol-tresnak. Ukitu berezia emango diote korridore aspergarri horri.
Korridoreak eskailera eta guzti badu ere, etxe zoragarri honen diseinuaren modukoak balia ditzakezu, non eskailera azpiko tokiak, arropa esekitzeko tokia izateaz gainera, bizikleta esekitzeko ere balio duen.
Edo atearen atzeko toki hori funtsezkoa izan daiteke korridore estuak dekoratzean.
3. Dekoratu korridorea koadroekin
Korridoreak dekoratzeko beste ideia bikain bat koadroak dira. Korridorerako koadroak aukera bikaina dira korridore moderno nahiz klasikoak dekoratzeko. Izan ere, koadroak zintzilikatzea nahikoa da itxura nabarmen aldatzeko. Adibidez, estrategikoki jarri diren korridorerako koadro hauek ezin dira modernoagoak izan.
Baina estilo klasikoa nahiago badugu, estrategikoki jarritako koadroen konbinazioa hauta dezakegu.
Korridoreko hormak koadroekin apaintzeko gakoak ezagutu nahi badituzu, bideo honetan sakon azaldu dizkizugu:
Bideoa: Dekoratu hormak koadroekin di-da batean
4. Nola dekoratu korridorea laminekin eta argazkiekin
Laminek eta argazkiek nortasun handia ematen diote korridoreari, korridoreko altzariekin eta korridore luzeetarako alfonbra zoragarri horiekin batera.
Baina jar dezagun arreta korridoreko hormetan. Zer iruditzen koadroetarako apal dotoreekin proba egitea? Koadroekin, laminekin edo argazki-markoekin oso ongi geratzen den aukera da. Konbinatuta, lamina apaingarriek argazkien alde onena ateratzen dute.
Argazkiak nahiago dituzu? Zintzilikatu berriketa gutxirekin, ezin hobeto geratuko dira.
Argidun kable bat ere euskarri aparta izango da zure oroitzapen kuttunetarako. Egin proba argidun girlandarekin efektu zoragarri hau lortzeko:
