Egongela lasaigarria sortzeko 5 aholku
Zer behar duzu lasaitzeko? Tapaki leunak eta kuxin erosoak? Kandela lurrindunen usaina? Guztia une berean? Ez du preziorik etxean lasaitzea eta kalitatezko denbora pasatzea, bakarrik edo konpainian. Horretarako giro atsegina, erosoa, ordenatua eta lasaia behar dugu. Horretan laguntzeko, egongela lasaigarri bat sortzeko 5 aholku hauek emango dizkizugu.
Ezagutzen duzu egongelan zoriontsua ez den norbait? Ekin diezaiogun lanari!
1. Nola arindu zarata ehun-gaiekin
Gure lasaitasunarekin eta pazientziarekin amai dezakeen gauzarik bada, hori zarata da. Zarata hori etxearen kanpotik edo barrutik etor daiteke. Baina bazenekien ehun-gaiek zarata gutxitzen eta hain amorragarria ez izaten lagun diezaguke?
Alfonbrek, gortina lodiek, gortinaren eta errezelaren konbinazio batek edo antzeko ehun-gaiek zarata isolatzen laguntzen digute eta, batez ere, akustika hobetzen, egongela lasaigarri bat izateko. Badira "ehun akustikoak" deritzenak ere, zeregin horretarako apropos-aproposak.
2. Pertsonaliza ezazu etxea lurrin lasaigarriekin
Badakizu etxean sartu eta bertako usaina oso ongi ezagutzen duzunean? Etxe bakoitzak, pertsona bakoitzaren antzera, bere usaina du. Eta usain hori zuk nahi duzun bezalakoa izan daiteke, nahi bezain lasaigarria.
Izan ere, usain soil batek goitik behera alda dezake zure aldartea. Usain batek animatu, lasaitu edota estresatu egin zaitzake. Kasu honetan, lasaitasuna eta bakea aurkitu nahi ditugu. Nola? Jarri loreontzi bat gustukoen dituzun lore freskoekin eta kandela lurrindunak plater batean. Gureek 30 ordura arte irauten dute piztuta! Egongelan lasaitzeko gustukoen ditugun usainak dira: ezkaia, peonia, banilla eta arrosa.
3. Egongelan lasaitzeko koloreak
Ausart zaitez pieza originalak jartzera, eskuz ehundutako alfonbrak edo kolore deigarriko estanpatuak dituzten kuxin-zorroak, esaterako. Nahikoa duzu kolore paleta batean zentratzea, begietarako hain atsegina den homogeneotasun hori lortzeko. Kasu zehatz honetan, urdin kolorea tonu naturalekin konbinatzea erabaki genuen, eta kontraste egiten duten ukitu metaliko eta ziapeekin.
Gogoratu % 100 lasaigarria den egongela bada nahi duzuna, tonu argiak (zuria edo beixa), pastel-koloreak edo urdinak aukeratu behar dituzu beti. Ez aukeratu gorririk, horirik eta laranjarik, kontrako efektua lortzen dutelako.
4. Lasaitzeko egongelako argiztapena
Argiztapena funtsezkoa da giro intimoa eta lasaia lortzeko. Horregatik, egongelan argi-puntu desberdinak partekatzea gomendatzen dizugu, batez ere bonbila erregulagarriak erabiltzen badituzu: horrela, une oro piztea komeni zaizun lanpara aukeratu ahal izango duzu, baita argiaren intentsitatea ere.
Noski, kandela txiki batzuk beti izango dira aukera onena bila gabiltzan atseden-giro hori lortzeko unean…
5. Amaitu dadila desordena
Azkenik, ez dugu ahaztu behar gure urduritasuna piztu dezakeen beste puntuetako batez, desordena! Horregatik, gure azken gomendioa egongela txukun mantentzea da egunero: zerbait ematen baduzu edo bertan jaten baduzu, jaso amaitu bezain laster, garbitu gainazalak, jarri kuxinak ongi…
Eta kostatzen bazaizu, erosi armairu bat, biltegiratzea duen altzari bat edo ateak dituen komoda bat. Horrela, gauzak okerrera eginez gero, guztia barruan sartu eta akabo kaosa! Batez ere, ez galdu hau:
Izugarri atsegin dugu bezeroek gure produktuak sormenez erabiltzea. Ausartu zaitez zu ere! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
