Nola amaitu desordenarekin etxean gelaz gela
Behingoz etxe osoko desordenarekin amaitzea erabaki baduzu, hau zuretzat da! Antolatzeko hainbat aholku emango dizkizugu, etxeko gela bakoitzerako, gela guztiak txukundu ahal izateko.
Hustu atondoa
Zer gustura hartzen den etxera sartu eta atondoa txukun ikustea, baietz? Hori lortzeko, altzari irekiak eta itxiak konbinatu behar dira, eremu horretan utzi ohi dituzun arropa eta oinetakoak gordetzeko.
Armairu bat erabil dezakezu beroki eta hain maiz erabiltzen ez dituzun osagarri horiek guztiak uzteko. Ondoren, esekileku bat erabil dezakezu gehien erabiltzen dituzunak zintzilikatzeko. Horrela, erraza izango da bat hartu eta bestea uztea. Gainera, oinetako-altzari txiki bat jar dezakezu, oinetakoak ordenatuta uzteko.
Elementu horiekin guztiekin tokia bisualki askoz ere antolatuagoa izango da, jantziz gainezka dagoen esekigailuez ahazteko, eta, gainera, askoz praktikoagoa izango da egunerokorako.
Sortu harmonia bainugelan
Bainugela gune heze eta txikia izan ohi da, eta, sarritan, baita egunaren gainerako konplikatzen digun goizetako ilarak sortzen diren eszenatokia ere. Alabaina, ongi antolatuta dagoenean lasaitzeko toki zoragarria ere izan daiteke, etxeko bainuetxea edo.
Lortzeko, apalategiak, saski politak eta kaxa iraunkorrak konbinatzea gomendatzen dizugu, behar duzun guztiak biltegiratzeko. Onena gehien erabiltzen dituzun produktuak eskura uztea eta gutxiago erabiltzen dituzunak toki altuagoetan uztea da. Adibidez, lehen laguntzarako botika-kutxa.
NORDRANA estiloko saski zintzilikariak oso egokiak dira bainugelako artikulu txikiak ordenatuta eta estetikoki gordetzeko. Gure aholkua da atal bakoitza zaintza bererako produktuak gordetzeko erabiltzea da. Horrela, askoz errazagoa izango da aurkitzea behar dituzunean. Adibidez, goiko mailan orraziak eta eskuilak jar ditzakezu, erdikoan mototsak egiteko gomak, pintzak eta ilerako beste osagarri batzuk eta, behekoan, makillatzeko oinarrizkoak eta kremak.
Bestalde, banako saskiak edo kaxak ere oso ongi etorriko zaizkizu apalategietan jartzen dituzun gauza handienak oso ongi antolatzeko. Biltegiratze-sistema horiei esker, tokia eta denbora aurreztuko dituzu. Zeren zain zaude probatzeko?
Itzuli bakea logelara
Izan gaitezen errealistak, arropa armairutik kanpo uzteko ohiturari amaiera jartzen saiatu arren, ez da beti erraza izaten hori lortzea. Gainera, ez da gomendatzen arropa garbitu berriarekin nahastea erabilita dagoenean, baina berriro erabil dezakegunean. Alabaina, gauza bat da ez gordetzea eta beste bat da lurrean botata edo armairu gainean uztea, giro kaotikoa eta zaindu gabea lortuz.
Zein zen irtenbidea? Erabili behar dugun arropa ordenatuta zintzilikatzeko balioko diguten estore opaku bat erabiltzea, arroparen kakoak ezkutatzeko. Pertsonalizatu ere egin dezakezu margotuta, logelari dekorazio osagarri bat emateko.
Helburua lasaitasun-giro bat lortzea da zure logelan. Atseden hartu eta egun osorako indarberritu behar duzun gela da eta, noski, funtsezkoa da hori lortzea eragozten duen guztia saihestea.
Erraztu sukaldeko lanak
Janari prestatzea gustuko baduzu, espezie-, belar-, ozpin- eta olio-ontziz josita izango dituzu apalategiak. Ziur ez dizula graziarik egiten behar duzuna hartzen hasten zarenean ontziak lurrera jausi eta apurtzen direnean (ia beti atzean egon ohi delako behar dena…).
Baldin badakizu zer diogun, produktu motaren arabera plastikozko kaxetan antolatzea izango duzu hoberena. Guztia batera izanda, askoz azkarrago aurkituko dituzu eta guztiak batera atera ahal izango dituzu, bidean bat ere galdu gabe.
Lekariak, pasta edo arroza bezalako beste elikagai batzuetarako beira gardenezko ontziak erabil ditzakezu. Bi soluzioei esker, sukaldea ordenatuta izango duzu eta askoz gehiago gozatuko duzu egiten ari zarena. Gainera, guztia non dagoen jakinda modu arduratsuagoan kontsumituko duzu, duzuna gastatuko duzulako eta ez duzulako behar ez denik erosiko.
Ordenatu agerian dagoen egongela
Bitxia iruditu arren, egongelako edo jangelako altzarietan, normalean, gauzak erakutsi edo agerian utzi izan nahi ohi ditugu, gorde beharrean. Beira-arasen edo beirazko ateak dituzten altzarien alde positiboa da, nolabait, dena antolatuta izatera behartzen gaituztela, guztia ahalik eta estetikoena izan dadin nahi izaten dugulako.
Gure aholkua agerian utzi nahi dituzun objektu horiek ordenatuta eta modu deigarri batean jartzeko denbora har dezazun da, emaitza askoz ere hobeagoa izango delako. Tarteka objektuen banaketa alda dezakezu, ez aspertzeko eta efektu desberdina lortzeko. Animatzen al zara?
Gustatu al zaizu artikulua? Ez galdu gure ideia guztiak etxea ordenatuta mantentzeko eta gauzak errazago ordenatzeko.
Izugarri atsegin dugu bezeroek gure produktuak sormenez erabiltzea. Ausartu zaitez zu ere! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
