Kezken edo jokaera txarraren adierazpena

Zeri buruz jakinaraz dezaket Ingka taldearen Trust Line-aren bidez?

Ingka taldearen barruan egon daitezkeen jokaera txarrekin lotutako kezkak adieraz ditzakezu, EBko arau eta araudien hausteari buruz jakinaraziz.

Ingka taldean emandako eta arlo hauekin erlazionatutako EBko edozein araudi-hausteari buruz informatzera animatzen zaitugu:

• Kontratazio publikoa
• Produktuak, merkatuak eta zerbitzu finantzarioak, eta kapitalen zuriketa eta organizazio terroristen finantzaketa
• Produktuen betetzea eta segurtasuna: garraioaren segurtasuna
• Ingurumenaren babesa: elikagai eta pentsuen segurtasuna eta animalien osasuna eta ongizatea
• Osasun publikoa
• Kontsumitzailearen babesa
• Pribatutasunaren eta datu pertsonalen babesa eta sarearen eta informazio-sistemen segurtasuna

Nork adieraz dezake kezka bat?

• Ingka taldeko laguntzaileek (lanaldi osoko zein lanaldi partzialeko edo iraupen jakin bateko kontratua izan).
• Ingka taldeari zerbitzuak ematen dizkion aldi baterako laneko enpresa batekin lan-harremana edo lan-kontratua duten pertsonek.
• Ingka taldean lan egiteko hautagai diren edo Ingka taldeari autonomo gisa zerbitzuak eskaini nahi dioten pertsonek: langile autonomoek, kontratistek, azpikontratistek eta Ingka taldeari zerbitzuak ematen dizkioten hornitzaileek.
• Ingka taldeko akziodunek eta kudeaketa-sailen kideek.
• Ingka taldearekiko lan-harremanak amaitu dituzten pertsonek.
• Ingka taldean lan egiten duten boluntarioek eta ikastunek, ordainduak edo ez.

Nola adieraz ditzaket nire kezkak, Europar Batasuneko araudia urratzen ari dela susmatzen badut?

Zure kezkak eragindako herrialdeko legezko entitatearen aurrean adieraz ditzakezu. Egokia ez bada edo horrek konfiantza ematen ez badizu, Ingka taldeko Trust Line-a erabil dezakezu.

1. Egin klik "Adierazi kezka Ingka taldeari" botoian.
2. Egin klik herrialde egokiaren banderan.
3. Idatzi bistaratutako sarbide-kodea.
4. Kasu-zenbaki berezia jasoko duzu.
5. Idatzi eta gorde ezazu hurrengotan kontsultatzeko.
6. Partekatu zure kezkak testu-eremuan. Adierazi zure kasua erregistratzeko garrantzitsuak diren xehetasun guztiak (ohikoena zer gertatu den, non, noiz, zergatik eta nork egin duen adieraztea da).
7. Kontsulta ezazu berriz aste bat igaro ondoren zure mezuaren erantzuna irakurtzeko.

Zer gertatzen da kezka adierazi ondoren?

• Zure kezkak eta zure identitatea (ezagutarazi nahiz gero) Trust Line-aren arduradunekin partekatuko dira. Ikerketak aurrera egiten badu, datu horiek ikerketa egiteko eta horren jarraipena burutzeko arduradun diren pertsonei helaraziko zaizkie.
• Trust Line-aren arduradunek ebaluatzen dituzte sail horren bidez erregistratutako kezka guztiak, lau begien printzipioa erabiliz. Arduradun horiek Ingka taldeko laguntzaileak dira, eta kargu horretan lan egiteko prestatu dira espezifikoki.
• Zure kezka adierazi eta aste bat ondoren, Trust Line-aren arduradun batek bidaliko dizu erantzun bat, kontu hori kontuan hartuko den eta nola ekingo dioten azalduz.
• Ziurtatu Trust Line-n sartzen zarela kasu-zenbaki bereziarekin, Trust Line-ko arduradunen erantzuna ikusi ahal izateko.

Nire kezkak era anonimoan adieraz ditzaket?

Herrialde gehienetan, zure identitatea gorde dezakezu kezkak adierazterakoan.

Ez zaizu identifikatzeko eskatuko eta, zure mezu kanpoko hornitzaile baten bidez transferituko denez, Ingka taldeko inork ezin izango du zure IP helbidearen arrastoari jarraituko.

Hala ere, kontuan izan era anonimoan erregistratzen diren kezkak eragin txikiagoa dutela.

Nork kudeatzen ditu kezkak?

Kezkak prozesatzeko printzipio orokorra ahalik eta pertsona gutxien nahastea da. Kezkak ikertzeaz arduratzen diren pertsonek konfidentzialtasuna mantendu behar dute. Trust Line-a Ingka taldeko Business Risk Management and Compliance-k kudeatzen du.

Kezken jarraipena egitearen arduradunak eragindako erakundean lan egin beharko du, eta erakunde horren maila bat gainetik dagoen lanpostuan egon beharko du.

Trust Line-a People Intouch-ek kudeatzen du, kanpoko hornitzaile independenteak. Kezkak adierazten duten pertsonen identitatea eta partekatzen duten informazioaren konfidentzialtasuna babestuta daude. People Intouch-i buruzko informazio gehiago lortu nahi duzu? Bisitatu bere webgunea: https://www.peopleintouch.com

Nola lortzen du Trust Line-ak nire mezua konfidentziala izatea?

Trust Line-a barruko eta kanpoko baldintza zorrotzak betetzeko diseinatuta dago; horien artean informazioaren segurtasuna eta datuen pribatutasuna nabarmentzen dira. Gure kanpoko hornitzailea den People Intouch-en bidez, kezkak adierazten dituzten pertsonen identitatea eta partekatzen duten informazioaren konfidentzialtasuna babestuta daude.

Eragin negatiboa izan dezake niretzat nire kezkak adierazteak?

Ingka taldetik, zure susmoak partekatzera animatzen zaitugu, jokaera txarraren bat eman dela uste baduzu.

• Kezkak adierazten dituzten pertsonak babestuta daude beti prozesu osoan zehar. Era garbian egiten badute, ez dute zertan eragin negatiborik izango.
• Ez ditugu mehatxuak ezta bestelako errepresaliarik onartzen.
• Kezkak adierazten dituzten pertsonen aurkako errepresaliek gure jokaera-kodea urratzen dute, beraz, hori gertatuz gero, (disziplinazko) neurriak hartu beharko genituzke.

Kontuan izan ez zaitugula babestuko aurrez faltsua dela dakizun kezka adierazten baduzu.

Nola tratatzen dituzue nire datuak?

Ingka Services B.V.-k bere gainean hartzen du Ingka taldeko Trust Line-aren ardura, bai zure kezkak prozesatzeko bai zure datu pertsonalak tratatzeko. Indarrean dagoen datu-babeserako araudiaren arabera, zure erregistroak urtean behin dohainik kontsultatzeko eskubidea duzu. Helbide honetara Datu-babesaren Ordezkariari zuzendutako idatzi baten bidez eska dezakezu: Ingka Services B.V, Bargelaan 20, 2333CT, Leiden, Herbehereak. Eskaera behar bezala sinatu eta posta bidez bidali behar duzu. Beraz, ezin duzu zure erregistroetarako sarbidea mezu elektronikoz eskatu.

Indarrean dagoen datu-babeserako araudiaren arabera tratatu ez diren datu pertsonalak berehala zuzendu, blokeatu edo ezabatzeko eskatzeko eskubidea duzu.

Baliteke datu pertsonal batzuk Europako Esparru Ekonomikoaren barruan zein kanpoan Ingka taldeko entitate ezberdinei transferitzea eta horietan tratatzea. Hori datu-babeserako legeen arabera egiten dela bermatzen dugu beti.