Aditzera emateko 6 era

1. Zeramikazko bilduma dotorea bildu ezazu. Gorde ezazu zeramikazko edo portzelanazko bilduma aldi berean babesteko eta erakusteko beira-arasa batean. Hainbat tonutako xehetasunak konbina itzazu itxura uniformea lortzeko (hemen horma terrakota-kolore beroarekin margotu dugu: NCS S 4030-Y70R. Kontuan izan koloreak pantailan alda daitezkeela).

2. Sortu erlojuekin collage bat. Berdin da horma-erlojuen bilduma egiten gustatzen zaizun edo ordua askotan begiratu behar duzun; zer deritzozu erlojuetarako horma bat erabiltzeari? Hainbat estilo eta tamainatako erlojuak zintzilika itzazu lerro zuzen batean zehar inguru bitxia sortzeko.

3. Zure atsedenerako eta musika entzuteko esparrua sor ezazu. Musikarako lekua osatzeko, armairu pare bat erabil itzazu. Lehenengo horman finkatu dituzula ziurtatu. Entzungailuak jarri eta koltxoneta baten gainean lasai zaitez. Dantzatu nahi duzu? Argia itzali, zutikako lanpara piztu eta bolumena igo.

4. Kirol-oroigarriak erakuts itzazu. Pertsonalizatutako erakusketa sor ezazu apalategi batekin (aurretik horman ondo finkatuta dagoena) eta konpartimentuekin. Zinta itsaskorrarekin diseinu dibertigarria sortu oroitzapenak azpimarratzeko. Jar ezazu gustukoen duzun autografoa LEDekin argitutako panelean are gehiago distiratzeko.

5. Bidaietako oroigarriak erakuts itzazu. Ez dira beti behar altzari bereziak objektuak erakusteko. Bidaietako gidak aulki batean jar itzazu, eta abenturetako oroigarriak estalkidun kaxa pilagarrietan, lurraren gainean. Zure bilduma haziz joango da bidaia berri baten ostean.

6. Armairua benetan aprobetxatu. Armairu gogor eta erakargarri bat aukera ezazu, BAITA arropa gordetzeko balio duena ere. Beirazko ateak arropa ikusten uzten dute eta, aldi berean, hautsetik babesten dute. Kaxa politekin dorre bat egin eta osagarriak bertan gorde itzazu.