Gabonetako 4 apaingarri material birziklatuekin
Gabon hauetan jasangarriagoak izatea dugu helburu, eta hori lortzeko, etxean ditugun materialak berrerabiliko ditugu Gabonetako apaingarri ederrak sortzeko. Zu ere animatuko al zara? Gainera, pixka bat aurreztuko duzu, eta horrek ez du inoiz minik egiten. Denbora eta ahalegin txiki batekin, ziurrenik pieza paregabeak lortuko dituzu.
“Paregabeak” izatea ez da esaera bat bakarrik, zurekin partekatzen ditugun etxeko apaingarrien ideiak egokitu ditzakezulako gehien gustatzen zaizkizun materialetara, etxean duzunaren arabera. Horrela, Gabonetako dekorazio guztiz pertsonalizatua lortuko duzu, merkea eta zuen familiaren muina adierazten duena, batez ere.
Hoberena da euro batzuk aurrezteaz eta baliabideen erabilera arduratsua egiteaz gain (ingurumenerako bikaina dena), denbora oso entretenigarria igaroko duzuela elkarrekin egiten baduzue. Etxeko haurrek ederto pasatuko dute, eta datorren urtean jarduera hau errepikatzeko eskatuko dizuete, ziur. Goazen, bada!
1. Gabonetako ehunezko zakutxoak
Zuhaitzaren azpian edo zuhaitzetik zintzilikatuta apaingarri gisa jar ditzakezun zakutxoak egiteko, honako hauek beharko dituzu:
- Ehunak (edozein motatakoak izan daitezke, estanpatuarekin edo gabe)
- Orratza
- Orratzak
- Haria
- Jostun-guraizeak
- Begiztak edo kordoiak
- Egunkari zaharrak
- Josteko makina (aukerakoa, baina lana errazten du)
Egunkari zaharrak betegarria izango dira, baina belar aromatikoak, izpilikua adibidez, ere erabil dezakezu, apaintzeaz gain, giro oso atsegina sor dezaten. Beste aukera bat gozokiak edo karameluak gordetzea da, txikiek (eta ez hain txikiek) noizean behin disfruta dezazuen.
Prestaketa:
1. Moztu 30x30 cm-ko ehunezko karratua (neurriak alda ditzakezu).
2. Egin 2 cm inguruko azpildura txikia ehunezko karratuaren alde batean.
3. Jarri orratz batzuk heltzeko, eta josi azpilduraren amaieratik zentimetro erdira.
4. Josi ondoren, tolestu ehuna erditik (bertikalki) eta laga alderantzia bistan.
5. Josi beheko eta alboko marjinen ehunak, batzeko.
6. Emaiozu buelta eta bete zakutxoa nahi duzunarekin.
7. Azken ukitua: jarri begizta bat itxitura moduan.
2. Gabonetako aulkien dekorazioa
Gonbidatuak izango dituzu bazkaltzeko edo afaltzeko? Hala bada, aulkiak modu pertsonalizatuan apaintzea gomendatzen dizugu, gonbidatuak harrituta gera daitezen. Lortu honako hauek eta has gaitezen:
- A4 neurriko papera edo kartoi mehea (aulki kopuruaren arabera)
- Gabonetako koloreko margoak edo errotulagailuak
- Itsasgarria
- Zulagailua
- Arroparako pintzak
- Begiztak edo kordoiak
Prestaketa:
1. Lehenengo pausoa poltsatxoa egitea izango da. Horretarako, tolestu paper eta kartoi mehe guztiak erditik, muturrean marjina txikia utzita.
2. Tolestu barrurantz lehen utzi duzun marjina.
3. Ireki orria eta eman itsasgarria marjinaren goiko aldean. Itxi orria marjinaren gainean eta itsatsi.
4. Poltsatxoaren beheko aldea egiteko, jarri bertikalki eta tolestu orria beheko aldetik kanporantz 5 cm inguru.
5. Tolestu beherantz tolestura horren izkinak.
6. Ireki orria eta markatu triangeluak kanporantz.
7. Tolestu mutur biak barrurantz, eta eman itsasgarria.
8. Tolestu poltsaren aldeak.
9. Orain poltsa moldatzea besterik ez duzu, tolesturak ondo markatuz.
10. Egin zuloak goiko aldean zulagailuarekin, eta jarri kordoia edo begizta.
11. Apaindu gonbidatu bakoitzarentzako poltsa eta sartu xehetasun batzuk (bonboiak, zuen argazkia…). Zintzilikatu aulkitik, idatzi bere izena duen kartel txiki bat arroparako pintzarekin eta jarri begizta.
3. Nahi-izarren txokoa
Urte berrirako nahiak eskatzen dituzue? Hala bada, nahia idatzita uzteko txoko bat sortzea proposatzen dizugu. Oso erraza da, ikusiko duzu.
- Kartoi meheak edo paperak
- Arkatza
- Erregela
- Kordoi meheak
- Guraizeak
- Itsasgarriak
- Koloretako errotulagailuak
Prestaketa:
1. Lehenik eta behin, egin izar guztietarako txantiloia. Horretarako, marraztu arkatzarekin, eta gero moztu kartoi mehearen gainean dagoen erregelaren laguntzarekin.
2. Errepikatu prozesua eta egin nahi duzun izar kopurua.
3. Bikoitzak egin ditzakezu, bata bestearen gainean itsatsiz, lodiagoak izan daitezen.
4. Egin zulo txiki bat izarren goiko aldean eta sartu kordoiak.
5. Sartu saskian, errotuladoreekin batera, eta nahiak idatzi ondoren Gabonetako zuhaitzetik edo altzarietatik zintzilika ditzakezue.
6. LED argi-girlandarekin dekora dezakezu.
4. Opariak lagatzeko galtzerdiak
Azkenik, zintzilikatuta bikain geratuko den apaingarria, zuhaitzetik hurbil edo tximiniatik, baldin badaukazu. Prestatzeko, elementu hauek beharko dituzu:
- Etxean duzun ehuna edo feltroa
- Arkatz zuria
- Guraizeak
- Ehunentzako itsasgarria
Prestaketa:
1. Marraztu galtzerdi baten silueta feltroan edo ehunean, arkatz zuriarekin.
2. Moztu silueta guraizeekin
3. Errepikatu prozesua atzeko aldea egiteko (beste koloreko ehunean edo feltroan izan daiteke).
4. Egiaztatu bi zatiak primeran egokitzen direla, eta itsatsi ehunentzako itsasgarri bereziarekin.
5. Galtzerdiaren goiko aldea egiteko, moztu ehun ezberdineko zati bat, kontrastea egin dezan, eta itsatsi.
6. Azkenik, moztu ehun zerrenda mehea eta itsatsi kako moduan. Nahiago nahi baduzu, josi dezakezu.
7. Zintzilikatu nahi duzun lekuan eta sartu pakete txiki batzuk emaitza deigarriagoa izan dadin.
Apaingarri hauek gustatu zaizkizu? Hala bada eta beste ideia batzuk nahi badituzu Gabonak (eta zure bizimodua, oro har) askoz ere kontzienteagoak eta jasangarriagoak izan daitezen, hona hemen interesatu ahal zaizkizun hainbat artikulu.
Izugarri atsegin dugu bezeroek gure produktuak sormenez erabiltzea. Ausartu zaitez zu ere! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
