Balorazioak eta iritziak

Bezeroen iritzien eta balorazioen zerbitzuaren erabileraren zehaztapenak eta baldintzak

Zure iritziak axola digu!

Bezeroen iritzien eta balorazioen zerbitzua (“CRR zerbitzua”) IKEA IBÉRICA S.A.-k eskaintzen du eta zehaztapen eta baldintza hauek izango dira gure harremana arautuko dutenak CRR zerbitzua erabiltzen duzunean eta argitaratu daitekeen iritzi, balorazio edo aipamen bat idazten duzunean. Era berean, IKEA IBÉRICA, S.A.-k aipamenak nola prozesatzen dituen azaltzen duen informazioa ere jasotzen da zehaztapen eta baldintza hauetan.

Gure Pribatutasun-politikaren eta erabilera-zehaztapen eta -baldintza hauen edukiaren artean gatazkaren bat baldin badago, erabilera-zehaztapen eta -baldintza hauek izango dira nagusi CRR zerbitzuari dagokionean.

CRR zerbitzua erabiltzean eta argitara daitekeen iritzi, balorazio edo aipamen bat ematean, honako hau bermatzen duzu:

Adinez nagusia zarela
Askatasunez jokatzen duzula eta ez duzula beste norbaiten nortasuna ordezten.
Bidalitako edukiaren jabetza intelektualaren eskubideen autore eta titular bakarra zarela.
Borondatez uko egiten diezula eduki horri dagokionez izan ditzakezun eskubideei.
Bidaltzen duzun edukia egia dela eta honako muga hauek errespetatzen dituela:
- Legerik edo araudirik urratzen ez duela.
- Faltsua, zehaztugabea, iruzurtia edo alderdikoia ez dela.
- Iruzkinean jasotako informazioa ez dela delituen bidez edo modu desegokian eskuratu. Hirugarrenen jabetza-eskubideak urratzen ez dituela, hala nola egileena, markena, merkataritza- edo industria-sekretuena, ez pribatutasunerako ez ohorerako eskubiderik.
- Ez dela ez beltzailea ez diskriminatzailea, ez du gorrotoa sustatzen, ez du aurreiritzi arrazistarik, erlijiozkorik edo generokorik, ez da iraingarria, ez du mehatxurik eta ezin dela pertsonen edo enpresen aurkako jazarpentzat hartu.
- Iruzkin horren truke inolako konpentsaziorik edo irabazirik jasotzen ez duzula, ez zuzenean, ez zeharka, ez IKEA-ren aldetik ez hirugarrenen aldetik.
- Iruzkinak ez duela produktu edo zerbitzuen publizitaterik, ez zuzenean, ez zeharka.
- Ez dituela beste enpresa edo marka batzuk aipatzen, ez zuzenean, ez zeharka.
- Ez duzula sartzen beste webguneak, helbideak, helbide elektronikoak, harremanetarako informazioa edo telefono zenbakiak aipatzen dituen esteka edo informaziorik, ezta, oro har, norberaren edo hirugarrenen datu pertsonalik.
- Ez duela birus informatikorik, publizitate biralik (spam), "harrik" (IWorm) edo kaltegarri izan daitekeen bestelako programa, fitxategi edo estekarik.

Jakinarazten dizugu iruzkin bat egin dezakezula testu librearen atalean, produktuari "izarren" bidezko puntuazioa emateaz gain (izar gehiagok produktuaren balorazio hobea adierazten dute).

Iritzia, balorazioa edo aipamena sartzean eta bere mugak onartuz baldintza hauetan ezarritakoaren arabera, automatikoki onartzen duzu IKEA IBÉRICA S.A. (eta haren agente, filial eta zerbitzu-hornitzaileak) konpentsatzea eta edozein modutako zehapen, eskaera eta kalte-galeren erreklamaziotatik (sortutako kaltea eta lortu gabeko irabazia) aske mantentzea. Horrez gain, aurreko bermeak betetzen ez badituzu eta, bereziki, legeren bat edo beste norbaiten eskubideak urratzen badituzu, horrek eragin ditzakeen abokatu eta prokuradoreen kostuak ordaindu beharko dituzu. Hori guztia IKEA-k zure aipamena edozein unetan ez argitaratzeko edo ezabatzeko duen ahalmenaren kalterik gabe, aurreko bermeak betetzen ez baditu.

Edozer bidaltzen duzula, IKEA IBÉRICA S.A.-ri automatikoki eta doan eskubide betiereko eta transferigarria emango diozu eduki hori erabili, kopiatu, aldatu (aldaketa nabarmenik egin gabe), ezabatu, egokitu, argitaratu, itzuli, eratorritako edukiak sortu edota eduki hori banatu edota eduki hori edozein formatu, bitarteko edo teknologia bidez txertatzeko, mundu osoan. Era berean, IKEA IBÉRICA, S.A.-ri ahalmena ematen diozu eduki eta aipamen hori INGKA enpresa-taldeko beste edozein enpresarekin partekatzeko, eta IKEA IBÉRICA, S.A.-rekin partekatutako edukia eta aipamena argitaratu ahal izango dira INGKA taldeko sozietate horien edozein webgunetan, aplikaziotan edo beste edozein euskarri eta teknologiatan. Halaber, eduki eta aipamen horiek ikusi ahal izango dituzte, bai jatorrizko bertsioan eta hizkuntzan (IKEA IBÉRICA, S.A.-ra bidalitako moduan), bai dagokion webguneko hizkuntzara egindako itzulpenean. Zure aipamena IKEA Family bazkide gisa erregistratzean edo webguneko erabiltzaile gisa kontu bat sortzean eman zenuen ponte-izenarekin batera argitaratuko da, aipamena egin duzun datarekin eta zure IKEA Family bazkidearen profilean ageri den bizileku-herrialdearekin edo webgunean erabiltzaile-kontu bat sortzeko unean eman duzunarekin batera.

Bidaltzen duzun balorazio, iritzi edo aipamenaren edukia IKEA IBÉRICA, S.A.-k edo hark izendatutako hirugarren batek berrikusiko du, argitaratu aurretik. Baldintza hauetan ezarritakoa betetzen ez duen edozein eduki aldatu (funtsezko aldaketarik gabe), egokitu, laburtu, ez argitaratu edo ezabatzeko eskubidea dugu. Argitze aldera, berrikuspen honen helburua ez da inola ere kontsumitzaile edo erabiltzaileen aipamenak edo onespen sozialak desitxuratzea gure ondasun eta zerbitzuak sustatzeko.

Iritzia, balorazioa edo aipamena bidali ondoren, ezin dugu bermatu hura aldatzeko edo ezabatzeko aukera izango duzunik. Puntuazioak eta idatzizko iruzkinak bi eta lau lanegunen arteko epean argitaratzen dira.

Zer bidetatik bidal daiteke iritzia, balorazioa edo aipamena?

Erabiltzaile zaren aldetik, zure puntuazioa eman eta iruzkin bat egin ahal izango duzu IKEA-n erositako produktu bakoitzeko, IKEA Family Klubeko bazkidea bazara jasoko duzun mezu elektronikoaren bidez, Family txartela erosketa-unera pasatu duzu eta IKEA IBÉRICA, S.A.-k merkataritza-jakinarazpenak bidaltzea onartu duzu. Bazkidea ez bazara, ez baduzu txartela pasatu erosterakoan edo ez baduzu onartu IKEA IBÉRICA, S.A.-k merkataritza-jakinarazpenak bidaltzea, ez duzu jasoko gure mezu elektronikorik zure aipamena bidaltzeko eskatuz.
Mezu elektronikoa IKEA Family klubeko bazkide egitean IKEA IBÉRICA, S.A.-ri jakinarazi zenion helbide elektronikoan jasoko duzu.
Aipamen bat ere jar dezakezu, IKEA Family erabiltzaile gisa saioa hasita, zure erosketen historialetik.
Bide hauetatik, aipamena idazten duenak baloratzen ari den IKEA IBÉRICA, S.A.-ren produktua erabili edo erosi duela berma dezakegu. Horregatik, adierazpen horiek egiaztatutzat jotzen dira "egiaztatua", "erosle egiaztatua" edo antzeko etiketaren batekin.
Gure webgunean argitaratuta dagoen edozein produktu puntuatu edo hari buruzko aipamena ere idatz dezakezu. Kasu honetan, zure balorazioa bidali ondoren, erabiltzaile eta pasahitzarekin erregistratzeko eskatuko dizugu. IKEA IBÉRICA, S.A.-k CRR zerbitzuaren erabiltzaileei jakinarazten die balorazio bat bidaltzeko bide honek ez duela erabat bermatzen idatzi duenak produktua IKEA-n erabili edo erosi duenik; beraz, aipamen horiek ez daude egiaztatuta, ezin baita egiaztatu gure produktua benetan erabili edo erosi duen norbaitek idatzi duenik. Horregatik, aipamen horiek "egiaztatu gabetzat" hartu behar dira, eta ez dira inolaz ere egiaztatutzat identifikatuko.

Iritzi, balorazio edo aipamen bat bidaltzen duzunean baldintza horiek onartzen dituzunez, baimena ematen diguzu zure izena argitaratzeko (webgunearen erabiltzaile gisa kontu bat sortzean eman diguzuna, edo IKEA Family klubeko bazkide gisa erregistratzean eman diguzuna), uzten diguzun aipamenaren edukiarekin batera, edozein euskarri inprimatu edo digital bidez argitaratzeko eta edozein formatu, bitarteko edo teknologiatan, mundu osoan. Halaber, baimena ematen diguzu IKEA Family bazkide-profilean aipamena jarri zenueneko data eta zure egoitza-herrialdea argitaratzeko, edo webgunean erabiltzaile-kontua sortzean ematen duzuna.

Era berean, iritzi, balorazio edo aipamen bat bidaltzen duzunean, baldintza horiek onartzen dituzunez, baimena ematen diguzu zure iruzkinarekin lotutako posta elektronikoko helbidea bai guk bai gure zerbitzu-hornitzaileek erabiltzeko, zure iritziaren egoeraren inguruan harremanetan jartzeko zurekin. Ez dugu helbide elektronikoa xede komertzialetarako erabiliko, eta ez dugu CRR zerbitzuaren hornidurarekin zerikusirik ez duen hirugarrenen esku jarriko. Bidali duzun balorazioaren arabera, IKEA IBÉRICA, S.A.-ren interes legitimoaren arabera jarriko gara zurekin harremanetan, baldin eta gure produkturen bati buruzko segurtasun-ohar bat egiten badugu edo IKEA-ren produktuen segurtasunarekin lotutako kasuak ikertu behar baditugu.

IKEA IBÉRICA, S.A.-k bermatu egiten du aipamen faltsurik ez duela eta ez diola inolako onurarik ematen ez pertsona fisiko ez juridiko bati ondasunak edo zerbitzuak sustatzeko aipamenak sar ditzan. IKEA IBÉRICA, S.A.-k webgune honetan edo beste edozein kanal edo hedabidetan egindako publizitate-edukiak publizitate-edukitzat identifikatuko dira berariaz.

Beste herrialde batzuetako bezeroek idatzitako IKEA produktuen aipamenak bistaratzea. IKEA IBÉRICA, S.A.-k webgunearen eta aplikazioaren erabiltzaileei jakinarazten die INGKA Taldeko IKEA dendetan erositako beste herrialde batzuetako bezero eta erabiltzaileek IKEA produktuetarako emandako edukia eta aipamenak bistaratu ahal izango dituztela. Aipamen horiek bezero edo erabiltzaile horrek beste herrialde horretan eman duen edukiarekin, aipamenaren datarekin eta jatorrizko herrialdearekin batera erakusten dira, baita bere ponte-izenarekin ere, horiek IKEA Family bazkide egitean edo herrialde horretako webgunean erabiltzaile-kontu bat sortzean erregistratuko duten bezala. Webgunearen eta aplikazioaren erabiltzaileak aipamen horren itzulpen automatikoa ikustea aukeratu ahal izango du, baina IKEA-k ez du bere gain hartuko itzulpen horren zehaztasun edo zehaztasun faltaren gaineko erantzukizunik. Aipamen horiek egiaztatutzat markatuko dira erabiltzaile horiek aipamena jarri ondoren, beren herrialde horretako IKEA-n erosketa bat egin ondoren jasotako posta elektronikoaren bidez edo erosketen historialaren bidez, herrialde horretako IKEA Family klubaren erabiltzaile gisa. Dagokion herrialdeko webgunean zuzenean jarritako aipamenak ez dira egiaztatutzat joko; izan ere, erabiltzailea webgunean erregistratuta egon arren, IKEA-k ezingo luke egiaztatu erabiltzaile horrek produktua benetan erabili edo erosi zuen. IKEA IBÉRICA, S.A.-k ez du esku hartzen beste herrialde batzuetako IKEA-ren (INGKA Taldea) erabiltzaileek eta bezeroek egindako aipamenak biltzeko, moderatzeko eta argitaratzeko.

2025/03/26