Webguneko baldintzak eta betebeharrak
Webgunean sartzea librea eta doakoa da, eta ez da aurrez izenik eman behar. Webgune honen erabilera Pribatutasun Politikari, Cookie Politikari eta Lege Oharrari lotua dago, eta erabiltzaileak, Atarian nabigatu, bertan eskainitako zerbitzuak erabili edota bide horretatik eskainitako produktuak eskuratzeagatik, horiek guztiak ezagutzen eta oso-osoan onartzen dituela jotzen da.
Erabilera-baldintzak
Dokumentu honetan www.ikea.es webgunearen bidez eskainitako zerbitzu eta edukietan aplikagarriak diren baldintzak deskribatzen dira, eta baita bertan (aurrerantzean, “Ataria”) jasotako guztiak ere, IKEA IBÉRICA S.A.(aurrerantzean, “Sozietateak”) izanik Atariaren titularrak. Merkataritza-sozietateok Espainiako lurraldean bakarrik eskaintzen dituzte zerbitzuak, Kanariar eta Balear Uharteetako autonomia-erkidegoetan eta Ceuta eta Melillako hiri autonomoetan izan ezik. Aurrekoa kontuan hartuta, Sozietateek ez diete Atariaren erabilera egokirik bermatzen paragrafo honetan aipatutako lurralde-eremutik kanpoko erabiltzaileei, eta beren-beregi baztertzen ditu horrek eragin ditzakeen erantzukizun guztiak.Ataria erabiltzen baduzu, Erabilera Baldintza hauek bere osotasunean onartzen dituzula esan nahi du. Baldintzekin ados ez bazaude, ez ezazu orri hau erabili. Halaber, Ataria erabiltzeko adinez nagusia izan behar duzu, eta Erabilera-baldintza hauen bidez lotesteko behar besteko gaitasun juridikoa eduki behar duzu, indarreko legediaren arabera.
Ataria erabili edo bisitatzerakoan, modu arduratsuan eta indarreko legediarekin eta fede-oneko arauekin bat etorriz jardun beharko duzu beti, eta nolanahi ere, Sozietateen, IKEA Taldeko beste edozein merkataritza-sozietateren, edo beste hirugarren pertsona fisiko zein juridikoen titulartasuna duten jabetza intelektual eta industrialeko eskubideak errespetatu beharko dituzu.
Berariaz debekatzen da Atariko edozein eduki, bitarteko zuzen nahiz zeharkakoen bidez, legez kontrakoak diren edo izan daitezkeen helburuetarako erabiltzea, bai eta Atariari edo bertako edukiari edonolako kaltea eragiten dion edo eragin diezaiokeen Sozietateek onartu gabeko edozein ekintza burutzea ere.
Erabilera-baldintza hauen izaera lotesle orokorra alde batera utzi gabe, baliteke Atarian eskainitako zerbitzu edo baliagarritasun batzuek baldintza bereziak izatea. Baldintza bereziok erabilera-baldintza hauek zati batean edo osorik osatu, ordezkatu edo eraginik gabe utz ditzakete, eta berariaz onartu beharko dituzu. Dena den, kontsultatu egin ahal izango dituzu onartu baino lehen.
Jabetza intelektuala eta industriala
Atariaren edukiaren gaineko jabetza intelektual eta industrialaren eskubide guztiak (besteak beste, testuak, irudiak, logoak, logotipoak, zeinuak, soinuak, animazioak, bideoak, iturburu-kodea, diseinua, nabigazio-egitura edota datu-baseak) Sozietateenak edo IKEA Taldeko beste merkataritza-sozietate batzuenak dira, eta eskubide nahikoa dute horiek edozein modutan ustiatzeko; bereziki, eskubidea dute edukiok erreproduzitzeko, banatzeko, jendeaurrean komunikatzeko eta eraldatzeko.Atarira sartzeak nahiz hura erabiltzeak ez dizu inolako eskubide, baimen edo lizentziarik ematen Sozietateen, IKEA Taldeko gainerako merkataritza-sozietateen edo hirugarrenen aldetik, eduki horiei dagokienez. Debekatuta dago klausula honetan aipatzen diren jabetza intelektualeko eskubideei lotutako edukiak edozein modalitatetan erreproduzitu, banatu, jendaurrean jakinarazi eta eraldatzea, eskubideen titularraren idatzizko berariazko baimena eduki ezean.
Aurreko paragrafoan adierazitakoari kalte egin gabe, IKEA merkataritza-marka eta IKEA taldeko logotipoa Herbehereetan egoitza duen «INTER IKEA SYSTEMS B.V.» merkataritza-sozietatearenak dira, eta Atarian sartzeak edo hura erabiltzeak ez dizu inolako eskubiderik ematen haien gainean. Berariaz debekatzen da merkataritza-marka edota logotipoa merkataritza-helburuetarako edo bestelako xedeetarako erabiltzea.
Sozietateek eskubidea izango dute Atariko material eta edukiek dituzten jabetza intelektual eta/edo industrialen eskubideak urratzen dituzten erabiltzaileen jarduketetatik ondorioztatzen diren ekintza judizialak eta judizioz kanpokoak erabiltzeko haren aurrean; betiere eskubide horien titularrak izan daitezkeen IKEA Taldeko gainerako sozietateek edo hirugarren pertsonek, fisiko edo juridikoek, eskubide horiek defendatzeko gauzatu ditzaketen jarduketak, judizialak zein judizioz kanpoak, alde batera utzi gabe.
IKEA produktuak
Erabiltzaileak onartu egiten du badakiela IKEA-n saltzen diren produktu guztiak etxean erabiltzeko baino ez direla, eta produktu horiek dagozkien arauak eta estandarrak betetzen dituzten test guztiak gainditu dituztela. IKEA-k bere produktuetan eskaintzen dituen bermeak produktu horiek etxean erabiltzen badira bakarrik aplikatu ahal izango dira. IKEA produktu batzuk erabilera-estandar profesional publikoei jarraiki garatu dira.Edozelan ere, erabiltzaileak emango dion erabilerarako produktua legez egokia dela egiaztatu beharko du, Sozietateek merkaturatutako produktua erosi aurretik.
Helburu horretan laguntzeko, produktuen deskribapenak biltzen dituzten fitxak daude kontsultatzeko eskuragarri hala dendan nola Atarian. IKEA taldeak ez du bere gain hartzen, inolaz ere, IKEA taldearen salgairen bat diseinatu zenerako ez beste funtzio baterako erabiltzeagatik sor daitezkeen kexak.
Erabiltzaileak zin egiten du badakiela Sozietateek ez daukatela nazioarteko estandarren (ISO9000, ISO 14000, EMAS, SA8000, etab.) araberako kudeatzeko sistema ziurtaturik.
Sozietateek honako helburua dugu: IKEA marka bera izatea gure bezeroen kalitate-bermea, bai ekoizpen-prozesuei zein saltzen ditugun produktuei dagokienez, kalitatea, segurtasuna, ingurumena eta enpresaren erantzukizunei dagozkien beste hainbat alderdi kontuan hartuz. Xede horrekin, gure prozesu guztiak kontuan hartzen dituzten hainbat kudeaketa-sistema eta barneko protokolo ditugu, eta sistema horiek guk geuk ikuskatzen ditugu gure enpresako unitate guztietan puntu guztiak betetzen direla ziurtatzeko. Gure produktuen fabrikazioa Sozietateen kalitate-, ingurumen- eta enpresa-erantzukizunaren gaineko estandarren arabera egiten dugu,; nazioarteko printzipioak kontuan hartzen ditugu, eta gorago aipatu ditugun arauekin koherentziaz jokatzen dugu. Gainera, enpresako hainbat ikuskatzaile ditugu produktu-ekoizle guztiek eta IKEA taldearen zerbitzu guztiek gure araudiak betetzen dituztela etenik gabe ziurtatzeko.
Esteken politikak
IKEA taldearen web-orriarekin hiperestekak ezartzeko asmoa baduzu, ezin izango duzu adierazi IKEA taldeak hiperesteka baimendu duenik edo moduren batean edo bestean hiperesteka ezartzen den web-orriko edukia onetsi edo baimendu duenik. Halaber, ezin izango duzu IKEA taldeari edo bertako langileei buruzko adierazpen faltsu, oker edo iraingarririk egin edo hiperesteka dagoen orrialdean eduki ezegokiak, iraingarriak, legez kontrakoak, lizunak edo bidegabeak gehitu, ezta indarrean dagoen legedia urratzen duen edukirik ere. Gainera, ezin izango duzu makrorik (“frame”) sortu IKEA taldearen web-orriekin edo haien gainean.Sozietateek zurekin harremanetan jartzeko aukera gordeko dute hiperesteketarako ezarritako arauak ez dituzula betetzen uste baldin badute, baita aurreko paragrafoan xedatutakoaren aurkako jarrerek ekar ditzaketen ekintza judizial eta judizioz kanpoko egokiak gauzatzeko aukera ere.
Erantzukizuna
Sozietateek ezin dute bermatu erabiltzaileek webgunea zuzen eta behar bezala erabiliko dutenik, eta, beraz, uko egiten diote indarrean dagoen legediaren aurkako jarduera ororen gaineko erentzukizunari, eta berariaz, Atarian eskuragarri dauden aplikazio edo tresnen bidez adierazitako adierazpen desegoki, iraingarri, arrazista, lizun edo diskriminatzaileen gaineko erantzukizunari. Halaber, Sozietateek eskubidea izango dute beharrezko ekintza judizial eta judizioz kanpokoak erabiltzeko, paragrafo honetan xedatutakoaren aurkako jarreraren bat gertatzen bada.Sozietateek ez dute, azalpen gisa eta izaera murritzailerik gabe, jarraian zerrendatzen diren egoeretatik eratorritako ardurarik hartzen (legeak ezarritako mugak salbu):
Internet-sarearen arazoetatik eratorritako gorabeherak (Ataria bera erabiltzeko ezintasuna barne), sistema mantentzeko ohiko eragiketen ondorio zein atariak behar bezala funtzionatzeko beharrezko eguneratzeen ondorio.
Adingabeek ataria erabiltzea edo guraso nahiz tutoreen baimenik gabe beren datu pertsonalak bidaltzea. Kasu horretan, gurasoak edo tutoreak izango dira adingabeek Internet erabiltzeko moduaren arduradun. IKEA-k Interneten erabilera kontrolatzeko tresnaren bat instalatzea gomendatzen du, adingabeentzat ez diren orri edo edukietarako sarbidea mugatzeko.
IKEA-k onartzen ez dituen esteken bitartez atzitutako edukiak edo erabiltzaileek iruzkin bezala edo antzeko tresnak erabiliz sartutakoak, Atarian erabiltzaileen esku jartzen direnean.
Zuk edo baimenik ez duen hirugarren batek sartutako datu okerrak, baita ematen diguzun helbide elektronikoaren inguruko arazoak ere, hala okerra bada nola IKEA taldeaz kanpoko funtzionamendu arazoak baditu.
Erabiltzaileek webguneko edukien jabetza intelektualaren edota industrialaren eskubideak urratuz egiten duten webguneko material eta edukien legez kanpoko erabilera, Erabilera Baldintza hauetako “JABETZA INTELEKTUALA ETA INDUSTRIALA” atalean ezarritako baldintzetan.
Sozietateek adierazten dute dauden segurtasun-estandar handienak erabiltzen dituztela, Ataria segurtasun osoz eta behar bezala erabil dezazun. Dena den, Sozietateek ezin dute bermatu ez denik erabiltzailearen sistema informatikoa (hardwarea edo softwarea) kaltetu edo aldatu dezakeen inolako birusik edo bestelako elementurik izango, eta ez du horri buruzko erantzukizunik bere gain hartuko. Zeuri dagokizu, erabiltzaile bezala, birusak edo bestelako elementu informatiko kaltegarriak detektatzeko tresna egokiak edukitzea.Aldaketak baldintza hauetan
Sozietateek eskubidea izango dute, alde bakarretik, Erabilera-baldintza hauek osorik edo zati batean aldatzeko, aurrez ohartarazi beharrik gabe, baita batzuetan ezar daitezkeen Atariko beste zati batzuk osorik edo zati batean aldatu, amaitu edo eraginik gabe uzten dituzten beste baldintza berezi batzuk osorik edo zati batean aldatzeko eskubidea ere, Atariaren konfigurazio, aurkezpen edo diseinuari buruzkoak edo Ataria osatzen duten elementu eta zerbitzuei buruzkoak. Aldaketak egin ostean Atarira sartzen bazara, aldaketa horiek onartu dituzula esan nahiko du.Aplika daitekeen legea eta jurisdikzioa
Erabilera-baldintza hauek Espainiako legediaren menpe daude. Erabilera-baldintzak ezarri edo interpretatzearekin lotutako eztabaidaren bat egonez gero, lurraldean eskumena duten Epaitegi eta Auzitegien esku utziko dute alderdiek, indarrean dagoen legediaren arabera.
Nolanahi ere, jakinarazten dizugu kontsumo eskuragarriaren arloko gatazkak auzibidetik kanpo ebazteko eskubidea duzula, esteka honen bidez.