Landare eta pitxerrekin apaintzeko 5 era merke
Azkenik, udaberria! Etxeari hain gogoko ditugun sasoi honetako ukitu koloretsu eta alaiak emateko, landare eta pitxerrekin apaintzea bezalakorik ez dago. Inspirazio-iturriak nahi dituzu zure etxeko txokoren bat apaintzeko? Ez galdu estilo handiz apaintzeko aholku hauek, eta gainera, oso prezio onean.
Lore eta landareekin apaintzea zaletasun aberasgarria da; izan ere, gure etxea eder baino ederragoa jarri ez ezik, erlaxatzeko ariketa ere bada, eta etxeko airea garbitzen dute. Landareen ahalmen izugarria. Horregatik, eguraldi ona iristear den honetan, naturaren zatitxo bat etxera eraman dezazun nahi dugu. Ez duzu kezkatu beharrik, jarraian datozen ideiak oso errazak dira, eta idealak dira era ekonomikoan bezain sinplean eta dibertigarrian egin ditzazun.
Has gaitezen!
1. Eman bizitasuna leihoei
Aukera errazenetako bat, baina ez hargatik baztertzeko modukoa, leihoak landarez apaintzea da.
Horretarako, sortu landare igokari eta sasoiko loreen konbinazio deigarri bat, nahiago duzunekin. Benetan originala den erakusketa egin nahi baduzu, aprobetxatu leihoaren altuera marko naturala osatzeko. Gainera, ertzetan beste elementu lagungarriak jar ditzakezu; landaretxoak edo kristalezko loreontziak, adibidez.
Erlaitza ez bada handiegia, mahai bat jar dezakezu leiho aurrean, eta loreontzi desberdinekin apaindu. Kasu honetan, koloretako beirazko pitxer ugari jarri ditugu, argiak zeharkatzen dituenean argi bizia izan dezaten.
Kontuz! Leihoek zuzeneko argia badute, kontuan hartu landare sendoak jarri behar dituzula gain-esposizioak eraginda hil ez daitezen.
2. Jarri loreak markoetan
Ez baduzu leiho handirik, baliteke etxeko paretak lore hauekin apaindu nahi izatea. Aukera errazagoa da hau, eta gelari udaberriko giroa eta naturala emango dio.
Betikotu gehien maite dituzun lore eta hostoen edertasuna argazki-markoetan. Nola? Oso erraza da: petaloak edo lore naturalak beirazko arkuekin zapaldu behar dituzu, nahi duzun konposizioa osatzeko. Ziurtatu ez dutela zomorrorik, ezta lur-arrastorik ere. Aukeratu zure dekorazioarekin bat egiten duen markoa eta gozatu betiko oroigarri ederraz.
Modu koloretsu eta naturalagoan apaindu nahi baduzu, jarri lore-kusku naturalak beira-arasa txiki batean. Lehortu ahala kolorez aldatuko direla ikusiko duzu.
3. Sortu lanpara vintage bat
Bikaina izan daiteke ideia hau udaberriko mahai bati estilo-ukitu bat emateko Sabai-lanpara zahar bat aurkitzen baduzu, aukera ederra duzu landareekin apaindu eta berritzeko.
Gure proposamena da pantailak kentzea eta zure landare eta lore gogokoenak inguruan jartzea. Hori bai, kontuz ibili: ez kargatu gehiegi eta ziurtatu landareak ez direla erretzen lanpara piztuta dagoenean.
4. Apaindu pitxer eta loreontzi desberdinekin
Lehengo ideian aurreratu dizugun moduan, landareak pitxerrekin edo loreontziekin apaintzea arte ederra da. Izan ere, ukitu soil bakar batekin estetika erabat desberdina izan dezake.
Kasu honetan, loreontzi sorta ugaria aukeratu dugu. Horretarako, altzari gaineko espazio libre guztia erabili dugu eta gure txoko naturala erakusteko leku berezia sortu dugu. Zer iruditzen zaizu zuriaren, metalaren eta material naturalen arteko konbinazioa?
Ausart zaitez landareei merezi duten protagonismoa ematen! Bildu hainbat loreontzi ezberdin eta sortu moldaketa dinamikoa. Merke-merkea da, eta emaitza zoragarria da! Aholkua: aukeratu antzeko koloretako landareak loreontziak protagonistak izan daitezen.
5. Egin soiltasunaren aldeko apustua
Sarri, aukera soilena ere nahikoa izan daiteke biziberritu nahi dugun espazioa apaintzeko. Halaxe gertatzen da landareekin ere. Azken ideia honetan, pitxer batek adaxka batzuez lagundurik izan dezakeen indarra erakusten duten adibideak utzi ditugu.
Lehengo argazkian, pitxer pare bat konbinatu dugu, hartu berri ditugun lore banarekin. Mahai edo apal gainean jarriz gero, apaingarri bikainak bihurtzen dira.
Modu askotara egin dezakezu teknika hori, pitxerrak konbinatuta edo, adibidez, azken argazkian ipini dugun moduan, bakarka.
Zer deritzozu? Ekin ideia merke horietako bati eta apaindu etxea landare eta pitxerrekin, udaberriari merezi duen moduan ongietorria egiteko. Gustatu bazaizu, ziur beste aukeraketa hau ere interesgarria izango zaizula. Ez ezazu galdu!
Izugarri atsegin dugu bezeroek gure produktuak sormenez erabiltzea. Ausartu zaitez zu ere! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
