Nola sortu atseden hartzeko giro egokia
Zarata edo logelako tenperatura eta hezetasuna zaindu beharreko faktoreak dira, lo hartu eta ez esnatzeko. Beraz, aholku batzuk eskatu dizkiegu Espainiako Loaren Elkarteko adituei (SES), logelan lo egiteko giro egokia sortzen laguntzeko. Jasotako zenbait aholkuk harrituko zaituzte!
1. Tenperatura
Tenperatura oso altua edo oso baxua denean, lo hartzea kostatzen zaigu. Logelako tenperatura 18 eta 21 edo 22 gradu artean izan behar da behar bezala atseden hartzeko, nahiz eta pertsona bakoitzaren, genetikaren, adinaren edo sexuaren araberakoa ere baden. Bai, ongi entzun duzu, bazenekien emakumeek gizonek baino tenperatura gehiago galtzen dutela, hormonengatik edota masa muskular gutxiago dutelako?
Hezetasunari dagokionez, logela % 50 eta % 70 artean mantentzea da espezialisten aholkua. Ezagutzen ez zenuen beste bitxikeria bat: ez da gomendatzen logelan landarerik izatea, oxigenoa xurgatzen dutelako.
Gainera, kontuan izan behar duzu tenperatura aldatuko dela bikotean lo egiten baduzu, koltxoiaren material motaren edo oheko arropa motaren arabera. Logela partekatzen duzunean arazorik ez izateko, ohe handi bat izatea da onena, bi lastairekin eta banako ehunekin. Toki nahikorik ez baduzu, gogoratu lastaira irmoak eta malgukizkoak freskoagoak direla, eta biskoelastikozkoak, berriz, oso egokiak direla hozbera direnentzat.
Bestalde, maindire edo betegarri nordikoa egiteko erabilitako materialek ere eragin dezakete ohearen tenperaturan. Gomendagarrienak kotoia eta lihoa dira, transpiragarriak direlako eta gorputzaren tenperatura konstante mantentzen laguntzen dutelako. Betegarri nordikoei dagokienez, gure dendetan mota desberdinetakoak aurkituko dituzu, zure gustuen arabera. Edredoi nordiko oso beroak edo “lau urtaroetarakoak” ditugu, neguan, bi geruzekin, eta udan, geruza bakar batekin, erabili ahal izateko.
2. Zarata
Zarata da logelan kontrolatu beharreko beste faktore garrantzitsu bat. Kutsadura akustikoa osasun publikoko arazotzat jotzen da, loaren kalitateari eragiten diolako. Trafiko handiko errepideetatik gertu bizi direnek (65 db edo gehiagoko zarata sortuz) edo aireportuetatik gertu bizi direnek oso erraz izan dezakete insomnioa. Etxe horietan, zaratatik isolatzea erabateko balentria da. Kasu horietan logela ahalik eta gehien isolatu behar da alfonbrekin, gortina lodiekin edo dardarak xurgatzen dituzten materialekin. Adibidez, gure PAX armairuen ateetan artelazkizko xafla batzuk jar ditzakezu, material horrek zarata leuntzen baitu. Beste aukera bat leihoetan ODDLAUG xurgatze-panelak jartzea da, edo gune irekiak zatitzeko. Apalategiak ere jar ditzakezu liburuekin eta hormak koadroz edo ispiluz bete, hormetan oztopo gisa jardun dezaten.
3. Gailu elektronikoak
Logelan jarduera desberdinak egiten ditugun arren, esaterako, liburuak irakurri edo telesailak ikusi, adituen hitzez hitzeko gomendioa da lo egiteko edo sexu-harremanak izateko soilik erabiltzea. Lanerako guneak ere logelatik kanpo egon beharko lukeela diote. Horregatik, ordenagailua, telebista, irratia, tableta edo mugikorra logelatik kanpo utzi beharko lirateke lotara goazenean.
Zarata murrizteaz edo giro-tenperatura epel bat mantentzeaz gain, badira kontuan izan beharreko beste hainbat aspektu ere. Artikulu honetan logelarako nolako argiztapena aukeratu behar duzun aditzera eman dizugu.
