24 ordu irekita
Bizitza egunero gertatzen da, nola egin dezakezu etxe funtzionala bost kideko familiarentzat hiriko apartamentu txikian? IKEA taldeko bi dekoratzailek erronka onartu zuten.
Ezagutu dekoratzaileak
Emma Persson Lagerberg eta Emilia Ljungberg dekoratzaileek nortasuna zuen bost kideko familiarentzako etxea sortzeko erronka onartu zuten, espazio txikian eta diru gutxirekin. «Jolastera gonbidatzen zuen etxe koloretsua nahi genuen, aire berri eta modernoarekin, baita behar guztiak asebetetzen zituzten soluzio adimentsuekin». Altzari malguak erabili zituzten, gelak egin zituzten gelen barruan, biltegiratze adimentsuaz ahaztu gabe. Hona hemen nola egin zuten...
Biltegiratzea oso garrantzitsua da, bereziki beste gauzetarako ere erabiltzen dugulako. Partekatutako lehen logelan PLATSA erabili genuen txikiarentzako irakurketa txokoa sortzeko, baita bere ama apaintzeko gunea sortzeko ere».”
Emma, dekoratzailea
Partekatzeko tokiak
Bigarren logela tamaina bereko bi espaziotan banatuta dago, kolore lauekin margotuta daude eta bi idazmahai daude bata bestearen ondoan. «Hala, ume bakoitzak bere aldearen ardura hartuko du», dio Emiliak. «SLÄKT oheak gonbidatuentzako ohe bat dauka behean, baita maindireak gordetzeko tiraderak ere. Irakurtzeko lanpara ezinbestekoa da lotara joan baino lehenagoko ipuinak kontatzeko eta beharrezko gunea baino ez du argitzen, ez du beste inor gogaitzen».
Norberarentzako denboraren eta familiarentzako denboraren arteko oreka bilatzeko, bakoitzak berezko espazioa du, txikia edo oinarrizkoa den arren, eta partekatzen diren gune guztiak malguak dira. FLOTTEBO ohe-sofak biltegiratze tokia dauka barrualdean eta gainera gonbidatuentzako ohe bezala ere balio du.”
Emma, dekoratzailea
Estilodun biltegiratzea
Apartamentu osoan dauden estanpatu grafikoek eta kolore biziek ukitu dibertigarria ematen diote. «METOD bildumarako YTTERBYN ate berriak dituen armairua sortu genuen, adierazpen grafikoa nabarmentzeko eta aldi berean biltegiratze espazioa izateko», dio Emiliak. «Gure inspirazio estetikoa leku askotatik dator», dio Emmak. «80. hamarkadan famatua izan zen Los Angeleseko David Hockneytik kubismo eta Tetris jolasera arte».
Sukaldean KUNGSFORS errailak erabili genituen, apal baxuez gain, familiak egunero erabiltzen dituen gauzak eskura izateko. GRUNDTAL orgatxoa gehitu genuen, mahaia jartzea errazagoa izan zedin».”
Emilia, dekoratzailea
Bainugela hobea
Emma eta Emiliak funtzio asko dituzte beren bainugela konpaktuan. «Espazio txikia da, baina bostek erabili dezakegu denbora gutxi dugunean ere», dio Emiliak. «Hala egin dezakegu harraska bikoitza dugulako, baita taburete gehigarri bat, hormarako kako batekin eta guztien gauzak gordetzeko leku nahikorekin», dio Emmak. Leihoaren azpian beste ispilu batek goizetako zereginak arintzen laguntzen du.
Garbileku antolatua
Garbilekua apal konpaktu, barra eta saskiekin egindako sistema moldakorra da. «Garbilekuko saskietara sarbide erraza izateak umeek ere parte har dezaten bermatzen du, arropa zikina dagokion lekuan jarriko dute», dio Emiliak. «Garbigailuaren gainean arropa tolestu eta sailkatzeko lekua dago. Garbitzeko produktu eta detergenteak goiko apalean kokatzen dira, umeen irismenetik kanpo.
Diseinatu zuri egokitzen den etxea
Familia lanpetu batek gauza asko ditu, baina antolakuntza apur batekin eta funtzio bikoitza duten altzari batzuekin, guztientzat funtzionatzen duen etxea sor dezakezu. «Jendea etxeko dekorazioa serioegi ez hartzera inspiratzea espero dugu», dio Emmak. «Dibertigarria izan behar da!»
Izugarri atsegin dugu bezeroek gure produktuak sormenez erabiltzea. Ausartu zaitez zu ere! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
Egileak
Barruko diseinua: Emma Persson Lagerberg, Emilia Ljunberg
Argazkiak: Martin Cederblad
