IKEA Family Leialtasun Txartelaren eta sarien erabilera-baldintzak eta baldintzak

Uneko baldintzak eta zehaztapenak | Baldintzak eta zehaztapenak 2025/12/10etik aurrera indarrean

Uneko baldintzak eta zehaztapenak

A - IKEA Family Txartelari eta IKEA Family sariei aplikatzekoak diren baldintza orokorrak.

Zehaztapen eta baldintza hauek IKEA IBÉRICA S.A. enpresaren (Matapiñonera etorb. 9, 28703 San Sebastián de los Reyes, Madril, IFK: A28812618) IKEA Family Klubeko Fidelizazio-txartela erabiltzeko Baldintza orokorrak erregulatzen dituzte.

Txartela eta IKEA Family-ren sariak erabiltzea aipatutako baldintzen menpean daude, beraz, IKEA Family Klubean Kontu bat sortzeak ("Kontua") eta Txartela eskatzeak eta erabiltzeak esan nahi du baldintza horiek onartzen dituzula eta haietara atxikiko zarela.

Zehaztapen eta baldintza hauek denboran zehar alda daitezke, araudiaren edo gure zerbitzuen aldaketen arabera, edo beste edozein arrazoirengatik, beraz, mesedez, berrikus itzazu maiz. IKEA-k noiznahi eta aldez aurretik abisatu gabe aldatu ahal izango ditu IKEA Family Klubeko Fidelizazio-txartela erabiltzeko eta IKEA Family-ren sariak erabiltzeko Zehaztapen eta Baldintza hauek, bai eta Pribatutasun-politika eta Cookie-politika ere, aldaketa horiek IKEA-ren web orrian bertan argitaratuz, ezagutu ahal izateko eta Txartelaren Titularrak IKEA-ren webgunean sartzen den bakoitzean arretaz irakurri ahal izateko. Titularrak onartzen du IKEA Family Klubeko Fidelizazio-txartela, IKEA Family-ren sariak, Pribatutasun-politika eta Cookie-politika erabiltzeko Zehaztapen eta Baldintzak aplikatuko direla, une bakoitzean webgune honetan eskuragarri daudenak. Baldintza horiek onartzea IKEA Family Txartela erabiltzeko aldez aurreko eta ezinbesteko urratsa izango da beti. Soilik Txartela eskatzeak eta erabiltzeak esan nahi du Txartelaren Titularrak Zehaztapen eta Baldintza horiek onartuko dituela. IKEA ez da ahalmen hori erabiltzeak izan ditzakeen edonolako kalte-galeren erantzule izango. Esteka hauetan kontsulta ditzakezu IKEA Family Klubeko Fidelizazio-txartelaren eta IKEA Family-ren sarien erabileraren Zehaztapen eta Baldintzak, Pribatutasun politika eta Cookie-politika:

IKEA FAMILY-ren baldintza orokorrak 

Pribatutasun-politika

"Zu" edo "zuri" esaten dugunean IKEA Family-ko bazkide direnei buruz ari gara.

B - IKEA Family Txartelaren erabilera-baldintzak

Txartelaren jaulkitzailea: Txartela IKEA IBÉRICA, S.A.-k jaulkia da eta jaulkitzailea izango da haren jabea beti.

Txartelaren Titularra eta IKEA Family-ko bazkidea: IKEA Family Klubean Kontu bat sortzeko eta Txartelaren titularra eta IKEA Family-ko bazkidea izateko baldintza hauek behar dituzu:

• Pertsona fisikoa izatea.
• 18 urtetik gorakoa.
• Espainiako egoiliarra izatea (Balear Uharteak, Kanariar Uharteak, Ceuta eta Melilla kanpo).
• Posta elektronikoko kontu bat izatea.

IKEA-k baldintza hauek egiaztatzeko eskubidea gordetzen du, eta horretarako, beharrezko agiriak eska diezazkizuke.

Aldaketak: IKEA Family Klubeko Fidelizazio-txartelaren edozein alderdi alda dezakegu edozein unetan gure irizpideen arabera. Txartelaren iraunaldia mugagabea da; beraz, IKEA-k IKEA Family Kluba eta Txartela erabiltzearen abantaila guztiak edo batzuk bertan behera uzteko, IKEA Family Txartelak jaulkitzeari uko egiteko edo jaulkitako IKEA Family Txartelak bertan behera uzteko eskubidea gordetzen du.

Txartelaren bestelako ezaugarri eta erabilera-baldintzak:

• Txartela doakoa, pertsonala eta besterenezina da, Txartelaren titularrak soilik erabil dezake eta titularrak Txartela erabiltzerakoan nortasuna egiaztatu beharko du IKEA-ko langileek hala eskatuz gero. Hori ez bada betetzen, arrazoi horrengatik IKEA-ri eragindako kalteen erantzulea Titularra izango da.
• Txartela telefono-zenbaki bati lotuta egon daiteke; IKEA-k kutxako langileen bidez telefono-zenbakia Txartelaren titularrari dagokiola egiaztatu ahal izateko eskubidea gordetzen du.
• Txartela Espainiako penintsulako lurraldeetako (Balear Uharteak edo Kanariar Uharteak, Ceuta eta Melilla kanpo) IKEA IBÉRICA, S.A. denda guztietan erabil dezakezu eta baita IKEA Family Klubarekin lankidetzan aritu daitezkeen beste establezimendu batzuetan ere. Ildo beretik, batzuetan, beste promozio-bazkidek lankidetzan aritu daitezke denbora-tarte baterako IKEA Family Klubarekin; kasu horretan, hirugarrenen promozio horiek hirugarren horren Zehaztapen eta Baldintzen menpean ere egongo dira. 
• Txartela ezin daiteke ordaintzeko erabili eta ezingo da ordaintzeke dauden saldoak konpentsatzeko erabili, edozein motatakoak nahiz edozein modutan sortutakoak izanik ere, eta ezin izango da deskontuen balioa eskudiruagatik trukatu.
• Txartelak IKEA IBÉRICA, S.A produktuak erosteko deskontuak jasotzeko aukera ematen du denda fisikoetan, online erosketan edo Jatetxean/Bistroan/Denda suediarrean, IKEA-k eskaintzen dituen eta une bakoitzean indarrean dauden sustapenen arabera, IKEA Family-ren sariak (ikus IKEA Family-ren sarien atala aurrerago), gure produktuen eta zerbitzuen publizitatea aukeratzen duzun bitartekoaren bidez jasotzea, baita ekitaldi eta eduki esklusiboetara sartzeko aukera, eta beste abantaila gehigarri batzuk.
• Arestian aipatutako baldintza guztiak betetzen dituen pertsona orori emango zaio txartela, baldin eta Espainiako penintsulako lurraldeko IKEA IBÉRICA, S.A. dendetan dauden kiosko digitaletan edo www.ikea.es webgunean erregistratuta eskatzen badu.

Datu pertsonalak:

• Gure Pribatutasun-politikaren eta Zehaztapen eta Baldintza hauen arabera gordeko dugu IKEA Family Klubaren fidelizazio-programaren barruan ematen diguzun edozein informazio. Txartelari lotutako IKEA Family Klubeko datu pertsonalen bilketa eta tratamendua https://www.ikea.com/es/eu/customer-service/privacy-policy/ webgunean aurkituko duzun Pribatutasun-politikan aurreikusitakoaren arabera egingo da.
• Txartelaren Titularraren erantzukizuna izango da Kontua sortzean eta Txartela eskatzean emandako datu pertsonalak eguneratuta mantentzea. Datuak aldatu behar direnean, bazkidearen profilean izango du Titularrak hori egiteko aukera: https://www.ikea.com/es/eu/profile/dashboard/ . Bestela, IKEA-k baliozkotzat joko ditu Titularrak hasieran emandako datuak.
• Titularrak bere datu pertsonalak eta bere IKEA Family kontuko informazioa eguneratuta mantendu beharko ditu. Ez gara erantzule izango datuak eguneratuta ez egoteagatik edo zehatzak ez izateagatik edozein sari edo onura galtzen badu.
• IKEA-k eskubidea izango du Titularrarekin harremanetan jartzeko Txartelarekin edo bere IKEA Family Kontuarekin zerikusia duen edozein gairi buruz informatzeko.

Merkataritza-jakinarazpenak:

Txartelaren Titularrak, IKEA Family Klubean erregistratuz gero eta Txartela eskatuz gero, berariazko baimena emango du bere datu pertsonalak tratatzeko, publizitate edo promozio-helburuetarako, eskatu duen bitartekoaren bidez. Txartelaren Titularrak erraz eta doan ken dezake jakinarazpen horiek jasotzeko emandako baimena, IKEA-k bidaltzen duen jakinarazpen bakoitzean baja eman ahal izateko ematen duen estekaren bidez.

Zure IKEA Family Kontuaren eta IKEA Family Txartelaren erantzukizuna:

• Zure IKEA Family Kontuaren edozein erabileraren erantzule zara. Seguru gorde zure kontuko datuak, zure pasahitzaren konfidentzialtasuna barne. Baimena ez duen norbaitek zure pasahitza edo zure IKEA Family Konturako sarbidea duela uste baduzu, jarri harremanetan berehala Bezeroentzako Arreta-zerbitzuarekin (900 400 922), eta aldatu arriskuan dagoen edozein pasahitz.
• IKEA Family Txartela, sariak, kupoiak eta opari-txartelak IKEA Family bazkidearen ardura dira, baita kontuarekin lotutako beste edozein segurtasun-datu ere. IKEA ez da sortutako edozein galeraren erantzule izango, IKEA Family bazkideak ez badu haren zaintza bermatzen.
• Txartela erabiltzeko eta zaintzeko ardura Titularrari eta ez beste inori dagokio IKEA-k jakinarazten dion unetik. IKEA-k ez du ardurarik hartuko Txartela eman ondoren Txartelarekin lotutako gorabeheraren bat gertatuz gero, ezta Txartelarekin bidegabeki gauzatu daitezkeen deskontuez ere. IKEA-k ez du bere gain hartuko hirugarrenek egiten duten Txartelaren erabileraren ardura, ez Txartela zuzenean erabiliz, ez zeharka Txartelaren Titularraren telefono-zenbakia emanez.
• Txartela galdu edo lapurtuz gero, Bezeroen arreta-zerbitzuaren bidez jakinarazi ahal diguzu 900 400 922 telefonora deituz. Gogoratu zure bazkide-zenbakia kontsultatzeko eta zure txartela atzitzeko aukera duzula beti bezeroaren gunean saioa hasita, hemen: https://www.ikea.com/es/eu/profile/dashboard/

IKEA Family Kontua bertan behera uztea:

Zuk zeuk: IKEA Family-ko harpidetza edozein unetan utz dezakezu bertan behera: 

a) kontuaren ezarpenetan IKEA Family kontua ezabatuta,

b) Bezeroentzako Arreta-zerbitzuari (900 400 922) eskatuta, edo

c) www.ikea.com. webgunean aurkituko duzun ARSOPOL Eskubideen inprimakiaren bitartez. Hori eginez gero, ezin izango duzu IKEA Family-ko harpidetzari ezta horren abantailei eta sariei onura atera. Metatutako sari guztiak galduko dira bertan behera uzten den datan, eta ezingo dira trukatu bertan behera utzi ostean.

IKEA-k: "IKEA-k zure IKEA Family Kontua amaitzea edo etetea" atalean xedatutakoa aplikatuko du.

IKEA-k zure IKEA Family Kontua amaitzea edo etetea:

Zure IKEA Family Kluberako harpidetza amai edo eten dezakegu gure irizpideen arabera:

a) IKEA Family kontua sortu eta hurrengo zazpi (7) egunetan ez baduzu informazio zehatza, eguneratua eta osoa eman, helbide elektroniko egiaztagarri bat eta telefono mugikorreko zenbaki bat barne, erregistratutako zure helbide elektronikora abisatuta;

b) berehala, aldez aurretik abisurik eman beharrik izan gabe, IKEA Family kontuaren zure erabilterak Zehaztapen eta Baldintza horiek urratzen dituela edo agian urratzen dituela uste badugu, edo uste izateko arrazoiak baditugu;

c) berehala, aldez aurretik abisatu beharrik gabe, iruzurra, baimenik gabeko erabilera edo gure zerbitzu, onura eta sarien abusua, edo IKEA-rentzat onargarritzat jotzen ez dugun IKEA Family Klubeko harpidetzaren beste edozein erabilera susmatzen badugu; edo

d) zure IKEA Family kontua 36 hilabete baino gehiagoz aktibo egon ez bada, zure helbide elektronikora mezu bat bidalita. Aktibo ez egotearekin, esan nahi dugu, adibidez, ez duzula IKEA-rekin interakziorik izan, eta horren barruan sartzen da zure profilean saioa hastea, erosketa-saskian produktuak jartzea, nahien zerrendan produktuak gehitzea edo IKEA Family kontuan erregistratuta dagoen erosketa bat egitea.

Zure IKEA Family kontua etetearen osteko ekintzak:

Eten ondoren, zure IKEA Family kontua blokeatuta gera daiteke eta ezingo da aurrerantzean erabili, desblokeatzeko gomendatutako ekintza gauzatu arte (adibidez, informazio osoa ez emateagatik kontua eten badizugu eta egiaztatu gabeko beste IKEA Family kontu bat desblokeatu nahi baduzu, helbide elektroniko bat eta telefono-zenbaki mugikor egiaztagarri bat eman behar dizkiguzu).

Bertan behera uztearen edo amaitzearen ondorioak:

Ezingo diozu onurarik atera IKEA Family Klubeko harpidetzari eta haren onura eta sariei. Bertan behera uztearen datan metatutako onura, abantaila eta sari guztiak galdu egingo dira eta ezin izango dira trukatu bertan behera utzi edo amaitu ondoren.

Ez-betetzeen zuzenketa:

Ikusten badugu bazkide bati Zehaztapen eta Baldintza horien arabera emandako sari edo onuraren bat Zehaztapen eta Baldintza horiek ez betetzeagatik, edo IKEA Family kontuan iruzur edo baimenik gabe erabiltzeagatik, edo IKEA-ren akatsen ondorioz, jaulki edo eman zitzaiola, IKEA-k bazkideari jaulkitako edozein sari, puntu edo bestelako onura ezeztatzeko edo itzultzeko eskubidea gordetzen du.

Bikoiztutako kontuak:

Pertsona batek kontu bakarra izan dezake IKEA Family Klubean aldi berean. IKEA-k kontu bikoiztua irekitzeari uko egiteko, kontu bikoiztuak batzeko edo kontu gehigarriak edozein unetan ixteko eskubidea gordetzen du.

Kontuak batzea:

Bazkide batek IKEA Family kontu bat baino gehiago badu, eta datuak (erosketei buruzko datuak eta horiei lotutako mozkinak) kontu batetik (jatorrizko kontua) bestera (xede-kontua) transferitzeko eskatzen badu IKEA-ren pribatutasun-politikan Pribatutasun-politika - IKEA eskuragarri dagoen formularioaren bidez, IKEA-k transferentzia hori egingo du eskaera baliozkotu ondoren. Ondore horretarako, bazkideak eskaeran zehaztu beharko du zein den jatorrizko kontua eta zein den xede-kontua.

Bazkideak jatorrizko kontua eta xede-kontua eskaeran zehaztu ezean, transferentzia bazkideak erosteko gutxien erabiltzen duen kontutik (jatorrizko kontua) gehien erabiltzen duen kontura (xede-kontua) egingo da.

Nolanahi ere, adierazitako transferentzia honako termino eta baldintza hauei jarraikiz burutuko da:

• Erosketei buruzko informazioa: erosketen historiak transferitu ahal izango dira, betiere sisteman erregistratutako transakzioei lotuta badaude. Hala, ezin izango da inola ere eskudirutan ordaindutako edozein erosketari buruzko daturik transferitu. Era berean, ezin izango dira inola ere erosketen historiak transferitu txartel fisikoetatik IKEA Family txartel digitaletara.
• Transferitu daitezkeen puntuak: IKEA-k ez du inolako erantzukizunik bere gain hartuko migrazioaren ondorioz puntuak galtzen badira ("C" ataleko 1. puntuan xedatutakoari dagokionez). 
• Atzeraezintasuna: transferentzia egin ondoren, emaitza behin betikoa izango da.

IKEA-k beretzat gordetzen ditu eskaeraren baliozkotasuna egiaztatzeko eta transferentzia ukatzeko eskubideak iruzurra, erabilera desegokia edo baldintzen ez-betetzea antzematekotan.

Erantzukizunaren muga:

Legedi aplikagarriak ahalbidetzen duen neurrian, IKEA ez da zure aurrean inolako galera edo kalteren erantzule izango, besteak beste:

a) IKEA Family Klubeko harpidetzatik sortzen den edozein zeharkako kalte edo kalte berezi, atzekari edo emergenterengatik; eta

b) Zehaztapen eta Baldintza horien arabera emandako edozein onura, abantaila, sari edo eskaintza lortu edo erabiltzeari dagokionez; edo

c) Zehaztapen eta Baldintza horiek ez betetzetik sortzen bada.

Zehaztapen eta Baldintza hauetan ezerk ez ditu baztertzen, murrizten edo aldatzen legez dituzun eskubideak.

Erabilera Onargarria:

IKEA Family Txartela eta IKEA Family Klubeko harpidetza Zehaztapen eta Baldintza hauen arabera baimendutako helburuetarako bakarrik erabil ditzakezu. Ez dituzu gaizki erabili behar IKEA Family kontu edo Txartelaren bidez eskuratzen dituzun funtzioak eta zerbitzuak (adibidez, pirateatzea, birusak, troiarrak, harrak edo teknologikoki kaltegarria den beste material bat sartzea, edo zerbitzua ukatzeko erasoak egitea edo teknologikoki kaltegarria den beste edozein jardunbide edo material), ezta gure teknologiak edo funtzionalitateak gaizki erabiltzea edo beste edozein modutan aldatzea ere.

Egiaztapena:

IKEA-k beretzat gordetzen du zure IKEA Family Kontuarekin lotutako edozein sari edo onuraren baliozkotasuna egiaztatzeko eskubidea, eta IKEA-k manipulazio bidez lortu dela edo bestela Zehaztapen eta Baldintza horien arabera irabazi ez dela dakien edo zentzuz susmatzen duen edozein sari edo onura baliogabetzeko eskubidea (IKEA-k bere irizpide esklusibo eta diskrezionalarekin erabakitzen duenaren arabera).

Erosketaren egiaztagiria:

Zure IKEA Family Txartela erabiltzea ez da erosketaren egiaztagiria.

IKEA-ren jabetza intelektualeko eskubideen titulartasuna:

IKEA Family, IKEA.es eta IKEA markako jabetza intelektualeko titulu eta eskubide guztiek IKEA-renak edo gure frankizia-emaile Inter IKEA Systems B.V.-renak izaten jarraituko dute. Ezin duzu egile-eskubideak, marka komertzialak, zerbitzu-markak, patenteak edo jabetzako beste eskubide edo material batzuk dituen gure materialik erabili edo erreproduzitu.

Lege aplikagarria eta gatazken ebazpena:

Zehaztapen eta Baldintza hauek Espainiako legediak arautzen ditu, eta Espainiako legediak aplikatzen dituen auzitegien jurisdikzio esklusiboaren mende daude.

C – IKEA Family sariak

IKEA Family klubeko kide zarenez, IKEA-k unean-unean jakinarazitako onura edo sustapen batzuez gozatu ahal izango duzu zure txartela erabiliz; eta, horretaz gain, IKEA Family-ko bazkide zarenez, puntuak metatu eta IKEA Family sarien ordez trukatu ahal izango dituzu. Horretarako, IKEA online kontua eta IKEA Family txartel digitala behar dituzu; izan ere, kontua eta txartela IKEA Family-ko kide gisa alta ematean lortuko dituzu IKEA-ren webgunean https://www.ikea.com/es/eu/profile/signup/

IKEA Family sariak bereziki arautzen dituzten Zehaztapen eta Baldintzak atal honetan daude bilduta. Hala ere, IKEA Family sariez baliatu ahal izateko IKEA Family Klubeko kide izan behar duzunez eta, beraz, Kontu bat sortu eta Txartel bat izan behar duzunez, IKEA Family sariei atal hauetako Zehaztapen eta Baldintzak ere aplikatu behar zaizkie: “A. Orokorra” eta “B. IKEA Family Txartelaren erabilera-baldintzak".

1. Nola lortu puntuak

IKEA Family bazkide zaren aldetik, puntuak meta ditzakezu eta "sari" bihurtu ahal izango dituzu. Puntuak meta ditzakezu IKEA-rekin interakzioa izatean eta/edo erosketak eginez, dendan IKEA Family txartela aurkezten duzunean, edo webgunean edo IKEA aplikazioan zure online kontuarekin identifikatzen zarenean.

Aldaketak:

IKEA-rekiko interakzioak eta IKEA-n egindako erosketak, puntuak metatzeko aukera emango dizutenak, noizean behin eta denboran zehar alda daitezke; zure IKEA Family Kontuan ikusi ahal izango dituzu interakzio eta erosketa bakoitzaren zehaztapen eta baldintzak, une bakoitzean puntuak metatu ahal izateko. Ondorioz, zure IKEA Family Kontuko erosketetan eta interakzioetan metatu ahal izango dituzun puntuen kopuru zehatzari buruzko informazio zehatza aurkitu ahal izango duzu.

Interakzio eta/edo erosketa bakoitzarekin puntuak metatzeko moduak eta metatuko dituzun puntuen kopurua IKEA-k erabakiko ditu alde bakarretik, eta une oro zure IKEA Family Kontuan jakinaraziko dizkizu. IKEA-k beretzat gordetzen du erosketengatik eta interakzioengatik metatzen diren puntuen kopurua aldatzeko eskubidea, baita bezeroei puntuak metatzeko aukera ematen dieten interakzioak eta erosketak aldatzekoa ere. Aldaketa guztiak zure IKEA Family Kontuan jakinaraziko zaizkizu.

Puntuak metatzeko interakzioen eta erosketen adibideak:

Adibide gisa, eta IKEA-k unean-unean erabaki ahal izan arren zein interakzio egongo diren indarrean eta zein baldintza zehatz izango dituen, hona hemen puntuak metatzeko interakzio posibleen adibide batzuk:

I. Erosteagatiko puntuak; berdin dio produktuak edo zerbitzuak online, telefonoz edo dendan erostea, edo gure jatetxeetan edo Janari Denda Suediarrean erostea. Erosteagatiko puntuak lortu ahal izateko, bazkideak IKEA Family txartel digitala eskaneatu beharko du denda fisikoan erostean; eta online erostean, berriz, bazkideak –erosketa egin aurretik– saioa hasi beharko du bere IKEA Family online kontuan.

Metatutako puntuak egindako erosketaren balioaren araberakoak izango dira. Puntu bat pilatuko duzu bazkideak ordaindutako 5€ bakoitzeko, bezeroak erabilitako deskontu eta promozio guztiak aplikatu ondoren.

II. IKEA-rekin interakzioak izanda honako edozein modutan:

• Saioa hasita webguneko zure IKEA Family kontuan.
• Sukalde-diseinu bat gordeta zure IKEA Family kontuan.
• Nahien zerrenda bat sortuta webgunean edo aplikazioan.
• IKEA-ko ekitaldi batean izena emanda eta bertaratuta (zalantzarik ez izateko, IKEA Family-ko kideek ez dute punturik jasoko, baldin eta erregistratzen badira baina IKEA Family ekitaldi hautagarri batera joaten ez badira).• Plangintza-kontsulta bat dendan edo birtualki erreserbatuta eta bertaratuta.

Puntuak lortzeko eragozpenak:

Honako kasu hauetan, ez da punturik metatuko: IKEA opari-txartelak erabiltzen badira; IKEA Enpresentzat sareko bezero gisa erosten baduzu; IKEA-ren webgunean erregistratutako Family Konturik ez baduzu; dendan erostean IKEA Family txartel fisikoa erabiltzen ez baduzu; eta webgunean aldez aurretik zure IKEA Family kontuan saioa hasi gabe erosten baduzu.

Dendan erostean, IKEA Family txartel digitalak baino ez dira baliozkoak puntuak metatu ahal izateko.

Kontuan izan interakzio batzuek puntuak "astean/hilean/urtean…" "X" aldiz baino ez dizkizutela metatzen. Adibidez, interakzio baten zehaztapen eta baldintzetan ezartzen bada "astean behin puntu bat" metatu dezakezula zure IKEA Family Kontuan saioa hasiz, horrek esan nahi du zure IKEA Family Kontuan saioa aste batean behin baino gehiagotan has dezakezula, baina aste horretan saioa hasten duzun lehen aldian bakarrik jasoko duzula puntu bat. Egutegiko beste aste bat hasten denean, sari-puntu bat gehiago pilatu ahal izango duzu IKEA-rekiko interakzio berdinarekin.

IKEA Family bazkide gisa identifikatzeko beharra:

Online erosketa eta interakzioengatik puntuak metatzeko, saioa hasi behar duzu zure IKEA Family Kontuan; eta dendako erosketa eta jardueretarako, IKEA Family bazkide gisa identifikatu behar duzu zeure burua, IKEA Family txartel fisiko edo digital bat aurkeztuta. Erosketa edo interakzio batean zeure burua identifikatzen ez baduzu, ezingo duzu aurrerago identifikatu, ezta erosketaren edo interakzioaren ordainagiria edo beste froga bat izan arren ere. Identifikazioa lehenago egitea garrantzitsua da, arrazoi teknikoak direla eta, ezin baitiegu IKEA Family bazkideei punturik esleitu erosketa edo interakzioaren unean haien burua identifikatu ez badute. IKEA Family txartelaren identifikazioa/saioa IKEA Family kontuan hastea IKEA Family-ko kidearen erantzukizuna da.

Erosketaren itzulketa:

Kontuan izan erosketa baterako puntuak metatzen badituzu, baina gero erositako produktua edo produktuak itzultzen badituzu, zure puntu-saldoko puntuak kenduko ditugula, itzulitako produktuaren edo produktuen balioaren arabera. Puntuak gastu-tarteetan kalkulatzen dira, eta horrek esan nahi du puntu gutxiagorekin amaitu dezakezula erosketa bat egin eta gero erositako produktuetako bat itzultzen baduzu, erosketa bera produktu jakin hori gabe egitearekin alderatuta. Artikulu bat itzultzeak ere puntu-saldo negatiboa sor lezake zure IKEA Family kontuan.

Kontuan izan, puntuen balantze negatiboa izanez gero, IKEA-k ez duela inolako erreklamaziorik egingo zure aurka, eta ez dela inolako betebeharrik egongo horrekin lotuta. Erosketengatik edo beste interakzio batzuengatik puntuak metatzen jarraitu ahala, zure kontuan saldo positiboa izatea lortuko duzu berriro. 

Produktu horiek erosteko unean deskonturen bat lortzeko sariren bat aplikatu zen produktuen itzulketei dagokienez, kontuan izan behar duzu produktuagatik benetan ordaindu zenuen zenbatekoa itzuliko zaizula, aplikatutako deskontuarekin, hasierako prezio osoaren ordez, eta, era berean, ez dela inolaz ere saria itzuliko, ezta hura trukatzeko erabilitako puntuak ere. 

Puntuen balio-epea:

Puntuak ez dira itzulgarriak, ezta transferigarriak ere, eta ezin dira diruarengatik trukatu. IKEA Family bazkideentzat eskuragarri dauden sariengatik trukatzeko baino ezin dira erabili. Puntuak 12 hilabetez izango dira baliozkoak (puntuen balio-epea), metatze-datatik aurrera (hau da, puntuak aktibatu dituen interakzioaren edo erosketaren datatik aurrera). Aldi horren ondoren, puntuak automatikoki iraungiko dira, baina ez kezkatu, posta elektronikoz gogoraraziko dizugu iraungitze-data baino lehen, iraungi baino lehen gastatu ahal izan ditzazun.

Puntu-saldoa:

IKEA Family kontuan zenbat puntu dituzun metatuta ikus dezakezu, baita zenbat sari dauden ere. Puntuak zure IKEA Family kontuan agertuko dira, erosketa bat egin edo IKEA-ko tresna eta zerbitzuekin interakzioak izan ondoren, 48 ordu igaro baino lehen. Kontuan izan erosketa bat ez dela osotzat hartuko puntuak metatzeari dagokionez, harik eta zure eskaerako produktu guztiak jaso arte.

2. Nola erabil ditzaket nire puntuak?

Puntuak aplikatzea:

Behar adina puntu metatu dituzunean eta puntu horiek erregistratu direnean eta zure IKEA Family kontuan agertzen direnean (48 ordu arte iraun dezake horrek), sariak automatikoki desblokeatuko dira eta zure IKEA Family kontuan aukeratzeko moduan agertuko dira.

Saria aukeratzea eta desblokeatzea:

Gustuko sari bat aurkitzen baduzu (eta behar adina puntu metatu badituzu), desblokeatzea aukera dezakezu. Orduan, desblokeatutako sari horri dagokion puntu-kopurua zure puntu-saldotik kenduko da, eta mezu elektroniko bat jasoko duzu zure hautua berresten duen kode batekin. Saria aukeratu eta desblokeatu ondoren, ezin izango da saria itzuli, ezta puntuak berreskuratu ere. Sariak, berez, ez dira itzulgarriak, ezta transferigarriak ere, eta ezin dira diruarengatik trukatu.

Desblokeatutako sariaren balio-epea:

IKEA aplikazioan, dendan edo Bezeroarentzako Arreta-zerbitzuarekin harremanetan jarriz (adibidez, erosketa telefoniko bat egiten baduzu) erabil dezakezu webgunean desblokeatu zenuen sariaren kodea. Kodea behin bakarrik erabil daiteke, dagokion sarian ezarritako baldintzetan, eta iraungi egingo da jaulki den egunetik zenbatzen hasita hogeita hamar (30) eguneko epean erabiltzen ez bada. Horrek esan nahi du kodea galdu egiten dela erabili bezain laster, eta, zoritxarrez, arrazoi teknikoengatik, aplikatu egingo da eskaera geroago bertan behera utzi arren. Kodea dagokion eguneko 23:59an iraungiko da, balio-epea igarotzen uzten bada. Kodea iraungitzen bada, ez da eskainiko puntuen itzulketarik edo abantaila baliokiderik. Sari bat jarraibide hauen arabera bakarrik truka daiteke. Kodea ezin da beste promozio edo deskontu-eskaintza batekin batera erabili, kontrakoa adierazi ezean.

Sari bat trukatzean IKEA Family-ko bazkide gisa identifikatzeko beharra: 

Sari bat trukatzeko, IKEA Family-ko bazkide gisa identifikatuta egon behar duzu IKEA-ren webgunean edo aplikazioan, eta dendan erosketak eta jarduerak egiteko, IKEA Family-ko bazkide gisa identifikatu behar duzu zeure burua, zure Txartela formatu fisiko edo digitalean aurkeztuz. Erosketa edo interakzioa egitean zeure burua identifikatzen ez baduzu, ezingo duzu desblokeatu duzun saria trukatu, eta ezingo duzu gerora zeure burua identifikatu, arrazoi teknikoengatik, ezta erosketa-tiketa edo interakzioaren beste froga bat izanda ere. Identifikazioa lehenago egitea garrantzitsua da, arrazoi teknikoengatik ezin baitizugu aplikatu saria zure erosketa edo interakzioa egin ondoren. Identifikatzea IKEA Family-ko bazkidearen erantzukizun esklusiboa da.

Ezin da zatika ordaindu:

Puntuak ezin dira erabili produktuen edo zerbitzuen erosketen ordainketa partzial gisa, erosketa hori desblokeatutako sari baten parte ez bada.

3. Zer sari ditut aukeran?

Aldaketak:

Sariak denboran zehar alda daitezke, besteak beste, gure dendetako produktu eta zerbitzuen eskuragarritasunaren arabera, baina baita bezeroen interes eta beharren arabera ere. Horrek esan nahi du ezin dugula bermatu sari espezifiko bat eskuragarri egongo denik zure puntuak trukatu nahi dituzun unean. Bereziki, IKEA-k honetarako eskubidea gordetzen du:

a) edozein unetan eskura dauden sariak aldatzeko;
b) puntuak metatzea ahalbidetuko duten interakzio motak aldatzeko;
c) interakzio edo erosketa hautagarri bakoitzeko meta daitekeen puntu-kopurua aldatzeko;
d) interakzio eta erosketa hautagarriei dagokienez puntuak metatzeko baldintzak aldatzeko;
e) puntuekin desblokeatzen diren sariak gehitzeko edo ezabatzeko; eta/edo
f) sariak aukeratzeko eta horiei onura ateratzeko behar den puntu kopurua aldatzeko.

Uneko sariak eta horietako bakoitzerako behar den puntu-kopurua, baita sari bat aukeratzeko eta desblokeatzeko jarraibideak ere, zure IKEA Family kontuan daude eskuragarri.

Sarien adibideak:

Adibide gisa baino ez, eta IKEA-k unean-unean erabaki ahal izan arren zein sari hauta daitezkeen eta zein baldintza zehatz dituzten, hona hemen sari posibleen zenbait adibide:

• etxera bidaltzeko zerbitzuan deskontua lortzea;
• Janari-denda Suediarrean deskontua lortzea;
• IKEA jatetxean deskontua lortzea;
• IKEA produktuetan deskontua lortzea.

17/09/2025

Baldintzak eta zehaztapenak 2025/12/10etik aurrera indarrean

IKEA Family-ren Baldintzak eta betebeharrak

Ongi etorri IKEA Family-ra, etxerako dituzun ideiak zure modura egi bihurtzeko tokia!

Familia aukeratu ezin daitekeela dio jendeak, baina gurera denok zaudete gonbidatuta! Bai eskuz zure ametsetako proiektua egin nahi baduzu, bai zure etxean pozago sentitu nahi baduzu, hemen duzu IKEA Family zuri laguntza eskaintzeko prest. Bihur ditzagun zure ideiak errealitate.

1 Nortzuk gara? 

Ingka Taldea gara, Inter IKEA Systems B.V.-ren frankiziaduna, eta IKEA-ren mundu osoko salmenta-kanal digitalak eta fisikoak kudeatzen ditugu. Guri buruzko informazio gehiago lortzeko, joan www.ingka.com helbidera.

Hauek dira baldintza eta betebehar hauek arautzen dituzten Ingka Group-eko enpresak:

IKEA IBERICA S.A.,
Espainiako erantzukizun mugatuko sozietate bat, Egoitza soziala Avenida Matapiñonera 9, San Sebastián de los Reyes, 28703
Madrid, Espainia
Madrilgo Merkataritza Erregistroan A28812618 zenbakiarekin inskribatuta dago
Telefono-zenbakia 910378769

eta

Ingka NB AB, erantzukizun mugatuko enpresa suediarra
Egoitza soziala Älmhultsgatan 2, 215 86
Malmö, Suedia
Suediako Merkataritza Erregistro-bulegoan (suedieraz, Bolagsverket) 559487-7051 zenbakiarekin erregistratuta dago

2. Lege-kontuak

IKEA Family-ko kontu bat sortzen duzunean, IKEA-rekin hitzarmen bat egiten duzu.

Baldintza eta betebehar hauek ("Baldintzak eta Betebeharrak") zu (aurrerantzean "erabiltzailea" edo "kidea" izango dena) eta (i) IKEA IBERICA S.A. ("IKEA Retail") eta (ii) Ingka NB AB ("INBAB") arteko lege-hitzarmena dira.

IKEA Retail eta INBAB (aurrerantzean "IKEA", "gu" eta "guk" izango direnak) IKEA Family-ko leialtasun-programa eskaintzen dute, baita IKEA Family-ko kontua ere. Hala ere, goian aipatutako entitate bakoitzak ardura eta betebehar desberdinak ditu Baldintza eta Betebehar horien arabera. Ardura eta betebehar horiek testuinguruaren arabera norenak diren argi geratuko dira baldintza eta betebehar hauetan.

IKEA Retail-en erantzukizuna hauetara mugatzen da:

• Kanal hauen bitartez egindako produktuen eta zerbitzuen txikizkako salmentak: dendan, txikizkako webgunean, txikizkako aplikazioan, IKEA-ren bezeroarentzako laguntza zerbitzuaren bidez.
• IKEA Family-rekin lotutako zerbitzu, onura eta sari guztiak, Marketplace-koak izan ezik (ikusi behean).
• Txikizkako salmenten iritzietako eduki-moderazioa.
• Produktu eta zerbitzuen txikizkako salmentekin lotutako kexen kudeaketa, baita IKEA Familiko-ko kontuaren funtzionamenduari buruzkoak ere.
• IKEA Family-ko zerbitzu, onura eta sariekin lotutako kexen kudeaketa (Marketplace-koak izan ezik) (ikusi behean).

INBAB-en erantzukizuna hauetara mugatzen da:

• Bigarren eskuko produktuen www.secondhand.ikea/es ("Bigarren-eskuko merkatua") eta etxebizitza hobetzeko zerbitzuen merkatuen ("IKEA Home") bidez eskainitako operazio eta zerbitzuak (batera "Merkatuak" deritze).
• Merkatuen eduki-moderazioa.
• Merkatuen bidez eskainitako operazio eta zerbitzuekin lotutako kexen kudeaketa.

Honek esan nahi du IKEA Retail ez dela arduratuko merkatuaren funtzionamenduaz edo bertan emandako zerbitzuez, eta ez dagoela zure eta IKEA Retail-en artean inolako kontratuzko harremanik horren erabilerarengatik.

Baldintza eta betebehar hauek zure IKEA Family-ko kontuaren erabilera (aurrerantzean "Kontua") eta horri lotutako zerbitzu, onura eta sariak arautzen dituzte. Zure kontuarekin lotutako jarduera guztiak (eta zure IKEA Family-ko kide-txartela digitala, zein fisikoa) baldintza eta betebehar hauen arabera arautzen eta eskaintzen dira; beraz, erregistratu aurretik ziurtatu irakurri dituzula.

IKEA Family noiznahi eguneratu eta aldatzeko eskubidea gordetzen dugu, zerbitzuak, onurak eta sariak barne, baita baldintza eta betebehar hauek ere. Aldaketa horiek ikea.es helbidean eta merkatuetan argitaratutako datatik aurrera aplikatzen dira; beraz, kontua erabili aurretik, berrikus itzazu, baldintzak eta betebeharren azken bertsioa aplikatuko baita. Baldintzak eta betebeharrak eguneratu ondoren zure kontua erabiltzen jarraitzen baduzu, eguneratutako baldintza eta betebehar horiek onartzen dituzula esan nahiko du. Aldaketa eta eguneratze garrantzitsuak posta elektroniko bidez jakinaraziko zaizkizu, aldaketak indarrean sartzeko dataren aurretik epe zentzudun batean. Aldaketekin ados ez bazaude, baldintza eta betebehar hauek ez onartzeko aukera izango duzu zure kontua betirako itxiz (ikusi 14. atala).

3. Kontaktuak eta kexak

Zure iritzia jakin nahi dugu! Hona hemen gurekin harremanetan jartzeko modu batzuk. IKEA Family-ren eta bere zerbitzu, onura eta sariei (merkatukoak izan ezik), zure kontuari edo Baldintza eta betebehar hauei buruz iritzirik, kexarik edo galderarik baduzu, jar zaitez harremanetan IKEA Retail-eko bezeroarentzako zerbitzuekin: https://www.ikea.com/es/es/customer-service/.

Merkatuen erabilerari buruzko galdera, iritzi edo kexa zehatzik baduzu, jarri harremanetan INBABekin https://secondhand.ikea.com/es/es/customer-support/ helbidean aurkituko duzun Bigarren Eskuko Merkatuaren laguntza-txataren bidez, eta IKEA Home-rekin [email protected] helbide elektronikora posta elektroniko bat bidaliz.

Kexa bat aurkezterakoan, adierazi zure izen-abizenak, helbidea, kexaren arrazoia eta zurekin harremanetan jartzeko modu hobetsia. Zure kexa jaso eta 30 eguneko epean jasoko duzu gure erantzuna.

4. IKEA Family-ko kontua 

IKEA Family kontua 18 urte edo gehiagoko pertsonentzat dago erabilgarri, eta erabilera pertsonalerako da soilik. Zure kontuan gauzatutako jarduera guztien erantzule zara. IKEA Family-n erregistratu ahal izateko, gutxienez 18 urte izan behar dituzu, Espainian bizi behar zara eta zure kontuarekin lotuko den posta elektroniko baliodun bat izan behar duzu. IKEA-k informazio hori egiaztatzeko eskubidea gordetzen du, eta helburu horrekin baliteke dokumentazioa partekatzeko eskatzea.

IKEA Family soilik erabilera pertsonalerako da, beraz, ez duzu baimena enpresa baten izenean kontu bat sortzeko (enpresei, ordea, Enpresentzeko IKEA sarea erabiltzea gomendatzen diegu). Aldi berean gehienez kontu baliodun bat eduki dezakezu, eta zure kontua eta konektatutako IKEA Family-ren kide-txartela (digitala, zein fiisikoa) pertsonalak dira eeta ezin dira beste persona bati transferitu.

Aurretik kidea izan bazara eta jada txartel fisikoa baduzu, hura erabiltzen jarrai dezakezu; halere, galdu baduzu, ez dizugu txartel fisiko berririk emango, baina txartel digitala eskainiko dizugu. Txartela balioduna da Espainia penintsularreko IKEA Retail dendetan (kanpo geratzen dira beraz, Balearrak, Kanariak, Ceuta eta Melilla), baita IKEA-rekin lankidetzan aritzen diren beste establezimendu batzuetan ere. Kontuan izan IKEA-ren sustapen-bazkideek baldintza eta betebehar bereiziak izan ditzaketela, eta hauek baldintza eta betebehar hauez gain aplika daitezkeela.

Eskaera irakurgaitza bada (paperezko inprimakia erabili den kasuetan) edo osatu gabe badago, ezingo dizugu IKEA Family kide gisa erregistratu. Kidetzak ez du inolako kosturik.

Txartel fisikoa (halakorik baduzu) IKEA-ren jabetzakoa da, eta galtzen baduzu, berehala salatu beharko duzu arreta-zerbitzuan edo 900 400 922 telefonora deituta. Gogoan izan kidetza-zenbakia ikusteko eta zure txartela atxitzeko, zure kontuan sar zaitezkela.

IKEA Family-ren kidetza-txartela ez da ordainketa-txartela bat.

IKEA Family erabiltzeko gutxieneko eskakizun teknikoak hauek dira: posta elektronikora sartzeko aukera izatea, zure txartel digitalera sartzeko telefono mugikor bat edukitzea eta Internetera konektatutako gailu bat, Google Chrome, Mozilla Firefox, Microsoft Edge edo Safari-ren bertsio eguneratuak onartzen dituena. IKEA-k beretzako gordetzen du zure telefono-zenbakia (eta ez beste pertsona baten zenbakia) zure kontuarekin lotu duzula kutxazainaren bidez egiaztatzeko eskubidea.

Zure posta elektronikoa, harremanetarako datuak eta komunikaziorako hobespenak eguneratuta mantenduko dituzula espero dugu. Informazio hori edozein momentutan eguneratzeko, sartu zure kontuan. Zure kontuan gertatzen diren jarduera guztien erantzule zara, eta zure pasahitza sekretuan mantentzea zure ardura da.

Kontua sortzen baduzu, zure datuak biltzeko eta prozesatzeko baimena ematen diguzu. Informazio gehiago lortzeko, irakurri IKEA Family-ren pribatutasun-oharrahttps://www.ikea.com/es/es/customer-service/privacy-policy/.

Erabiltzaile gisa sortu duzun eduki guztiaren erantzulea zara, iritziena, argitaratutako zerrendena eta zure kontuarekin gauzatutako ekintzena barne, baita Bigarren Eskuko Merkatuan erosleei zerrendatutako, saldutako eta transferitutako produktuena ere. IKEA ez da arduratuko merkatuetan beste erabiltzaile batekin izan dezakezun gatazka edo erreklamazioez, ezta IKEA Family-ko zerbitzu, onura edo sarien erabiltzaile izateagatik zuri aplika diezazukeen zerga- edo aitorpen-betebeharrez ere.

Kide batek IKEA Family kontu bat baino gehiago baditu eta datuen migrazioa eskatzen badu, IKEA-k aurretiazko egiaztapenaren ondoren, transferentzia hori egingo du. Helburu horrekin, eskaeran, kideak zehaztu beharko du zein den jatorrizko kontua eta zein helmugako kontua. Kideak hori zehazten ez badu, erosketak egiteko gutxien erabili duen kontutik (jatorrizko kontutik) gehien erabili duen kontura (helmugako kontura) egingo da transferentzia.

Erosketen datuak, sisteman erregistratutako transakzioekin lotuta badaude. 

Transferitu daitezkeen puntuak: IKEA ez da arduratuko migrazio-prozesuaren ondorioz gerta daitekeen puntuen galeraz.

Behin betikoa: transferentzia burutzen bada, ezingo da desegin.

IKEA-k beretzat gordetzen du eskaeraren baliozkotasuna egiaztatzeko eta, iruzurra, erabilera desegokia edo Baldintza eta betebehar hauen urraketa antzemanez gero, transferentzia ukatzeko eskubidea.

5. Zerbitzuak, onurak eta sariak

IKEA Family-ko kide bazara, zure etxea hobetzeko planak errealitate bihurtzeko behar dituzun tresnak, laguntza eta onurak jasoko dituzu. Zure onurak eta sariak ez galtzeko, ez ahaztu ordainketa egiterako orduan saioa hasteaz edo IKEA Family-ko kide-txartela eskaneatzeaz.

IKEA Family-ko kideei askotariko zerbitzu, onura eta sariak eskaintzen dizkiegu, eta etengabe ari gara garatzen programari gehitzeko zerbitzu, pizgarri eta eskaintza berriak. Guzti horretaz gozatzeko, IKEA Family-ko kide gisa identifikatu behar duzu zure burua. Horretarako, hau egin dezakezu: gure dendetan zure IKEA Family kide-txartela erabili (digitala zein fisikoa) edo zure telefono-zenbakiarekin identifikatu. Gure webgunean (ikea.es), Bigarren Eskuko Merkatuan, IKEA Home aplikazioan eta IKEA aplikazioan zure kontuan saioa hasita identifika zaitezke, zure posta elektronikoa eta pasahitza erabiliz (edo unean uneko saioa hasteko beste aukera baten bidez).

Kontuan izan IKEA Family-ren zerbitzuak, onurak eta sariak denborarekin alda daitezkeela eta eskuragarritasunaren mende daudela. Aldaketa horiek ez dute eraginik izango aurrez zenituen eskubideetan. IKEA Family-ren uneko eta eguneratutako zerbitzuak, onurak eta sariak gure webgunean egongo dira beti eskuragarri. Baliteke banaka jakinarazitako onurak (eskaintza pertsonalizatuak barne) IKEA-k ezarritako irizpide pertsonal jakinen arabera aukeratutako kide batzuentzat soilik egotea eskuragarri (adibidez, interesak). Banaka jakinarazitako onurak ez dira transferigarriak, bestela adierazi ezean. Hona hemen IKEA Family-ko kide gisa eskuragarri eduki ditzakezun onura nabarmen batzuk: 

A. Bazkideentzako deskontuak

Aldizka, kideentzako deskontuak eskainiko ditugu artikulu jakin batzuetan, produktuen kategorietan, zerbitzuetan edo elikagaietan. Deskontuak denbora mugatuko eskaintzak dira, eta baldintza zehatz batzuk aplika dakizkieke. Halaber, eskuragarritasunaren mende daude beti. IKEA Family - IKEA.

B. Edari bero bat doan

Gure denda gehienetan, IKEA Family-ko kideek egunean behin doako kafe bat eskura dezakete gure jatetxeetan, IKEA Family txartela erakusten dutenean. Baliteke hori dendaren araberakoa izatea. 

C. Ordainagiri digitalak

IKEA Family-ko kide gisa identifikatuta zaudenean IKEA Retail-en erosketa bat egiten baduzu, erosketaren ordainagiri digitala eta zure transakzio-historia gordeko ditugu erosketa egin zen egunetik gutxienez hiru (3) urtez. Gustatuko litzaiguke zure ordainagiriak betiko gorde ahal izatea, baina baliteke gerta daitezkeen errore teknikoek ordainagiri digital horiei jarraipena egiteko ahalmenari eragitea (honek ez dio eragingo IKEA Family-ko kide gisa lehendik dituzun eskubideei). Hala ere, erosketaren frogagiri egokia gordetzea gomendatzen dizugu. Ez ditugu gordetzen gure jatetxeetan, kafetegietan edo jaki suediarren merkatuan egindako erosketen ordainagiriak, ezta ordaindu gabeko eskaerenak ere.

D. IKEA Family klubaren sariak

IKEA Family-ko kide gisa, IKEA-n egindako erosketekin puntuak lortzen dituzu, eta puntu horiek sari bat aukeratzeko erabil ditzakezu. Puntuez gozatzeko, gure webgunean saioa hasteko aukera duen kontu aktibo bat izan behar duzu. Kontuan izan IKEA Enpresentzat Sareko kide gisa egindako erosketekin ezin duzula IKEA Family-ko punturik lortu, ezin bait duzu gozatu aldi berean bi programetako onurez.

IKEA Family-reko sariak hexagono hori batez edo "Allen giltza" ikonoaz adierazten dira. IKEA-ko bezeroek gure altzariak muntatzeko funtsezko tresna izateagatik ezagutzen dute giltza hori. 

a) Nola lor ditzaket puntuak?

Zure herrialdeko IKEA Retail-en egindako erosketa guztietan lortzen dituzu puntuak (gaur egun ezin da punturik lortu beste herrialde bateko IKEA-n erosketarik egiten baduzu), produktuak zein zerbitzuak erosita, online zein denda fisikoetan, eta baita gure jatetxeetan eta jaki suediarren merkatuan erosten duzunean ere. Puntuak ematen ez dituzten erosketak hauek dira: opari-txartelekin egindako erosketak, merkatuen plataformetan egindako erosketak eta Enpresentzako IKEA-ko kide gisa egindako erosketak (aurrez azaldu bezala, erosketa zure kontuan edo IKEA Enpresentzat Sareko kontuan erregistratuko den erabaki behar duzu).

Astero ere puntu gehiago lor ditzakezu, IKEA-rekin modu hauetan elkarreragitean:

• 5€ baino gehiagoko erosketak egitean, gastatutako 5€ bakoitzeko puntu 1 metatuko duzu.
• IKEA Family-ko profila sortzean: bost puntu (behin bakarrik) IKEA Family-ko profilean saioa hastean: puntu bat (gehienez puntu bat astero)
• Nahien zerrenda sortu eta gordetzean: bi puntu (gehienez bi puntu astero)
• Sukalde-planifikatzailearekin diseinu bat sortu eta gordetzean: bost puntu (gehienez bost puntu hilero)
• IKEA denda bateko IKEA Family-ko tailer edo gertaera baterako erregistratzea eta bertaratzea: 20 puntu (gehienez 20 puntu astero)
• Planifikatzeko hitzordu bat gordetzea eta bertaratzea: 25 puntu (gehienez 25 puntu hilero)

Kontuan izan zenbait elkarreragiteekin "astero/hilero/urtero…" gehienez "X" puntu irabaz daitezkeela gehienez. Adibidez, elkarreragite baten baldintzek eta betebeharrek IKEA Family-ko kontuan saioa hasita “astean behin puntu bat” lor dezakezula adierazten badute, horrek esan nahi du aste berean nahi adina aldiz IKEA Family-ko kontuan saioa has dezakezula, baina aste horretan lehen aldiz saioa hasteagatik soilik emango zaizula puntua. Hurrengo astean, IKEA-rekin berriro elkarreragite hori egitean, beste puntu bat irabaziko duzu.

Erosketen eta elkarreragiteen bidez lor daitezkeen puntu zehatzen inguruko informazio xehatua zure kontuan aurki dezakezu, baita gure webgunean edo aplikazioan ere. IKEA Retail-ek beretzat gordetzen du bai puntu-kopurua aldatzeko, bai puntuak metatzea ahalbidetzen duten elkarreragiteak eta erosketak berrikusteko eskubidea. Aldaketa horiek zure kontuan aurkituko dituzu. Aldaketa horiek ez diete lehendik dituzun eskubideei eragingo.

Online bidez erosketak egiteagatik eta elkarreragiteagatik puntuak lortzeko, zure kontuan saioa hasita eduki behar duzu. Aldiz, dendan egindako erosketengatik eta elkarreragiteengatik puntuak lortzeko, zure IKEA Family-ko kide-txartel fisikoa edo digitala erakutsi behar duzu, edo onartutako beste modu batean kide gisa identifikatu (adibidez, telefono-zenbakiaren bidez). Identifikatu gabe erosten edo elkarreragiten baduzu, ezingo zara geroago identifikatu, ezta erosketa edo elkarreragite horren ordainagiria edo frogagiria aurkezten baduzu ere. Identifikatzea garrantzitsua da. Izan ere, arrazoi teknikoak direla eta, erosketa edo elkarreragitea burutzean identifikatzen ez badira, ezin diegu punturik eman IKEA Family-ko kideei.

5€-ko puntu bat irabazten duzu. Honek esan nahi du hainbat artikulu batera erosten badituzu, puntu gehiago lortuko dituzula, bereizita erosiko bazenitu baino. Erosketa batengatik puntuak metatzen badituzu, baina gero erositako artikuluren bat itzultzen baduzu, erosketa birkalkulatuko dugu eta itzulitako artikuluen balioaren araberako puntuak kenduko ditugu zure guztizko puntuetatik. Birkalkuluaren ondorioz, baliteke artikuluak balio duena baino puntu gehiago galtzea. Badakigu ulertzeko zaila dela; horregatik, hona hemen bi adibide:

• Hiru artikulu erosita (3€, 7€ eta 5€-koak) guztira 15€-ko gastatu dituzu (guztira 3 puntu lortzen dituzu). Artikulu bakoitza bereizita erosi izan bazenu, 2 puntu baino ez zenituzke jasoko, ez baitzenukeen punturik jasoko 3€ balio duen artikuluagatik.
• Hiru artikulu erosita (3€, 7€ eta 5€-koak) guztira 15€-ko gastatu dituzu (guztira 3 puntu lortzen dituzu). Gero, 3€ balio duen artikulua itzuli duzu; horrek esan nahi du 12€ gastatu dituzula. Gero, zure puntuak 12€ horien arabera birkalkulatuko ditugu; horrek esan nahi du erosketagatik 2 puntu soilik irabaziko dituzula. Puntu 1 kenduko dizugu gaur egun dituzun guztizko puntuetatik, nahiz eta itzulitako artikuluak 5€ baino gutxiagoko balioa duen. 

Artikulu bat itzultzeagatik zure guztizko puntuak negatiboak izatea eragin dezake. Kontuan izan ezen, puntu-saldoa negatiboa bada, IKEA-k ez duela erreklamaziorik egingo zure aurka, eta ez dagoela horri lotutako betebeharrik.

Puntuak ezin dira itzuli, ezta transferitu ere, eta ezin dira diruagatik trukatu. IKEA Family-ren bidez eskuragarri jartzen diren sari desberdinengatik trukatzeko erabil daitezke soilik. Puntuak zure kontuan esleitzen diren egunetik 12 hilabetez dira baliodunak. Data horretatik aurrera puntu guztiak automatikoki iraungiko dira, baina ez kezkatu: puntu batzuk iraungitzear badaude, posta elektroniko bidezko gogorarazpen bat bidaliko dizugu, iraungi aurretik horiek erabiltzeko aukera izan dezazun.

Zure kontuan ikus dezakezu zenbat puntu lortu dituzun, baita puntu horien iraungitze-data eta eskuragarri dauden sariak ere. Erosketa bat osatu edo IKEA-ko tresnak eta zerbitzuak erabili eta 48 ordura gehienez agertuko dira puntuak zure kontuan. Kontuan izan erosketa osatutzat hartzeko, zure eskaeran dituzun produktu guztiak jaso behar dituzula. 

b) Nola erabil ditzaket nire puntuak? 

Nahikoa puntu lortu dituzunean eta puntu horiek zure kontuan erregistratu direnean, sariak automatikoki desblokeatuko dira zure kontuan. Gustuko duzun sari bat ikusten baduzu (eta nahikoa puntu badituzu), saria trukatzeko aukera dezakezu. Behin beharrezko puntuak zure guztizko puntuetatik kendu ondoren, aukeraketa baieztatzen duen kupoi bat jasoko duzu posta elektroniko bidez (formatu digitalean). Saria aukeratu ondoren, ezinezkoa izango da itzultzea eta berriro puntu horiek berreskuratzea. Gainera, ezinezkoa da puntuak lortzen diren transakzio berean horiek trukatzea.

Kupoi hori gure webgunean, IKEA aplikazioan, dendan edo Bezeroarentzako Arreta Zentroarekin harremanetan jarriz erabil dezakezu, baina kontuan izan kupoi guztiak ezin direla erabili kanal guztietan (adibidez, doako entregarako kupoia online erosketetarako bakarrik da eta ezin da dendan erabili). Kupoia behin bakarrik erabil daiteke, eta jasotze-datatik hogeita hamar (30) egunera erabili ez bada iraungiko da. Honek esan nahi du kupoia erabiltzen den momentuan galdu egiten dela, eta, zoritxarrez, arrazoi teknikoak direla eta, berreskuratu ezin dela, nahiz eta geroago zuk eskaera bertan behera utzi.

Puntuak ezin dira erabili artikuluak edo zerbitzuak partzialki ordaintzeko, salbu eta erosketa hori desblokeatutako sari baten parte bada.

c) Zer sari desberdin lor ditzaket?

Hona hemen zure puntuekin aukeratu ditzakezun sari batzuk:

• Eskaera baten doako entrega edo entregarako deskontu bat.
• Jaki suediarren merkaturako deskontuak
• IKEA jatetxerako deskontu bat
• IKEA produktuetarako deskontu bat (Circular Hub-eko produktuetarako izan ezik)

Eskaintzen diren sariak denboran zehar alda daitezke, besteak beste, gure dendetako produktu eta zerbitzuen eskuragarritasunaren, baita bezeroen interesen eta beharren arabera ere. Honek esan nahi du ez dugula bermatzen sari jakin bat eskuragarri egongo dela hura lortu nahi duzun unean. Unean eskuragarri dauden sariak eta bakoitzerako behar diren puntuak, baita sari bat aukeratzeko eta hautatzeko jarraibideak ere, zure kontuan dituzu eskuragarri. Puntuak sari bat lortzeko erabili ondoren, ez dira gehiago eskuragarri egongo zure kontuan eta ezingo duzu saria itzuli, ezta diruagatik ere. Puntuak sariak trukatzeko bakarrik erabil daitezke eta ezin dira artikuluak edo zerbitzuak erosteko ordainketa partzial gisa erabili. 

E. Bigarren Eskuko Merkatua

a) Zer da Bigarren Eskuko Merkatua? 

Bigarren Eskuko Merkatua(secondhand.ika.com/es helbidean eskuragarri dagoena) IKEA Family-ko kideentzako zerbitzu gisa eskaintzen da. Bertan, IKEA Family-ko kideek IKEA-ko benetako bigarren eskuko altzari eta etxeko osagarriak erosi eta saldu ditzakete.

Bigarren Eskuko Merkatuan parte hartzean, erosleek eta saltzaileek zuzenean haien artean gauzatzen dute ondasunen gaineko salerosketa-kontratua, eta ez INBAB-ek ezta IKEA Retail-ek ere ez dute parte hartzen salmenta edo erosketa horretan. Europako Zerbitzu Digitalen Legearen arabera bitartekari-plataforma gisa, INBAB arduratzen da Bigarren Eskuko Merkatuaren kudeaketaz, erosleak eta saltzaileak elkarrekin konektatzen lagunduz, eta ez du erantzukizunik edo jabetzarik hartzen zerrendatutako edo saldutako produktuen gainean. Horren ondorioz, INBAB-ek ezin du bermatu altzari edo etxeko osagarrien kalitatea, legezkotasuna, segurtasuna edo egoera, eta bigarren mailako merkatuan salgai dauden produktu akastunengatik, arriskutsuengatik edo arauei egokitzen ez direnen gainean ez du inolako erantzukizunik.

b) Bigarren Eskuko Merkatuan artikulu bat saltzea

Bigarren Eskuko Merkatuan IKEA-ko bigarren eskuko edozein altzari edo etxeko osagarri (iruzurrezkoak edo erreplikak direnak izan ezik) sal dezakezu, IKEA Food-eko produktuak eta edariak, erabilera pertsonaleko edo higienerako produktuak, etxetresna elektrikoak (hozkailuak, labeak, aire-garbigailuak, esaterako) eta lastairak izan ezik ("Produktuak"). Produktu guztiak seguruak izan behar dira eta erabiltzeko egoera ona izan behar dute (hau da, normalean antzeko produktuak erabiliko litzatekeen helburuetarako erabiltzeko egokia izan behar da).

Ezin dira saldu baztertu diren produktuak. Jateko ez diren produktu arriskutsuei buruzko informazioa lortzeko, joan hona. Halaber, Europar Batasuneko jateko ez diren produktu arriskutsuei buruzko informazioa lortzeko, joan hona. Ezin duzu erabili Bigarren Eskuko Merkatua IKEA-koak ez diren produktuak saltzeko, eta zureak diren produktuak eta saltzeko eskubidea duzun produktuak soilik zerrenda ditzakezu. Produktu bat saltzeko zerrendatu nahi baduzu, aztertu bigarren mailako merkatuko katalogoa eta idatzi produktuaren izena edo erabili irudi bidezko bilaketa. Zerrendatik produktu bat aukeratu ondoren, gutxienez produktuaren bi irudi kargatu behar dituzu eta bere egoera, kalitatea eta itxurari buruzko galdera batzuri erantzun (eduki ditzakeen akatsei edo aldaketei buruzkoak barne). Ziurtatu zure argazkiek zure Produktua fideltasunez erakusten dutela eta galderei emandako erantzunak egiazkoak direla. Zure iragarkia nolabait engainagarria bada, Eroslearen Babesa aktibatuko da (ikusi beheko c) azpiatala) eta erosleak diru-itzulketarako eskubidea izango du. IKEA-ko produktu-katalogoko datu jakin batzuk automatikoki gehituko dira zure iragarkira, hala nola produktuaren neurriak, produktuaren deskribapena eta, batzuetan, produktuaren materialak eta bere zaintzarako eta muntaketarako jarraibideak. Zure produktua gure katalogoan aurkitu ezin baduzu, baliteke IKEA-ko produktu zahar bat izatea eta gure liburutegi digitalean ez egotea. Hala bada, iragarki pertsonalizatu bat sortu beharko duzu produktu horretarako, eta baliteke eskuz berrikustea.

Kargatutako argazki guztiek honako baldintza hauek bete behar dituzte:

• IKEA-ko produktua zentratuta egon behar du eta ahalik eta zehaztasun handienarekin erakutsi behar da.
• Argazkiek produktuaren akats edo kalte guztiak modu argian erakutsi behar dituzte. 
• Saiatu IKEA-koak ez diren produktuak argazkian ez sartzen.
• Argazkian ez dadila jenderik agertu.
• Ez sartu substantzia kaltegarriak argazkietan, hala nola alkohola, erretzeko produktuak, etab.
• Ez sartu argazkietan mezu erlijioso edo politikoak, hala nola seinale handiak, kartelak edo ikurrak. 

Era berean, produktua jasotzeko tokiari buruzko informazioa eman behar duzu. Toki hori zure etxea, toki publiko bat, hurbilen dagoen IKEA dendaren kanpoaldea (adibidez, aparkalekua) edo egokia iruditzen zaizun beste edozein leku izan daiteke. Beste jasotze-helbide bat proposatzen ez baduzu, erosleak zure IKEA Family-ko kontuan erregistratutako helbidea ikusiko du. INBAB-ek ez du parte hartzen eroslearen eta saltzailearen arteko jasotze-antolaketan.

Bigarren Eskuko Merkatuaren moderazio-sistema automatikoak berrikusten ditu iragarki guztiak, baldintza eta betebehar hauek betetzen direla egiaztatzeko. Sistemak edukia markatzen badu, gizakia den moderatzaile batek berrikusi egingo du iragarkia eta zurekin jarriko da harremanetan Bigarren Eskuko Merkatuko txat funtzioaren bidez (posta elektroniko bidez zure helbidera jakinarazpen bat bidalita) arazoa eta egin beharreko zuzenketak azaltzeko. Zure iragarkia eguneratzeko eskatuko zaizu Bigarren Eskuko Merkatuko txat funtzioaren bidez, eta ondoren moderatzaileak berrikusi egingo du. Hogeita hamar (30) egun edukiko dituzu iragarkia eguneratzeko. Epe horretan iragarkia eguneratzen ez baduzu edo eguneratzeak goian azaldutako eskakizunekin bat ez badator, moderatzaileak iragarkia kenduko du. Konpondu gabe geratu diren onartu gabeko iragarkiak, sistematik betiko ezabatzen dira hilero (kargatutako egunetik 30 eguneko epean).

Bigarren Eskuko Merkatuak zure produktuarentzako prezio-erlazio automatiko bat iradokiko du, prezio bidezko batean oinarrituta, produktuaren egoera eta kalitatea eta produktuaren jatorrizko salmenta-prezioa bezalako faktoreak kontuan hartuz. Iradokitako prezioa erabiltzea edo zure prezioa zehaztea aukera dezakezu. Kontuan izan INBAB-ek iradokitako prezioa gomendio bat dela eta erosle batzuk zure produktuarengatik gehiago edo gutxiago ordaintzeko prest egon daitezkeela. Kontuan hartu, hala ere, zure produktuari ezar diezaiokezun prezio maximoa 1.995 EUR dela.

Zure Produktua doan emateko aukera ere badago, eta horrek esan nahi du ez duzula dirurik jasoko zure produktuarengatik.

Erosle batek iragarri duzun produktua dirua ordainduta erreserbatu ez duen bitartean, zure iragarkia edozein unetan ken dezakezu. Prezioa zuk eta erosleak adosten duzue (INBAB-ek ez du parte hartzen)

Erosleak Produktua erreserbatu duenean, ordainketa-zerbitzuaren hornitzaileak erosleak produktua jaso arte gordetzen du ordainketa, eta erosleak salmenta onartzen duenean (bere kontuan “onartu” botoian (edo antzekoan) klik eginez) 48 ordu gehiagoz ere. "Onartu" botoia sakatzean, erosleak produktua behar bezala jaso dela berresten du.

48 ordu horiek igaro ondoren, ordainketa bidaliko zaizu da eta zure Bigarren Eskuko Merkatuaren saldoan (zorro elektronikoan) agertuko da. 48 ordu horietan, erosleak dirua itzultzeko eskaera hasten badu, ordainketa bidaltzea bertan behera geratuko da INBAB-ek itzulketa-eskaeraren gainean erabaki bat hartu arte; Eroslearen Babesaren prozedurari buruzko arau zehatzak Eroslearen Babesaren Gidalerroetan aurki daitezke.

Erosleak “bertan behera utzi” botoia du eskuragarri Bigarren Eskuko Merkatuan. Botoi hori produktua onartu baino lehen (hau da, “onartu” botoian klik egin aurretik) edozein unetan erabil dezake erosketa bertan behera uzteko. Aukera hau eskuragarri dago, adibidez, erosleak produktuaren jasotzea zurekin adostu ezin badu. Saltzaile gisa, zuk ez duzu bertan behera uzteko botoirik. Halere, Bigarren Eskuko Merkatuaren laguntza-zerbitzuarekin jar zaitezke harremanetan salmenta bertan behera uzteko eskaera egiteko. Hori beharrezkoa izan daiteke produktua beste merkatu batean jada saldu baduzu edo erosleak produktua jasotzen ez badu, adibidez.

Erosleak produktua jaso duela berresten ez badu, jarri harremanetan Bigarren Eskuko Merkatuaren laguntza-zerbitzuarekin. Haiek bigarren mailako merkatuan produktuaren onarpena berresteko gogoraraziko diote erosleari. Laguntza-zerbitzuarekin harremanetan jartzen ez bazara ordainketa askatzeko eskatzeko, ordainketa erosleari itzuliko zaio laurogeita hamar (90) egun igaro ondoren.

Saltzaile gisa, ordainketa zure Bigarren Eskuko Merkatuaren kontuko saldoan jasoko duzu (zorro elektronikoan). Nahi duzun unean, zure zorro elektronikoaren saldo osoa jasotzeko eska dezakezu, bai guztizko-saldoa banku-transferentzia bidez jasoz, bai %15 gehigarri batekin IKEA-ko txartel moduan jasoz (hau da, zure kontuko saldoaren guztizko balioaren %115 jasoko duzu). IKEA-ko txartelaren aukera zure zorro elektronikoaren balioa 999,99 euro baino txikiagoa bada soilik dago erabilgarri. Kontuan hartu ezin duzula kobrantza zatitu eta zure zorro elektronikoaren saldo osoa banku-transferentziaren bidez edo itzultze-txartel digital baten bidez ordainduko dela.

Banku-transferentzia aukeratzen baduzu, gure ordainketa-zerbitzuaren hornitzaileak bezeroari buruzko datu jakin batzuk eskatuko dizkizu lehen kobrantza egin aurretik (informazio gehiago lortzeko, ikusi Baldintza eta Betebehar hauen H atala). Agian ordainketa-zerbitzu hornitzaileari informazio hori modu erregularrean emateko eskatuko zaizu.

Txartela aukeratzen baduzu, zure IKEA Family-ko kontua erregistratzeko erabili duzun posta elektronikoko helbidera bidaliko da eta IKEA dendetan eta www.ikea.es webgunean erabili ahal izango da, ez, ordea, merkatuan egindako erosketetarako. Kontuan izan, halaber, itzultze-txartel digitalaren aukera aukeratzen baduzu, hau INBAB-tik kanpo egindako erosketa bereizi gisa hartuko dela eta zure legezko eskubidearen arabera bertan behera uzteko aukera izango duzula. Eskubide hau erabili nahi baduzu, jarri harremanetan Bigarren Eskuko Merkatuaren bezeroarentzako laguntza-zerbitzuarekin hamalau (14) eguneko epean, eta zure diru-itzulketa erosketa-prezio, %15eko gehigarri hori gabe. Itzultze-txartel digitalaren erabilerari buruzko baldintza eta betebehar xehatuak (adib. iraungitze-data eta lurraldearen araberako murrizketak) IKEA opari-txartelak - IKEA Espainian eskuragarri daude.

c) Bigarren eskuko merkatuan artikulu bat erostea

Zerrendatutako artikulu bat erosteko, gehitu produktua saskian, egin aurrera ordainketa-prozesura, aukeratu ordainketa-metodo bat (kreditu- edo zordunketa-txartela, Google Pay edo Apple Pay) eta osatu ordainketa.

Hori egin eta gero, produktua zuretzat erreserbatuta geratzen da eta ordainketa-zerbitzuaren hornitzaileak gordetzen du zure ordainketa, eroslearen babes-neurri gisa, produktua jasotzeko saltzailearekin antolatzen zaren bitartean. INBAB ez da arduratzen erosi duzun produktuaren bidalketa edo entrega antolatzeaz. Zure kontuan, produktuan "onartu" botoia sakatu eta 48 ordura jasoko du saltzaileak dirua. “Onartu” botoian klik egiten baduzu, produktua behar bezala jaso duzula edo saltzaileak bidali ondoren jaso duzula berretsiko duzu. Produktua jaso bezain azkar onartu behar duzu zure kontuan. Baliteke saltzaileak produktua zuri ematean hori egiteko eskatzea.

Eskaintza-funtzioa erabili dezakezu saltzaileak eskaintzen duen prezioa ez den beste prezio bat proposatzeko. Eskaintza hogeita lau (24) orduz izango da balioduna, eta behin betiko prezioa bihurtzeko, saltzaileak onartu beharko du.

Transakzio bakoitzean, honakoa ordainduko duzu:

1. produktuaren salmenta-prezioa (edo saltzailearekin adostutako prezioa eskaintza-funtzioa erabili bada)
2. bidalketa-kostua (halakorik badago)
3. Eroslearen Babesa zerbitzuaren kostua (salmenta-prezioaren %5a). 

Kontuan izan erosketa ez duzula INBAB-ekin ezta IKEA Retail-ekin burutu, baizik eta kontsumitzaile gisa jarduten duen IKEA Family-ko beste kide batekin. Horrek esan nahi du kontsumitzaileen babeserako legedia ez dela aplikatzen eta, kontsumitzaileen babeserako legedi aplikagarriaren arabera, ez duzula produktua itzultzeko edo diru-itzulpenik jasotzeko legezko eskubiderik. Urruneko salmenta-kontratu bati uko egiteko eskubidea ez da aplikatzen kontsumitzaileen arteko transakzioei. Arrazoi horrengatik, ez da aplikatzen desadostasunagatiko berme legalaren araubidea.

d) Eroslearen Babesa

INBAB-ek eroslearen babeserako zerbitzuak eskaintzen ditu erosketa guztietan, erosleek erosketak egiteko laguntza emateko zerbitzu bat, alegia ("Eroslearen Babesa"). Eroslearen Babesa zerbitzuari buruzko Politika espezifikoan dago jasota nola funtzionatzen duen Eroslearen Babesa zerbitzuak. Hemen duzu eskuragarri politika hori.

Eroslearen Babesa Bigarren Eskuko Merkatuaren nahitaezko ezaugarri bat da. Horrek esan nahi du Eroslearen Babesa zerbitzuak estaltzen dituela transakzio guztiak, saltzaileak doan ematen dituen Produktuak izan ezik. Kontuan izan: saltzaile batek eta erosle batek Bigarren Eskuko Merkatutik kanpo adosten badituzte ordainketa-baldintzak, ez dituzte izango Eroslearen Babesa zerbitzuaren abantailak. Eroslearen Babesa zerbitzuari dagokion tarifa (Produktuagatik adostutako prezioaren % 5) automatikoki gehitzen da erosketa guztietan, eta hau barne hartzen du: 

• Iragarkien berrikuspenak: INBAB-ek ziurtatzen du Bigarren Eskuko Merkatuan salgai jartzen diren IKEA Produktuak benetakoak direla eta erabiltzeko moduan daudela.
• Saltzaileen egiaztapena: Bigarren Eskuko Merkatua IKEA Family kideentzat soilik dago eskuragarri.
• Ordainketa seguruak: ordainketa guztiak gure ordainketa-zerbitzuen hornitzailearen bidez egiten dira, eta horrek iruzurren arriskua mugatzen du. Ordainketa-zerbitzuen hornitzaileak beste 48 orduz atxikitzen du dirua, erosleak bere kontuan Produktua onartzen duenetik hasita.
• Auzien ebazpena eta itzulketak: eroslearen ardura da Produktua arretaz ikuskatzea jasotzen duenean. Hala ere, edozein arrazoirengatik erosleak gero ("onartu" botoia sakatzen duenetik 48 ordu igaro artean) ikusten badu Produktua desberdina dela iragarkiko informazioarekin alderatuz, Eroslearen Babesa zerbitzuak aukera ematen dio erosleari itzulketa-eskaera bat bidaltzeko Bigarren Eskuko Merkatuko bezeroarentzako zerbitzura. Eroslearen Babesa zerbitzuak eskubidea ematen dio erosleari Produktua erostean ordaindutako prezioa, eroslea babesteko tarifa eta, baldin badago, bidalketa-tarifa berreskuratzeko.

Erosleak eta saltzaileak seguru sentitzeko diseinatu da Eroslearen Babesa, baina legez dagozkien eskubideekin batera funtzionatzen du, ez haien ordez. Horrek esan nahi du saltzaileek eta erosleek beren lege-eskubide guztiak gordetzen dituztela legedi aplikagarriaren arabera, eta gure erabakiak ez diola eragiten legez dagozkien beste baliabide batzuk erabiltzeko gaitasunari.

INBAB-ek Eroslearen Babesa eskaintzen du arazoak azkar konpontzen laguntzeko, baina INBAB ez da transakzioaren parte bihurtzen. Erosleak eta saltzaileak harreman zuzena izaten jarraitzen dute, Eroslearen Babesa zerbitzuak estaltzen ez duen itzulketa-akordioei dagokienez.

e) Zergak

INBAB da Bigarren Eskuko Merkatuko operadore gisa izan dezakeen edozein zerga-betebeharren erantzule. INBAB ez da izango Bigarren Eskuko Merkatuaren erabiltzaile zaren aldetik dagokizun zerga-betebeharren erantzule, batez ere, Produktuak saltzeagatiko zergen erantzule. Baldintza horiek onartzean, berretsi egingo duzu dagokizun zerga-aitorpenak aurkezteko eta Bigarren Eskuko Merkatuan Produktuak erostearen edo saltzearen ondoriozko zergak ordaintzeko ardura duzula. Era berean, konpromisoa hartzen duzu INBAB-i eskatzen zaizun edozein informazio emateko, INBAB-ek dagozkion agintarien aurrean dituen zerga-betebeharrak eta/edo finantza-informazioa betetzeko.

Kontuan izan INBAB-ek zerga-agintariei diru-sarreren eta kenkarien aitorpena aurkeztu behar diela urtero, Bigarren Eskuko Merkatuan hogeita hamar (30) transakzio edo gehiago egin edo urtean 2000 EURO baino gehiagoko balioan saldu dituzten pertsona guztiei. Zure hogeita hamargarren iragarkia sortzen duzunean, edo, salduz gero, Bigarren Eskuko Merkatuko urteko salmentetan 2000 EURO gainditzen dituen iragarki bat argitaratzen duzunean, INBAB-ek eskaera bat bidaliko dizu beharrezko informazioarekin (adibidez, izen-abizenak eta helbidea, jaioteguna eta identifikazio fiskaleko zenbakia edo jaioterria), INBAB-ek zerga-agintarien aurrean dituen betebeharrak bete ahal izatea bermatzeko. Ezarritako epean erantzuten ez badu, INBAB-ek Bigarren Eskuko Merkatua aldi baterako bertan behera utziko du, INBAB-i eskatutako informazioa eman arte.

F. IKEA Home

a) IKEA-ren funtzioak, erabiltzailea eta profesionala

IKEA Home etxerako hobekuntza-zerbitzuen merkatu bat da, eta IKEA Home aplikazioaren bidez eskuragarri dago. IKEA Family-ko kideak erregistratutako negozioak dituzten profesionalekin konektatzen ditu, hala nola autonomoekin edo enpresekin, eta profesional horiek etxea hobetzeko zerbitzuak eskaintzen dituzte; esaterako, iturgintza, zurgintza eta garbiketa (“Profesionalak”).

IKEA Home bitarteko plataforma gisa baino ez du baliatzen INBAB-ek, Zerbitzu Digitalen Europako Legeari jarraikiz, eta erabiltzaileen eta profesionalen arteko loturak errazten ditu, profesionalek emandako zerbitzuengatik inolako erantzukizunik hartu gabe. Beraz, INBAB ez da zure eta profesional baten artean egindako inongo kontraturen parte, eta INBAB ez da ez zure ez profesionalaren agente.  

Profesionalek modu independentean jarduten dute, eta INBAB-ek ezin ditu bere zerbitzuen kalitatea, segurtasuna, egokitasuna edo fidagarritasuna bermatu. Zuk onartzen eta ulertzen duzu Profesionala dela zerbitzua emateko arduradun bakarra zure eta Profesionalaren arteko akordioaren arabera.

Zehaztapen eta baldintza horiek IKEA Home-ra sartzeko eta hura erabiltzeko moduari eta IKEA-rekin duzun harremanari baino ez zaizkie aplikatzen. Ez dira indarrean egongo IKEA Home-ren bidez kontratatutako zerbitzuen baldintzak.

b) Zerbitzu bat eskatzea 

IKEA Home-ren bidez, etxea hobetzeko zure proiektuetarako zerbitzu-eskaerak bidal ditzakezu. Eskaera bat bidaltzea eskaintzak negoziatzeko edo aurkezteko gonbitetzat hartzen da, eta ez du sortzen profesional batekin kontratu bat egiteko betebeharra. Zure eskaeran oinarrituta, INBAB-ek zure kokapenean behar dituzun zerbitzuak eskaintzen dizkizun profesionalak aukeratuko ditu. Zure eta profesionalaren arteko komunikazio guztiak IKEA Home-ren txat-funtzioaren bidez egin behar dira.

Zure zerbitzu-eskaerarekin bat datozen profesionalek erantzun diezazukete aurrekontu bat bidaliz, informazio gehiago eskatuz IKEA Home-ren txataren bidez edo etxez etxeko bisita eskatuz, aurrekontu bat egin aurretik eskatutako zerbitzuaren irismena ulertzen dutela ziurtatzeko (baliteke etxez etxeko bisita hori tarifa baten mende egotea). Zure eskaerari dagokionez zurekin harremanetan jartzen diren lehenengo bost (5) profesionalak azalduko zaizkizu, kontuan har ditzazun. Profesionalak zerbitzu-eskaerari erantzun dioten ordenan agertuko dira, goiko aldean erantzunik berriena dutela. Aurrekontu bakoitzak profesionalak ezarritako balio-epe bat du. Aurrekontuan balio-eperik zehazten ez bada, eskaintza baliozkoa izango da hura egin zen egunetik hasi eta hogeita hamar (30) egun naturaletan.

Profesionalek zure eskaerari emandako erantzunari buruzko jakinarazpenak jasoko dituzu. Adibidez, zure eskaera onartzen edo baztertzen dutenean, aurrekontu bat bidaltzen dizutenean edo IKEA Home-ren bidez txat bat hasten dutenean jakinaraziko zaizu, xehetasun gehiago lortzeko. INBAB-ek ez du bermatzen profesionalek zure eskaera onartzea, ezta zu profesional jakin batekin harremanetan jartzea ere. Profesionalek beren nahierara egin diezaiokete uko eskaera bati.

Bidalketa egin eta hirurogeita hamabi (72) orduko epean zure eskaera onartu ez duen profesionalik ez badago, zure eskaera ezabatu egingo da, eta IKEA Home aplikazioan jakinaraziko zaizu zure zerbitzu-eskaerari ez zaiola erantzun.

c) Profesionalarekin kontratatzea

IKEA Home erabiltzean, baieztatzen duzu ulertzen duzula, IKEA Home-ren bidez zerbitzuak erostean, eskatutako zerbitzuetarako kontratu independente bat egiten duzula profesionalarekin. Kontratuaren baldintzak zure eta profesionalaren artean adosten dira, prezioa, emango diren zerbitzuak eta ezeztatze- eta itzultze-politika (halakorik badago) barne. Zure eta profesionalaren artean IKEA Home-ko txatean lortutako edozein akordio gehigarri ere zure kontratuaren parte da.

Profesionala hautatu eta zerbitzua edo zerbitzuak emateko prezioa eta baldintzak adostu ondoren, kontratu lotesle bat egingo duzu profesionalarekin ordainketa IKEA Home-ren bidez egitean. Ordainketa aurrekontuaren guztizko prezioaren araberakoa izango da, edo, profesionalak zatika ordaintzeko aukera hautatu badu, aurrekontuaren lehen zatiaren araberakoa. Ordainketa behar bezala prozesatu ondoren formalizatuko da kontratua.

Zerbitzu bat hasi ondoren, aldaketak proposa ditzakezu helmenean, prezioan edo profesionalari entregatzeko datan. Profesionala aldaketekin ados badago, aurrekontua egunera dezakezu (prezioa barne). Aurrekontuan edozein aldaketa egiteko, modu aktiboan berretsi behar da.

Erosle zaren aldetik, INBAB-en ordainketa-zerbitzuen hornitzaileak zure ordainketak atxikiko ditu, zerbitzua(k) osatu arte. INBAB-ek ez ditu funts horiek administratzen eta atxikitzen. Ordainketa-zerbitzuen hornitzaile independentearen erantzukizun esklusiboa da funtsak gordailutzea eta kudeatzea.

Profesionalak IKEA Home-n zerbitzua edo zerbitzuak osatu gisa markatzen dituenean, jakinarazpen bat jasoko duzu zerbitzua osatuta edo osatu gabe dagoen baieztatzeko. Zerbitzua amaitu dela baieztatzen baduzu, ordainketa profesionalari helaraziko zaio. Zerbitzua osatu gabe dagoela adierazten badu, erreklamazio bat irekiko da, eta ordainketa atxiki egingo da erreklamazioa ebatzi arte. Jakinarazpena jaso eta 72 orduko epean ez badu baieztatzen amaitu dela edo ez dela amaitu, ordainketa profesionalari helaraziko zaio. Ordainketa Profesionalari helarazten zaionean, jakinarazpen bat jasoko duzu IKEA Home-ko txatean. Faktura IKEA Home aplikazioaren "Zerbitzuaren xehetasunak" atalean aurkituko duzu. Bertan deskargatu eta zure erregistroetarako gorde ahal izango duzu.

d) Zerbitzuak itzultzea eta ezeztatzea Zerbitzuak

ezeztatzeko, profesional bakoitzaren ezeztatze-politika eta aplikatu beharreko legedia bete behar dira. Profesional bakoitzak bere ezeztatze-politika ezar dezake, eta hori jakinarazi behar zaizu akordio bat egin aurretik. Ezeztatze-politikak ez ditu zure eskubideak baztertzen edo mugatzen, kontsumitzailearen babesaren arloan aplikagarria den legediaren arabera.

Profesionalak ez baditu ezeztatzeko baldintza espezifikoak ematen, kontsumitzailea babesteko legedi orokorra aplikatuko da. Profesionalaren ezeztatze-politikaren edo aplikatu beharreko legediaren arabera adostutako zerbitzuak aldatzen edo bertan behera uzten badituzu, eta zenbateko osoa edo zati bat jasotzeko eskubidea baduzu, ordainketa-zerbitzuen hornitzaileari jarraibideak emango zaizkio ordainketa egin zen kontuari dagokion zenbatekoa itzul dezan. Dirua itzultzeko izapideak egiteko denbora aldatu egin daiteke bankuaren arabera, eta zenbait egun iraun dezake.

Zure ardura da profesionalaren ezeztatze-politika arretaz berrikustea eta harekin horri buruzko akordio batera iristea zerbitzua erreserbatu eta ordaindu aurretik. INBAB-ek ez ditu bere gain hartuko aldez aurretik berretsitako zerbitzu bat bertan behera uzteak edo aldatzeak eragindako gastuak.

e) Zerbitzuarekin gustura ez bazaude

INBAB-ek IKEA Home-ren hornitzaile esklusibo gisa jarduten du, eta profesionalekin harremanetan jartzen du, etxea hobetzeko zerbitzuen beharrak asetzeko. Profesionalak dira beren zerbitzuak ematearen arduradun bakarrak. INBAB-ek zure eta profesionalen artean sor daitezkeen eztabaidetan parte hartzen ez duen arren, zure esanetara dago moderatzaile-lanak eginez, elkarrizketak jakinaraziz eta erraztuz eta, batzuetan, baita loteslea ez den ebazpena iradokiz ere. Hala ere, edozein ebazpen zuzenean adostu behar da zure eta profesionalaren artean. IKEA Home-n zerbitzuak eskaintzen dituzten profesional guztiek aseguru-estaldura egokia izan behar dute.

• Zerbitzua osatu dela adierazi aurretik: Profesionalak osatu gisa markatu aurretik zerbitzuaren alderdiren batekin gustura ez bazaude, lehenik eta behin arazoa profesionalarekin zuzenean konpontzen saiatu behar duzu. Arazoa ezin bada konpondu, INBAB-ekin harremanetan jar zaitezke: [email protected]. Kontuan izan, kasu horretan, profesionala INBAB-ekin ere jar daitekeela harremanetan. Arazoaren jarraipena egingo dugu, eta zure eta profesionalaren arteko elkarrizketa moderatzen lagundu ahal izango dugu, irtenbide bat lortzen laguntzeko.
• Profesionalak zerbitzua osatu gisa markatu ondoren: Profesionalak zerbitzua osatu gisa markatu ondoren, 72 ordu izango ditu zerbitzuak amaitu direla berresteko edo ukatzeko. Zuk eskaintza baztertzen baduzu eta kexa bat aurkezten baduzu, INBAB-ek zure eta profesionalaren arteko komunikazioa erraztu dezake arazoa konpontzeko, baina INBAB-ek ez du auziaren muinari buruzko erabakirik hartzen. Auzian zehar, ordainketa-zerbitzuen hornitzaileak ordainketa atxikiko du, eta ordainketa ez da bidaliko harik eta auzia ebatzi arte. Zure eta profesionalaren artean adostutako auziaren emaitzaren arabera, ordainketa profesionalari (zerbitzuen ordainketa gisa) edo zuri (diru-itzulketa gisa) edo bien konbinazio bati helarazi ahal izango zaio. INBAB-ek emandako elkarrizketa guztiak IKEA Home-ko txat bidez jakinaraziko dira.
• Bai zuk bai profesionalak zerbitzua osatu gisa markatu ondoren: Profesionalak zerbitzuak amaitu dituela baieztatu eta 72 ordura baino gehiagora sortutako kexak (hau da, ordainketa Profesionalari helarazi zaionean) zuzenean aztertu behar da Profesionalarekin IKEA Home-tik kanpo (adib., posta elektroniko bidez). Kasu horretan, INBAB-ek ez dizu lagunduko zure eta profesionalaren arteko elkarrizketa moderatzen. Profesionalak dira beren zerbitzuak ematearen arduradun bakarrak. 

G. Ordainketa

INBAB-ek ordainketa-zerbitzuen hornitzaile ("PSP") baimenduak erabiltzen ditu merkatuetan egindako erosketen ordainketak linean prozesatzeko. PSPek ordainketa-metodo bat edo gehiago eskaintzen dituzte, hala nola zordunketa-/kreditu-txartelak, banku-transferentzia zuzenak, PSPen bidez hasitako lineako ordainketak edo diru-zorro digitalak (Apple Pay eta Google Pay, adibidez). PSPek dirua atxiki eta saltzaileei/profesionalei helarazten diete erosleak Produktua edo zerbitzua onartu duenean (dagokionaren arabera), eta baldintzak betetzen dituzten erosleen diru-itzulketak ere kudeatzen dituzte. INBAB-ek ez du bere kabuz inolako ordainketarik kudeatzen, eta ez du erosleak ordaindu beharreko funtsetarako sarbiderik. Ordainketa-metodoak erosketa amaitzean bistaratzen dira. Bigarren Eskuko Merkaturako, Stripe (hemen webgunerako esteka) da PSPa, eta, IKEA Home-rako, berriz, Adyen (hemen webgunerako esteka).

Hurrengo xedapenek ez diete eragiten, ez mugatzen, ez baztertzen aplikatzekoak zaizkien kontsumitzailea babesteko legezko xedapenei.

PSPek eska diezazukete informazio jakin bat emateko lege- edo erregelamendu-betebeharrak betetzeko, kapital-zuriketaren eta identitate-egiaztapenaren aurkako betekizunak barne. Onartzen duzu informazio hori ematea beharrezkoa izan daitekeela ordainketa jasotzeko. Merkatuak erabiltzean, hemen eta hemen eskuragarri dauden PSPen baldintzak eta hautatutako ordainketa-metodoarenak betetzea ere onartzen duzu, Bigarren Eskuko Merkaturako Stripe-ren Kontu konektatuen akordioa (https://stripe.com/en-se/legal/connect-account) barne, aldizka egiten diren aldaketekin.

Lege aplikagarriak baimentzen duen gehieneko neurrian, INBAB-ek ez du bere gain hartuko PSPek emandako ordainketa-zerbitzuekin edo ordainketa-metodoarekin zerikusia duen atzerapenik, akatsik edo arazorik.

Bigarren Eskuko Merkatuan saltzen diren produktuen ordainketa guztiak ordainketa-aukeren bidez egin behar dira. Guztiz debekatuta dago ordainketa beste edozein bidetatik eskatzea edo proposatzea.

Legedi aplikagarriak ahalbidetzen duen neurrian, INBAB-ek bere gain hartzen du ordainketak eteteko, zure Kontua eteteko edo beste neurri egoki batzuk hartzeko eskubidea, baldin eta H atalean xedatutakoa edo PSPen zehaztapen eta baldintza aplikagarriak edo ordainketa-metodoarenak betetzen ez baditu. Iruzurrezko, susmagarrizko edo legez kanpoko jarduerek ere eragin dezakete zure kontua etetea eta agintari eskudunen aurrean salatzea. Kontuan izan zure kontua eteteko erabakia INBAB eta IKEA Retail erakundeek batera hartzen dutela beti, IKEA Family-ko kide gisa dituzun beste eskubide eta abantailei eragingo baitie.

Aplikagarri den legediak ahalbidetzen duen neurrian, zu zara zure Kontuaren bidez egindako iruzurrezko edo baimendu gabeko transakzioen galera, eztabaida, itzulketa edo bestelako erantzukizunen erantzule bakarra. INBAB-ek zuregandik berreskuratu ahal izango ditu zenbateko horiek, baita gaur egungo edo etorkizuneko edozein ordainketarekin konpentsatu ere.

Ezin izango ditu merkatuak eta ordainketa-zerbitzuak erabili legez kontrakoa edo engainagarria den jarduerarik egiteko, ez eta PSPen edo ordainketa-metodoaren arauek beste moduren batera mugatutako jarduerarik egiteko ere. Jarduera mugatuen zerrenda bat aurki daiteke PSPen Adyen edo Stripe webguneetan, aurrez hala eskatuz gero. 

Onartzen duzu INBAB-ek informazioa PSPekin, ordainketa-metodoaren hornitzailearekin eta kasuan kasuko agintariekin parteka dezakeela iruzurra prebenitzeko, legezko akordioak eta betebeharrak betetzeko, datu pertsonalak tratatzeko eta ordainketak prozesatzeko. Horrez gain, onartzen duzu INBAB-ek zenbait ekintza egin ditzakeela ordainketen izapidetzeari dagokionez, INBAB-en legezko betebeharrak betetzeko.

6. Balorazioak eta iritziak ikea.es webgunean eman dezakezu

IKEA-ren produktu eta zerbitzuei buruzko iritzia, baita IKEA Family-ko beste erabiltzaile batzuei eta Merkatuetako profesionalei buruzkoa ere. Iritzia ematea erabakitzen baduzu, modu atsegin eta eraikitzailean ematea espero dugu. Halaber, onartzen duzu beste pertsona batzuek beren esperientziari buruzko iritzia eman ahal izatea, Merkatuan erostean edo saltzean. IKEA-k iritziak ezaba ditzake legez kanpokoak edo desegokiak direla uste badu.

IKEA Family-ko kide zarenez, baliteke IKEA Retail-en proposamen bat jasotzea IKEA Retail-en zure erosketa-esperientzia eta gure produktu eta zerbitzuen erabilera partekatzeko. Gure webgunean, Merkatuetan eta IKEA aplikazioan argitaratuko da. Kontuan izan zure iritziak gure IKEA produktuen eta zerbitzuen ezaugarriei eta propietateei buruzkoa baino ez duela izan behar. Onartzen duzu zure balorazioak eta iritziak modu anonimoan argitaratuko direla, baina zure izenaren laburdurarekin edo ezizen batekin; adibidez, ponte-izena edo inizialak.

Bigarren Eskuko Merkatuko erosle guztiek aukera izango dute, transakzioa egin ondoren, haiekin elkarreraginean aritu diren saltzaileak baloratzeko eta haiei buruzko iritzia emateko. Gauza bera gertatzen da IKEA Home-rekin ere: erabiltzaileek beren zerbitzuak kontratatu dituzten profesionalak baloratu eta haiei buruzko iritzia eman dezakete. Merkatuak erabiltzean, onartzen duzu egiten dituzun balorazio eta iritzien erantzule bakarra zarela, eta beste erosle eta profesional batzuek zu baloratu eta zuri buruzko iritzia eman ahal izango dutela. Edozein iritzien barruan dauden adierazpen, informazio eta balorazioek zuzenak eta zintzoak izan behar dute (eta beherago dagoen 7. atala bete), eta iritzia bidaltzen duenaren ustea baino ez dira.

IKEA-k ez du inolako erantzukizunik hartzen balorazioen eta iritzien edukiari dagokionez, besteak beste, iritzi horietan egindako akatsak, omisioak edo difamazio-adierazpenak barne, ezta beste pertsona baten iritziaren ondorioz izan dezakezun edozein galera edo kalteren aurrean ere.

Ez duzu eskubiderik IKEA Family-ko beste kide batek edo profesional batek zuri buruz emandako iritzi bat ezabatzeko edo zuzentzeko. Hala ere, zuri buruzko iritzi zehatz bat, okerra edo bidegabea, aurkitzen baduzu, dagokion Merkatuko bezeroarentzako zerbitzuarekin jar zaitezke harremanetan zure azalpena emateko. IKEA-k beretzat gordetzen du berariazko iritziak zuzentzeko edozein neurriri buruz erabakitzeko eskubidea. Eskubidea dugu, halaber, aplikagarri den legedia betetzen ez duten edo baldintza hauek urratzen dituzten iritziak ez argitaratzeko edo ondoren (osorik edo partzialki) ezabatzeko (7. atalaren arabera, beherago).

7. Erabiltzaile-edukia eta mezuak

Ez argitaratu eta ez bidali eduki ilegala edo konfidentziala duen mezurik, eta gogoratu partekatzeko eskubidea duzun argazkiak soilik igo ditzakezula. IKEA-k eskubidea du erabiltzaile-eduki guztia bere merkataritza-helburuetarako erabiltzeko. Eduki desegokiren bat beste norbaitek igota ikusten baduzu, sala ezazu.

Merkatua erabiltzen duzunean eta INBAB-ekin, Profesionalekin eta IKEA Family-ko beste kide batzuekin elkarrekintzan aritzen zarenean, edo gure webgune txikizkarian iritzi bat argitaratzen duzunean, argazkiak igo, deskribapenak, zerbitzu-eskaerak, iruzkinak, mezuak, balorazioak, iritziak eta abar idatziko dituzu, eta bestelako edukia sortuko duzu (aurrerantzean, eduki horri guztiari "Erabiltzaile-edukia" esango diogu). Honen bidez, aitortzen duzu argitaratzen eta berariaz onartzen duzun Erabiltzaile-eduki guztiaren erantzule zarela, eta, bereziki, hauek onartzen dituzu:

a) ez duzula partekatuko Erabiltzaile-edukirik, baldin eta legez kanpokoa, kaltegarria, mehatxagarria, gehiegizkoa, jazarlea, bihurria, iraingarria, arrunta edo lizuna bada, beste pertsona baten pribatutasun edo publizitaterako eskubidea har badezake, arraza- edo etnia-gorrotoa eragiten badu, edo beste edozein modutara gaitzesgarria bada.

b) partekatzeko eskubidea duzun Erabiltzaile-edukia bakarrik partekatuko duzula (hau da, ez duzula partekatuko isilpean gorde behar duzun informaziorik).

c) ez duzula partekatuko beste pertsona bati buruzko Erabiltzaile-edukirik (adibidez, argazkiak edo informazioa) (Merkatuko balorazio eta iritzien testuinguruan izan ezik), pertsona horren baimena lortu ez bada informazioa partekatzeko. 

d) ez duzula partekatuko Erabiltzaile-edukirik, baldin eta edozein alderdiren patente, marka komertzial, sekretu komertzial, egile-eskubide edo jabetza intelektualeko beste eskubideren bat edo jabetza-eskubideak urratzen baditu (bereziki argazkiak). 

e) ez dituzula erabiliko iruzkin- eta/edo eztabaida-funtzioak beste erabiltzaile batzuentzat Merkatuaren erabilgarritasunean eragin negatiboa izan dezakeen moduan (adibidez, LETRA LARRIAK ERABILIZ oihu egitea, edo Merkatua produktu beraren iragarki errepikatuz betetzea); eta  ez

f) duzula erabiliko Merkatua zure sinesmen erlijiosoak edo iritzi politikoak sustatzeko, nahi ez diren mezu elektronikoak, iruzkinak edo bestelako edukiak ("spama") bidaltzeko eta eskatu ez diren bestelako publizitate eta eskaerak egiteko.

IKEA-k eskubidea du, edozein unetan eta aldez aurretik ohartarazpen bat egin ondoren, Zehaztapen eta baldintza hauek edo aplikagarri den legedia urratzen duten edukiak dituzten Erabiltzaile-edukia eta Kontuak blokeatzeko edo ezabatzeko.

Legeak baimentzen duen neurrian, lege honen bidez IKEA-ri lizentzia ez-esklusiboa ematen diozu, mundukoa, egile-eskubiderik gabekoa eta betierekoa, Erabiltzaile-eduki hori (mezuak izan ezik) erabiltzeko eta aldatzeko, eta Erabiltzaile-edukitik sortutako lan eratorriak sortzeko, erabiltzeko eta edukitzeko, edozein helburutarako (bereziki sustapen- eta marketin-helburuekin), barne dela zure

Erabiltzaile-edukia erreproduzitzeko, fabrikatzeko, kopiatzeko, egokitzeko, mozteko, aldatzeko, laburtzeko edo beste material batekin konbinatzeko, itzultzeko, interpretatzeko, erakusteko, argitaratzeko, saltzeko, zabaltzeko, transmititzeko edo edozein bitarteko eta euskarritan (ezaguna nahiz ezezaguna) publikoari komunikatzeko, eta banatzeko.

Erabiltzaile-edukia berrikusteko ahal dugun guztia egiten dugun arren, ulertzen eta onartzen duzu Erabiltzaile-edukia zehaztugabea, aurkaragarria, desegokia edo zure helburuetarako ez-aproposa izan daitekeela. Iruzurrezko, iraingarrizko, legez kanpoko edo gehiegikeriazko jokabide edo Erabiltzaile-edukiren bat detektatzen baduzu, salatu laguntza-txataren bidez, IKEA-k, hala dagokionean, behar diren neurriak har ditzan gure webgunea, IKEA aplikazioa eta Merkatua gure IKEA Family-ko kideentzat espazio seguruak direla bermatzeko. Aurrerago 8. atalean azaltzen den bezala, Erabiltzaile-eduki osoa edukiaren neurriaren mende dago.

Merkatuetan erosle eta saltzaileen artean, edo erosle eta profesionalen artean trukatzen diren mezuak ez dira pribatuak eta transakzioak egiteko bakarrik trukatuko dira. INBAB-en moderazioaren menpe daude, Merkatuen segurtasuna mantentzeko. INBAB-ek ere mezuak eskuratu ahal izango ditu Merkatuetako erabiltzaileen artean (profesionalak barne) auziak sortzen badira.

8. Edukien moderazioa

Online gune lagunkoiak eta eduki kaltegarririk gabeak izan nahi ditugu, eta hainbat neurri hartuko ditugu beti hala izango dela bermatzeko.

Esku-hartze automatiko eta eskuzkoak erabiltzen ditugu gure webgunearen edukiak, IKEA aplikazioak eta Merkatuek legeak eta baldintza hauek urratzen ez dituztela bermatzeko. Halaber, Merkatuen erabiltzaileei aukera ematen diegu edozein arazoren berri zuzenean emateko Merkatuen bidez edo Merkatuko bezeroarentzako zerbitzuaren bidez. Kasuz kasu moderatzeko neurri egokiak zehazten ditugu.

9. Ez egiteko eskatzen dizkizugun gauzak

Egin dezagun lan elkarrekin IKEA Family IKEA-ren zale guztientzako espazio segurua izan dadin. Ezin duzu gure webgunea, gure aplikazioa edo gure Merkatuak behar ez bezala erabili, ezta manipulatu ere, eta errespetuz tratatu behar dituzu IKEA Family-ko gainerako kideak. Badakigu begien bistakoa dela, baina, IKEA Family-ren zerbitzuak, abantailak eta sariak erabiltzean, aplikatu beharreko legedia bete behar duzu, eta zehaztapen eta baldintza hauek errespetatu. Horrek esan nahi du, besteak beste, ez dela honelakorik egin behar:

a) IKEA Family-ko beste kide batzuk nahita jazarri, zelatatu, mehatxatu, iruzur egin edo engainatu, edo haien argazkiak edo beste erabiltzaile-eduki bat kopiatu eta norberarena balitz bezala aurkeztu;

b) gure webgunea, Merkatuak edo IKEA aplikazioa, edo IKEA Family kidetzaren bidez sartzen zaren funtzio eta zerbitzuak oker erabili edo manipulatu (adibidez, gure webgunea pirateatu, birusak, troiarrak, harrak, bonba logikoak edo teknologikoki kaltegarria den beste material bat sartu, edo zerbitzua ukatzeko erasoak egin, etab.) edo beste edozein modutan gure teknologiak edo funtzionalitateak oztopatu;

c) gure webgune edo aplikazioetako edozein eduki kopiatu edo deskargatu, baldin eta horretarako baimena ez baduzu;

d) datu-meatzaritzako softwarea eta/edo tresnak erabili Merkatuetan (besteak beste, arakatzea eta pantaila grabatzea);

e) aplikatu beharreko tokiko, nazioko edo nazioarteko edozein lege, arau edo erregelamendu hautsi, nahita edo nahigabe; edo

f) Merkatuak zure negozioa sustatzeko eta/edo zehaztapen eta baldintza hauek betetzen ez dituen edozein produktu edo zerbitzu fisiko zein digital saltzeko erabili.

10. Jabetza intelektualeko eskubideak

Erabiltzaile-edukia izan ezik, gure webgune eta aplikazioetako eduki guztia IKEA-rena edo haren lizentziadunena da.

Lehen esan bezala, gure webgune, aplikazio edo Merkatuetan argitaratzen duzun Erabiltzaile-edukiaren gaineko eskubide guztien titularra zara.

Gure webgune, aplikazio edo Merkatuetako edukiren batek (Erabiltzaile-edukia edo beste mota batekoa) zure jabetza intelektualeko eskubideak urratzen dituela ikusten baduzu, dagokion laguntza-txataren bidez gurekin harremanetan jarriz adieraz dezakezu. Kontuan izan edukia eskubideen titularra edo haren agentea bazara soilik salatu behar duzula.

Erabiltzaile-edukiak izan ezik, IKEA Family-ren, gure webguneen eta aplikazioen eta IKEA markaren gaineko titulu, jabetza-eskubide, jabetza intelektual eta industrialeko eskubide guztiek IKEA-ren, Ingka Taldeko beste enpresa batzuen, gure frankiziatzailearen, Inter IKEA Systems B.V.ren edo gure lizentzia-emaileen jabetzakoak izaten jarraituko dute. IKEA Family gure zerbitzu, abantaila edo sarietako edozein erabiltzeak ez du esan nahi inola ere IKEA marka komertzialaren, IKEA-ren logotipoaren edo IKEA-ren webgune edo aplikazioen edozein edukiren gaineko eskubiderik, baimenik edo lizentziarik ematen denik.

IKEA-k eskubidea du zure aurkako legezko ekintza egokiak hasteko, ekintza judizialak eta estrajudizialak barne, IKEA-ren edo Ingka Taldeko edozein enpresaren jabetzakoak diren edo IKEA-k edo Ingka Taldeko edozein enpresak baimena duen jabetza intelektual edo industrialeko eskubideak urratzeagatik.

11. Hirugarrenen materialak

IKEA-k ez du bere gain hartzen IKEA-tik kanpoko webguneetarako esteken ardura. Beste webgune batera eramaten zaituen esteka batean klik egiten baduzu, zure ardurapean egiten duzu.

Gure webguneetan nabigatzean eta gure aplikazioak erabiltzean, litekeena da IKEA-koak ez diren edo hirugarrenen edukiak ez diren beste webgune batzuetarako estekak aurkitzea. Hirugarrenen webguneetarako eta edukietarako estekak zure erosotasunerako bakarrik ematen dira, eta IKEA-k ez du inolako bermerik eskaintzen, eta ez du bere gain hartzen webgune batetik edo IKEA-ren aplikazio batetik estekatutako hirugarrenen webguneen ardura. Estekatutako hirugarrenen webguneetarako sarbide oro zure erantzukizunpean egiten da, eta, aplikagarri den legediak ahalbidetzen duen neurrian, IKEA-k ez du bere gain hartzen webgune horietara sartzeak eragin ditzakeen kalteen inolako erantzukizunik.

12. Etenak, birusak, etab

Gure webguneek, aplikazioek eta Merkatuek itxura desberdina izan dezakete bisitatzen dituzun bakoitzean. Esperientzia hobetzeko gauza berriak probatzen ari gara, baina horrek ere esan nahi du gure webguneak, aplikazioak eta Merkatuak batzuetan ez daudela eskuragarri mantentze-lanak egiten ditugunean edo ustekabeko zerbait gertatzen denean.

IKEA Family-ren zerbitzu, abantaila eta sari guztien erabilgarritasuna eta funtzionamendua bermatzeko ahal dugun guztia egingo dugun arren, tarteka etenak gertatuko dira, bai aurreikusitako mantentze-lanengatik, bai ustekabeko gertaerengatik. Ahal bada, aurreikusitako etenen berri ematen saiatuko gara, eta puntako orduetatik kanpo jarduerarik gabeko denbora planifikatuko dugu. Legedi aplikagarriak baimentzen duen neurrian, IKEA-k ez du bere gain hartuko gure webgune edo aplikazioen erabilgarritasuna eteteagatik edo gure betebeharrak betetzeko atzerapenagatik edo ez-betetzeagatik gertatutako galeren erantzukizunik, hori eragin duten arrazoiak edozein izanda ere.

IKEA-k ezin du bermatu erabiltzailearen sistema informatikoa (hardwarea zein softwarea) kaltetu edo alda dezakeen birusik edo bestelako elementurik ez dagoenik, eta, aplikagarri den legediak ahalbidetzen duen neurrian, ez du horren ondoriozko erantzukizunik hartzen bere gain. Erabiltzailearen ardura da birusak edo bestelako elementu informatiko kaltegarriak detektatzeko tresna egokiak izatea.

13. Gure deuseztatze- eta etete-eskubideak

Baldintza horiek betetzen ez dituzula uste badugu, IKEA Family kontua ezeztatzeko eskubidea izango dugu. Kasu horretan, kupoiak eta sari-puntuak ezeztatu ahal izango dira. Gauza bera gerta liteke zure kontua hiru urtez baino gehiagoz inaktibo egon bada.

Zure kontua ezeztatu edo bertan behera utz dezakegu, edo IKEA Family-ren zenbait zerbitzutarako sarbidea murriztu, baldin eta (a) IKEA Family-ren bazkidetza erabiltzeak zehaztapen eta baldintza hauek edo aplikatu beharreko legedia betetzen ez baditu; edo (b) IKEA Family-ren kidetza erabiltzea iruzurrezkoa, baimenik gabea edo gure zerbitzu, onura eta sarien abusuzkoa bada.

Kasu horretan, IKEA zurekin harremanetan jarriko da posta elektronikoz, horren berri emateko eta azalpen argi bat emateko zure kontuaren sarbide-murrizketari, eteteari edo ezerezteari buruz (kasuaren arabera), baita sarbidea eteteko edo mugatzeko aurreikusitako denboraldiari buruz ere (dagokionaren arabera). Halaber, edozein arau-hauste edo legez kanpoko jarduera sala diezaiekegu polizia-agintari eskudunei, eta behar diren neurriak hartu. Ordainketa-zerbitzuen hornitzaileek iragaitzazko ordainketak ere atxiki ditzakete (Merkatuetako transakzioetan), baldin eta susmatzen bada ez zarela baldintza horiek betetzen ari.

IKEA Family-ren edozein zerbitzutarako sarbidea mugatzeari buruz edo kontua eteteari edo ezerezteari buruz IKEA-k hartutako erabaki bat inpugnatu nahi baduzu, erreklamazio bat aurkezteko aukera duzu. Erreklamazio hori nola eta non aurkeztu jakiteko informazioa IKEA-ren jakinarazpenean duzu. Kontuan izan jakinarazpena jaso eta sei (6) hilabeteko epean aurkeztu behar diozula erreklamazioa IKEA-ri.

Argi eta garbi funsgabeak diren ohar edo erreklamazioak maiz bidaltzen dituzula ikusten badugu, IKEA-ra bidaltzen dituzun ohar eta erreklamazioen izapidetzea eten ahal izango dugu arrazoizko epe batez, aldez aurretik ohartarazpen bat bidali ondoren. Portaera jakin bat erabilera desegokia den ebaluatzeko eta etenaren iraupena erabakitzeko orduan, kontuan hartuko ditugu, besteak beste, erabilera desegokiaren larritasuna eta zuk aurkeztutako abisu- edo kexa-kopurua.

Aurrekoaz gain, hiru (3) urtez baino gehiagoz inaktibo egon bada, kontua ere ezezta dezakegu. Jarduerarik ezak esan nahi du ez duzula IKEA-rekin interakzioan jardun; adibidez, zure kontuan saioa hasiz, gure mezu elektronikoak irekiz edo zure kontuan erregistratu den erosketa bat eginez.

IKEA Family-ko zure kidetza deuseztatzen denean, zehaztapen eta baldintza hauetatik eratorritako eskubide eta betebehar guztiak automatikoki deuseztatuko dira, deuseztapenaren aurretik sortutako ekintza-eskubideak, ordainketa-betebeharrak eta "Jabetza intelektuala" eta "Aplikatu beharreko legedia eta auziak" izeneko atalak izan ezik. Gerora jakiten bada zehaztapen eta baldintza hauen arabera eman zaizkizun sari edo abantailetako bat horiek ez betetzearen ondorioz edo horri lotuta eman dela, edo iruzurra egin dela edo kontua baimenik gabe erabili dela, IKEA-k eskubidea izango du emandako edozein sari-txartel, sari-puntu edo bestelako abantaila bertan behera uzteko edo atzera botatzeko.

14. Zure deuseztatze-eskubideak

Tristatu egiten gaitu zu joateak, baina, benetan IKEA Family utzi nahi baduzu, nahikoa duzu kontua ezabatzea.

IKEA Family-ko kide izan nahi ez duzula erabakitzen baduzu, hau egin dezakezu:

• zure kidetza edozein unetan eta kosturik gabe bertan behera utzi, zure kontua ezabatuz gure webguneko kontuaren konfigurazioan edo IKEA aplikazioan;
• kontua ezabatzeko eskatu, bezeroarentzako zerbitzuko taldearekin harremanetan jarriz (900 400 922); edo, bestela,
• kontua ezabatzeko eskatu, www.ikea.com webgunean eskuragarri dagoen ARSOPOL eskubideen formularioaren bidez.  
• Zure kidetza bertan behera uzten baduzu, ezin izango dituzu IKEA Family kidetzaren abantailak eta sariak jaso. Ezeztatze-datan pilatutako onura guztiak galdu egingo dira, eta ezingo dira trukatu ezeztapenaren ondoren. Kontuan izan IKEA aplikazioa zure gailu mugikorretik desinstalatzeak ez duela esan nahi zure kontua bertan behera utzi duzunik. 

Kontuan izan Merkatuetan martxan dauden transakzioetan izan ditzakezun betebeharrek indarrean jarraituko dutela, baita zure kontua ezeztatzen baduzu ere, eta erantzule zarela, adibidez, erosleari saldutako produktu bat bidaltzeaz edo erosi duzun zerbait jaso duzula berresteaz. Hori dela eta, gomendatzen dizugu ziurtatzea zure transakzio guztiak behar bezala egin direla zure kontua ezeztatu aurretik, eta eskubidea izango dugu zure ezeztatze-eskaera ukatzeko, harik eta egiteke dituzun transakzio guztiak amaitu arte. Sortu duzun erabiltzaile-edukia, hala nola balorazioak eta iritziak, ez da automatikoki ezabatuko zure kidetza bertan behera uzten baduzu, baizik eta gure webguneetan eta gure aplikazioan argitaratuta jarraituko du. Gogoan izan beti ongi etorria izango zarela berriro IKEA Family-ra.

15. Denetatik

Ezin dugu agindu IKEA Family betiko mantenduko dela, eta, agian, aldaketak egin beharko ditugu eskaintzen ditugun zerbitzuetan, behar izanez gero, adibidez, arrazoi teknikoak edo legalak direla medio. Hori da IKEA Family-ri dagokionez zure eta IKEA-ren artean duzun kontratu bakarra, eta ezin zaio beste inori transferitu.

Eskubidea dugu IKEA Family noiznahi bertan behera uzteko, baliozko arrazoiak direla-eta (hala nola IKEA Family beste ingurune tekniko batera egokitzea), beste arrazoi operatibo garrantzitsu batzuk direla-eta, zehaztapen eta baldintza hauen arabera emandako zerbitzuetan aldaketak egiten badira, edo legedia aldatzen bada. Hala ere, horrek ez du eraginik izango IKEA Family deuseztatu edo bertan behera utzi aurretik eskuratu ditugun eskubideetan. IKEA Family bertan behera uzten bada, aldez aurretik jakinaraziko dizugu.

Zehaztapen eta baldintza hauen arabera, gure eskubide eta betebeharrak beste edozein modutan laga, azpikontratatu eta transferi diezazkiokegu beste edozein pertsona juridikori, eta hori onartu egiten duzu, baina horrek ez die eragingo aurretik dituzun eskubideei, ezta zehaztapen eta baldintza hauen arabera ditugun betebeharrei ere.

Zehaztapen eta baldintza hauek zure eta IKEA-ren arteko akordio osoa osatzen dute, eta zure helburuarekin zerikusia duen gure arteko aurreko edozein akordio, promesa eta ulermen ordezkatzen dute, idatzizkoa zein ahozkoa (zehaztapen eta baldintza hauen aurreko bertsioak barne).

Edozein eskubide edo errekurtsori uko egitea idatziz egiten denean baino ez da eraginkorra izango, eta ez da hartuko ondorengo ezein eskubide edo errekurtsori uko egitea.

Zehaztapen eta baldintza hauetako klausula bakoitzak modu independentean funtzionatzen du. Edozein auzitegi edo agintari eskudunek erabakitzen badute haietako bat legez kanpokoa edo aplikaezina dela, gainerako klausulek indarrean jarraituko dute eta erabateko eragina izango dute.

16. Aplikatu beharreko legedia eta auziak 

Jarrai dezagun lagun izaten (aizu, familia ere bagara!), baina ezin badugu konpondu, hemen duzu laguntza nola lortu jakiteko informazioa.

Zehaztapen eta baldintza hauek Espainiako legediak arautzen ditu, lege-gatazkei buruz dituzten printzipioak kontuan hartu gabe. Kexaren bat baduzu, gurekin zuzenean harremanetan jartzera animatzen zaitugu, IKEA-k zure kezkak konpontzeko aukera izan dezan. Halaber, auziak ebazteko hainbat metodo alternatibo daude kontsumitzaileen eskura Espainian, eta zuk bitartekari horietako edozeinengana jo dezakezu laguntza lortzeko. Hala ere, espresuki errefusatzen da kontsumoko arbitrajea ez den arbitrajepean jartzea, sektore edo kasu jakin baterako legezko arauen bidez sortutako erakunde-arbitrajeko erakundeen kasuan izan ezik. 

10/12/2025