Bulegoen dekorazioa: nola muntatu bulego bat egongelan
Etxean lan egiteko zortea daukazu? Orduan etxean bulego praktiko eta eroso bat muntatzeko ideia hauek interesatuko zaizkizu.
Nola muntatu lan egiteko apalategi perfektua
Aurreztu espazioa bulegoan oinarrizkoak diren elementu guztien biltegiratzeari horma bat eskainiz. Kolore bereko kaxak, erretiluak, tiraderak eta apalak erabili ditzakezu apalategi pertsonalizatu eta bakar bat sortzeko. Fitxategi eta kaxei etiketak jartzea gomendatzen dizugu. Hala, guztia ordenatuta eduki ahal izango duzu eta errazagoa izango da paper edo dokumentu bat aurkitzea. Espazioa optimizatzeko ideia bat artikulu handienak, paperezko biribilkiak, adibidez, apalen euskarrietan kokatzea da. Esteka honetan ondo antolatutako bulego batentzako oso erabilgarriak diren biltegiratze-artikuluak aurki ditzakezu zure dokumentuentzako.
Aukeratu altzari moldakorrak, bai lan egiteko bai aisialdirako
Lan egiteko gune moldakor bat izatea oso gomendagarria izan daiteke zure erosotasunerako eta produktibitatea hobetzeko. Oinezko euskarri batean inbertitzen baduzu, NILSERIK aulkitxo doigarria bezala, zure jarrera hobetuko da eta aktiboago mantenduko zara. Aulkitxoaren altuera erraz alda daiteke eserlekuaren azpian dauden botoiak sakatuz idazmahaiaren altuerarekin bat etor dadin. Gainera, funtzio birakaria dauka eta eserleku barrubiguna bigungarria eta erosoa da.
Bilerentzako aulki tolesgarriak
Hormatik kako batzuetan eskegitako eserleku tolesgarriak eduki ditzakezu. Hala, espazioa aurreztuko duzu eta aulki bat gehiago izango duzu bilerak dauzkazunerako, bai lanekoak bai lagunen artekoak. Lan egiteko guneari ongizate eta lasaitasun sentsazio bat emateko landare naturalak erabiltzea gomendatzen dizugu. Gainera, bulegoaren eta egongelaren marra lausotzeko ere erabili dezakezu.
Sortu langune mugikor bat
Mugitu bulegoa etxean zehar argi naturala jarraitzeko edo inspiratzen zaituen bistez gozatzeko. Gurpilak dauzkan biltegiratze-unitate hau zutik dagoen idazmahai baten moduan erabili daiteke. Kableak edo oroigarriak lotzeko sare magnetikodun alboak dauzka. Estilo honetako gurpildun altzari batekin lanera eraman dezakezu etxeko edozein atal, adibidez, gaixo bazaude eta ez baduzu ohetik altxatu nahi apalategi honetan funtsezkoa dena jar dezakezu, eta logelara eraman dezakezu. Gomendagarria da etxean mahai osagarri bat izatea sofan zaudela erabiltzeko, bulegotik momentu batean deskonektatu nahi baduzu, BRÄDA ordenagailu eramangarrirako euskarria edo VITTSJÖ euskarri eramangarria bezala.
Lana errazten duten osagarriak
Espazioa mugatuta dagoenean, funtzio gehigarri ezkutuak dauzkaten altzari eta osagarriak aukera ditzakegu. Imajinatu dezakezu langunea argiztatzeaz gain telefonoa kargatzeko aukera ematen dizun lanpara bat? Lanpara honen oinarrian telefono mugikorra kargatzeko haririk gabeko kargagailua dago eta telefonoa gainean ipini besterik ez duzu. Gainera, USB ataka bat dauka, kargatzeko kable bat entxufatu nahi baduzu.
Etxean bulegoa muntatzeko ideia gehiago behar badituzu, lagungarriak izango zaizkizun beste adibide eta aukera gehiago ere badauzkagu. Honako artikulua irakur dezazula gomendatzen dizugu:
Nola diseinatu lanerako gune ergonomikoa edo etxean bulegoa begien itxi-irekian muntatzeko bideo hau ikustea.
