Berreskuratu zurezko gainazalen distira
Zurak distira galtzen du denborarekin, eta itxura makala hartzen du. Gutxieneko zaintzekin, hezetasunetik, izpi ultramoreetatik eta eguneroko higaduratik babestuko duzu, eta bere edertasun naturala berreskuratuko du. Jarraitu urrats hauei zure zurezko mahaia berritu eta babesteko. Gida honek tratatu gabeko edo lehen olioztatutako zurezko gaineko eta altzarientzat bakarrik balio du. Barrualdeetan bakarrik erabil daiteke. Has gaitezen
Zer gehiago behar duzu?
- Ale xeheko lixa-papera (220ko alekoa, gutxi gorabehera)
1. urratsa: Garbitu gainazala
Prestatu ontzi bat ura eta xaboiarekin, eta zapi bat. Lehenik, garbitu ondo mahaia. Busti zapia xaboidun urarekin eta garbitu altzariaren gainazal osoa hautsa, zikinkeria eta edozein hondar itsaskor kentzeko. Hurrengo urratsarekin jarraitu aurretik, itxaron mahaia erabat lehortu arte. Emaitza bikaina lortu nahi baduzu, gainazalak garbi egon behar du.
2. urratsa: Lixatu gainazala
Prestatu ale xeheko lixa-papera (220ko alekoa, gutxi gorabehera) eta zapi bat. Lixatu mahaia lixa-paperarekin, zainen norabideari jarraituz. Horrela, lazguneak kenduko dituzu eta zura prestatuko duzu ondoren tratatzeko. Kendu hauts-hondarrak zapi garbi eta lehor batekin.
3. urratsa: Eman zurerako olioa edo pintura
Prestatu IKEA-ko zurerako olioa eta zapi garbi bat. Lehen zuen itxura natural polita berreskuratzeko ordua da. Jarraitu produktuaren jarraibideei. Aplikatu produktua uniformeki gainazal osoan. Utzi mahaiari lehortzen erabili baino lehen.
4. urratsa: Utzi lehortzen
Pazientzia gakoa da. Mahaia erabili aurretik, utzi lehortzen eta olioa xurgatzen gutxienez 24 orduz. Pintura erabili baduzu, ziurtatu ondo lehortu dela.
