Aplikazioaren baldintzak eta betebeharrak
APLIKAZIOA ERABILTZEKO BALDINTZAK
Informazioaren Gizarteko eta Merkataritza Elektronikoko Zerbitzuen uztailaren 11ko 34/2002 Legean xedatzen den informatzeko betebeharra betez, jakinarazten dizugu merkataritza-sozietate hauek kudeatzen dutela aplikazioa:
IKEA IBERICA S.A.U.
Matapiñonera etorbidea 9, PK 28703. San Sebastián de los Reyes, Madril. Erregistroko datuak: IFZ: A28812618. Madrilgo Merkataritza Erregistroa. 1251. liburukian, 102. orrian, 23.549. orrialdean.
Telefonoa: 900 400 922, 8:00etatik 22:00etara astelehenetik larunbatera, eta 9:00etatik 20:00etara igande eta jaiegunetan.
Aplikazioan sartzea librea eta doakoa da, eta ez da aurrez izenik eman behar. Aplikazio honen erabilera Pribatutasun-politikaren, Erabilera-baldintzen eta, hala badagokio, funtzionaltasunerako aplikatu beharreko Lege-baldintzen (IKEA FAMILY bezeroen leialtasuna lortzeko klubean alta ematea eta Erosketa-baldintzak) menpe dago. Erabiltzaileak oso-osorik eta inolako erreserbarik gabe ezagutzen eta onartzen ditu Aplikazioan nabigatzeagatik, IKEA FAMILY Klubeko kide izateagatik, bertan eskaintzen diren zerbitzuak erabiltzean eta/edo eskaintzen diren produktuak bitarteko horren bidez erostean.
Dokumentu honetan www.ikea.es webgunea eta IKEA-ren Aplikazioaren bidez eskainitako zerbitzu eta edukietan aplikagarriak diren baldintzak deskribatzen dira, eta baita bertan (aurrerantzean, "Ataria" edo "Aplikazioa") jasotako guztiak ere, IKEA IBÉRICA S.A.U. (aurrerantzean, "Sozietateak") izanik Atariaren titularra. Merkataritza-sozietateak Espainiako lurraldean bakarrik eskaintzen ditu zerbitzuak, Kanariar eta Balear Uharteetako autonomia-erkidegoetan eta Ceuta eta Melillako hiri autonomoetan izan ezik. Aurrekoa kontuan hartuta, Sozietateak ez du Aplikazioaren erabilera egokirik bermatzen paragrafo honetan aipatutako lurralde-eremutik kanpoko erabiltzaileei, eta beren-beregi baztertzen ditu horrek eragin ditzakeen erantzukizun guztiak.
Aplikazioa erabiltzeak esan nahi du Erabilera-baldintza hauek guztiak erabat onartzen dituzula, baita horiei lotuta eta edukiarekin lotuta daudenak ere. Baldintzekin ados ez bazaude, ez ezazu Aplikazio hau erabili. Halaber, Aplikazioa erabiltzeko adinez nagusia izan behar duzu, eta Erabilera-baldintza hauen bidez lotesleko behar besteko gaitasun juridikoa eduki behar duzu, indarreko legediaren arabera. Beraz, Sozietateak ez du bere gain hartuko paragrafo honetan xedatutakoa ez betetzearen erantzukizuna, ez eta paragrafo horretatik sor daitekeen edozein ondorioena ere.
Aplikazioa erabili edo bisitatzerakoan, modu arduratsuan eta indarreko legediarekin eta fede-oneko arauekin bat etorriz jardun beharko dute erabiltzaileek beti, eta nolanahi ere, Sozietateen, IKEA Taldeko beste edozein merkataritza-sozietateren, edo beste hirugarren pertsona fisiko zein juridikoen titulartasuna duten jabetza intelektual eta industrialeko eskubideak errespetatu beharko dituzte.
Berariaz debekatzen da Aplikazioaren edozein eduki, bitarteko zuzen nahiz zeharkakoen bidez, legez kontrakoak edo iraingarriak diren edo izan daitezkeen helburuetarako erabiltzea, bai eta Aplikazioari edo bertako edukiari edonolako kaltea eragiten dion edo eragin diezaiokeen Sozietateek onartu gabeko edozein ekintza burutzea ere.
Erabilera-baldintza hauen izaera lotesle orokorra alde batera utzi gabe, baliteke Atarian eskainitako zerbitzu edo baliagarritasun batzuek baldintza bereziak izatea. Baldintza bereziok erabilera-baldintza hauek zati batean edo osorik osatu, ordezkatu edo eraginik gabe utz ditzakete, eta berariaz onartu beharko dituzu. Dena den, legediaren arabera, kontsultatu egin ahal izango dituzu onartu baino lehen.
JABETZA INTELEKTUALA ETA INDUSTRIALA
Aplikazioaren edukiaren gaineko jabetza intelektual eta industrialaren eskubide guztiak (besteak beste, testuak, irudiak, logoak, logotipoak, zeinuak, soinuak, animazioak, bideoak, iturburu-kodea, diseinua, nabigazio-egitura edota datu-baseak) Sozietateenak, IKEA taldeko beste merkataritza-sozietate batzuenak edo Sozietateek helburu horretarako kontratu-harremana zein beste edozein harreman dituzten enpresenak dira, eta eskubide nahikoa dute horiek edozein modutan ustiatzeko; bereziki, eskubidea dute edukiok erreproduzitzeko, banatzeko, jendaurrean komunikatzeko eta eraldatzeko.
Aplikaziora sartzeak nahiz hura erabiltzeak ez die erabiltzaileei inolako eskubide, baimen edo lizentziarik ematen Sozietateen, IKEA Taldeko gainerako merkataritza-sozietateen edo hirugarrenen aldetik, eduki horiei dagokienez. Debekatuta dago klausula honetan aipatzen diren jabetza intelektualeko eskubideei lotutako edukiak edozein modalitatetan erreproduzitu, banatu, jendaurrean jakinarazi eta eraldatzea, eskubideen titularraren idatzizko berariazko baimena eduki ezean.
Aurreko paragrafoan adierazitakoari utzi gabe, IKEA merkataritza-marka eta IKEA-ren logotipoa Herbehereetan egoitza duen "INTER IKEA SYSTEMS B.V." merkataritza-sozietatearenak dira, eta Aplikazioan sartzeak edo hura erabiltzeak ez dizu inolako eskubiderik ematen haien gainean. Berariaz debekatzen da merkataritza-marka edota logotipoa merkataritza-helburuetarako edo bestelako xedeetarako erabiltzea.
Sozietateek eskubidea izango dute Aplikazioko material eta edukiek dituzten jabetza intelektual eta/edo industrialen eskubideak urratzen dituzten erabiltzaileen jarduketetatik ondorioztatzen diren ekintza judizialak eta judizioz kanpokoak erabiltzeko haren aurrean; betiere eskubide horien titularrak izan daitezkeen IKEA Taldeko gainerako sozietateek edo hirugarren pertsonek, fisiko edo juridikoek, eskubide horiek defendatzeko gauzatu ditzaketen jarduketak, judizialak zein judizioz kanpoak, alde batera utzi gabe.
IKEA PRODUKTUAK
Erabiltzaileak onartu egiten du badakiela IKEA-n saltzen diren produktu guztiak etxean erabiltzeko baino ez direla, eta produktu horiek dagozkien arauak eta estandarrak betetzen dituzten test guztiak gainditu dituztela. IKEA-k bere produktuetan eskaintzen dituen bermeak produktu horiek etxean erabiltzen badira bakarrik aplikatu ahal izango dira. IKEA produktu batzuk erabilera-estandar profesional publikoei jarraiki garatu dira.
Edozelan ere, erabiltzaileak emango dion erabilerarako produktua legez egokia dela egiaztatu beharko du, Sozietateek merkaturatutako produktua erosi aurretik.
Helburu horretan laguntzeko, produktuen deskribapenak biltzen dituzten fitxak daude kontsultatzeko eskuragarri hala dendan nola Aplikazioan. IKEA Taldeak eta taldea osatzen duten Sozietateek ez dute bere gain hartzen, inolaz ere, IKEA-ren salgairen bat diseinatu zenerako ez beste funtzio baterako erabiltzeagatik sor daitezkeen kexak.
Erabiltzaileak zin egiten du badakiela Sozietateek ez daukatela nazioarteko estandarren (ISO9000, ISO 14000, EMAS, SA8000, etab.) araberako kudeatzeko sistema ziurtaturik.
Sozietateek honako helburua dute: IKEA marka bera izatea gure bezeroen kalitate-bermea, bai ekoizpen-prozesuen zehar zein saltzen ditugun produktuei dagokienez, kalitatea, segurtasuna, ingurumena eta enpresaren erantzukizunei dagozkien beste hainbat alderdi kontuan hartuz. Xede horrekin, gure prozesu guztiak kontuan hartzen dituzten hainbat kudeaketa-sistema eta barneko protokolo ditugu, eta sistema horiek guk geuk ikuskatzen ditugu gure enpresako unitate guztietan puntu guztiak betetzen direla ziurtatzeko.
Era berean, gure produktuen fabrikazioa Sozietateen kalitate-, ingurumen- eta enpresa-erantzukizunaren gaineko estandarren arabera egiten dugu; nazioarteko printzipioak kontuan hartzen ditugu, eta lehen aipatu ditugun arauekin koherentziaz jokatzen dugu. Gainera, enpresako hainbat ikuskatzaile ditugu produktu-ekoizle guztiek eta IKEA-ren zerbitzu guztiek gure araudiak betetzen dituztela aldian-aldian ziurtatzeko.
ESTEKEN POLITIKA
Aplikazioarekin hiperestekak ezartzen saiatuz gero, ezingo duzu aditzera eman IKEA-k zuzenean edo zeharka hiperesteka baimendu duela edo, bestela, hiperesteka ezartzen den web orriaren edukia onartu edo baimendu duela. Era berean, ezin izango duzu IKEA Taldearen, hura osatzen duten sozietateen edo edozein langile edo laguntzaileren gaineko adierazpen faltsu, zehaztugabe edo iraingarririk egin, ezta hiperestekaren orrian eduki desegokiak, difamatzaileak, ilegalak, lizunak edo ez-zilegiak sartu ere, ez eta indarrean dagoen legedia urratzen duen beste edozein eduki ere. Gainera, ezin izango duzu makrorik ("frames") sortu IKEA-ren web-orriekin edo haien gainean.
Sozietateek hiperesteketarako ezarritako arauak betetzen ez dituzten pertsonekin harremanetan jartzeko aukera gordeko dute, horrela uste baldin badute, baita aurreko paragrafoan xedatutakoaren aurkako jarrerek ekar ditzaketen ekintza judizial eta judizioz kanpoko egokiak gauzatzeko aukera ere.
Sozietateek ezin dute bermatu erabiltzaileek Aplikazioa zuzen eta behar bezala erabiliko dutenik, eta, beraz, uko egiten diote indarrean dagoen legediaren aurkako jarduera ororen gaineko erantzukizunari, eta berariaz, Aplikazioan eskuragarri dauden aplikazio edo tresnen bidez adierazitako adierazpen desegoki, iraingarri, arrazista, lizun edo diskriminatzaileen gaineko erantzukizunari. Halaber, Sozietateek eskubidea izango dute beharrezko ekintza judizial eta judizioz kanpokoak erabiltzeko, paragrafo honetan xedatutakoaren aurkako jarreraren bat gertatzen bada.
Sozietateek ez dute, azalpen gisa eta izaera murritzailerik gabe, jarraian zerrendatzen diren egoeretatik eratorritako ardurarik hartzen (legeak ezarritako mugak salbu):
Internet-sarearen arazoetatik eratorritako gorabeherak (Aplikazio bera erabiltzeko ezintasuna barne), sistema mantentzeko, konpontzeko eta handitzeko ohiko eragiketengatik, baita eguneratzeak ezartzearengatik sistemak behar bezala funtzionatzeko.
Adingabeek Aplikazioa erabiltzea edo guraso nahiz tutoreen baimenik gabe beren datu pertsonalak bidaltzea. Kasu horretan, gurasoak edo tutoreak izango dira adingabeek Internet erabiltzeko moduaren arduradun. IKEA-k Interneten erabilera kontrolatzeko tresnaren bat instalatzea gomendatzen du, adingabeentzat ez diren orri edo edukietarako sarbidea mugatzeko.
IKEA-k onartzen ez dituen esteken bitartez atzitutako edukiak edo erabiltzaileek iruzkin bezala edo antzeko tresnak erabiliz sartutakoak, Atarian erabiltzaileen esku jartzen direnean.
Zuk edo baimenik ez duen hirugarren batek sartutako datu okerrak, baita ematen diguzun helbide elektronikoaren inguruko arazoak ere, hala okerra bada nola IKEA-z kanpoko funtzionamendu arazoak baditu.
Erabiltzaileek webguneko edukien jabetza intelektualaren edota industrialaren eskubideak urratuz egiten duten webguneko material eta edukien legez kanpoko erabilera, Erabilera-baldintza hauetako "JABETZA INTELEKTUALA ETA INDUSTRIALA" atalean ezarritako baldintzetan.
Sozietateek espresuki adierazten dute dauden segurtasun-estandar handienak erabiltzen dituztela, Aplikazioa segurtasun osoz eta behar bezala erabil dezazun. Hala ere, Sozietateek ezin dute bermatu erabiltzailearen sistema informatikoa kaltetu edo alda dezakeen birusik edo bestelako elementurik ez dagoenik (hardwarea zein softwarea), horiekin zerikusirik ez duten hirugarrenak baimenik gabe sartzeagatik, eta ez dute bere gain hartzen horren ondoriozko erantzukizunik. Erabiltzaile orori dagokio, erabiltzaile bezala, birusak edo bestelako elementu informatiko kaltegarriak detektatzeko tresna egokiak edukitzea.
Birusik, elementu informatiko kaltegarririk edo antzeko figurarik badagoela egiaztatuz gero, erabiltzaileek egoera horren berri eman beharko diote IKEA-ri horretarako prestatutako kanalen bidez. Gorabehera horiek ahalik eta azkarren konpontzeko, ezinbestekoa da denon lankidetza. Era berean, IKEA-k sisteman segurtasun-eten bat antzematen badu, erabiltzaileei ahal bezain laster jakinaraziko die.
LEGEDI APLIKAGARRIA
Erabilera-baldintza hauek Espainiako legediaren menpe daude. Erabilera-baldintzak ezarri edo interpretatzearekin lotutako eztabaidaren bat egonez gero, lurraldean eskumena duten Epaitegi eta Auzitegien esku utziko dute alderdiek, indarrean dagoen legediaren arabera.
Nolanahi ere, jakinarazten dizugu kontsumo eskuragarriaren arloko gatazkak auzibidetik kanpo ebazteko eskubidea duzula, esteka honen bidez.
Hala ere, bitarteko hori erabili aurretik, jarri harremanetan gure Bezeroarentzako Arreta Zerbitzuarekin www.ikea.es/contacta webgunean, kexak edo eztabaidak guri helarazteko.
2022/05/04