3+1 araua etxe atseginago bat lortzeko
Batzuetan, ez gaude ziur zer elementu jar ditzakegun etxean beroa eta erosoa izan dadin eta gustura senti gaitezen.
Horrelako etxe bat imajinatzen badugu, basoko txabola tipikoa datorkigu burura segur aski, tximinia bat duena, bai eta te-kikara bero-bero bat ere. Normalean, ez dugu egunero hor jaikitzeko zortea izaten, baina sentsazio horretara hurbiltzea uste baino errazagoa da, ehun-gaiak nola erabili badakizu.
3 + 1 araua
Ehun-gaiak aurrekontu txiki batekin espazio bat "berriro dekoratzeko" modurik errazena dira, bilatzen ari garen efektu atsegin hori lortuz, gainera. Hala ere, batzuetan ez da hain erraza ehun-gaiak konbinatzea aldizkarietako adibideen pareko emaitza bat lortzeko.
Horretarako, jarrai dezakegun arau oso erraz bat dago: 3+1 araua.
1. Oinarriarekin hasi
Aukera honek ez du bestelako azalpenik behar. Gure espazioa apaintzeko aukeratzen dugun gama kromatikoaren barruan oinarrizkoena den kuxina aukeratuko dugu hemen.
2. Estiloa definitu
Urrats honetan, elementu bereizgarri bat bilatuko dugu oihalerako, aurrekoaren desberdina dena, bai kontrastea egiten duen material bat aukeratuz (adibidez, belusa oinarriarentzat eta kotoia estiloarentzat), bai kuxin horri forma geometrikoren bat erantsiz: karratuak, tantoak, marrak…
3. Adierazpena markatu
Hemen irudimena nahi adina bota diezaiokegu eta brodatuak, kolore kontrajarriak, elementu berean oihal mota desberdinak eta abar sartu.
4. Tapakia (+ 1)
Kasu honetan, + 1 hori tapakia edo plaid-a da. Osagarri hori oso garrantzitsua da zure arratsaldeak sofan edo ohean botatako lo-kuluxkak desiragarriak izan daitezen. Udazken honetarako lodiera, tamaina eta material lodiko tapaki desberdinak erabil ditzakegu, hala nola artilezkoak edo poliester birziklatuz egindakoak.
Osatu 3 + 1 araua
Gortinak
Gela bateko protagonista nagusiak gortinak dira. Etxe bat ez da etxe bat gure leihoak janzteko gortina batzuk sartzen ditugun arte. 3 + 1 metodorako osagarri ezin hobea dira, ehun-gaiak eta koloreak nahierara nahastu ahal izango baitituzu eta, gainera, gelako tenperatura mantenduko dutelako, argiaren fakturan aurreztuz.
Alfonbrak
Ez duzu topatuko magikoa zen eta hegan egiten zuen hura bezalakorik, baina gure etxerako, negu honetan oinutsik ibiltzea baimentzen digun alfonbra bero batekin nahikoa dugu.
Alfonbrak funtsezkoak dira lurzoru hotz bati berotasuna emateko edo gelaren barruan eremuak kokatzeko. Gainera, tonu okre eta marroiak badituzte, ukitu naturala emango diote dekorazioari, udazkenarekin bat egiteko.
Alfonbrak
Ez duzu topatuko magikoa zen eta hegan egiten zuen hura bezalakorik, baina gure etxerako, negu honetan oinutsik ibiltzea baimentzen digun alfonbra bero batekin nahikoa dugu.
Alfonbrak funtsezkoak dira lurzoru hotz bati berotasuna emateko edo gelaren barruan eremuak kokatzeko. Gainera, tonu okre eta marroiak badituzte, ukitu naturala emango diote dekorazioari, udazkenarekin bat egiteko.
