Smart Lighting
Argiztapena ongizaterako garrantzitsua da. Argiari eta etxean nola aprobetxatzeari buruzko ikerketa ugari egin ditugulako dakigu hori. Hori dela eta, erabiltzeko prest dauden argiztapen adimenduneko produktuak diseinatu ditugu. Etxeko edozein lekutik piztu eta itzali, erregulatu eta kolorea, tenperatura eta beste hainbat funtzio doitu ditzakezun haririk gabeko argiztapena da.
Sailkatu eta iragazi
Emaitzen zerrenda
Salduenetakoa
Salduenetakoa
24/61 emaitza ikusgai
Erakutsi gehiago
Zuretzat gomendatua
Azkenekoz ikusitakoak
Giro paregabea sortu eguneko edozein unetan argiztapen adimendunari esker
Eguneko edozein une apaintzeko giroa sortu urrutiko agintea eta IKEA Home Smart aplikazioa erabiliz erregulatu daitezkeen argiztapen adimenduneko aukera ugariei esker. Ohearen behealdea eta oheburua argiztatu ditzaketen LED argiztapen-zerrendak bezalako argiztapen adimendun integratuak estilo-ukitua gehitzen du. Armairuetan erraz jar daitezkeen LED fokuak erabili zure baxera ikustarazteko. Gainetarako LED argiztapenak argitze bikaina eskaintzen du janaria argi eta garbi prestatu dezazun. Armairuetarako LED argiztapen zerrendek argi leun eta atsegina igortzen dute; horrela, koloreak argi eta garbi ikusiko dituzu eta ez duzu zure bikotekidea goizeko zazpietan esnatuko. Sentsore adimendunak armairuaren edo jantzigelako atea irekitzen duzunean baino ez du argia pizten. Argiari protagonismo osoa emateko, modernotasun-ukitua gehitzen duten argiztapen-panel futuristak erabili. Panelak erregulatu ditzakezu, baita tonu bero batetik tonu hotzera igaroarazi botoi bat sakatuz edo mugikorra erabiliz. Argiztapen adimenduneko kitak erabiltzeko errazak dira; urrutiko agintearekin kontrolatzen diren intentsitate-erreguladoreak hari gabeko bonbilla adimendunekin sinkronizatzea besterik ez duzu. Argiztapena haririk gabe erregulatu dezakezu hainbat jardueratara egokitu dadin. Erregulagarriak izateaz gain, bederatzi kolore ezberdin dituzten bonbilla adimendunak aukeratu ditzakezu. Zenbait kitek entxufe adimendunak dituzte, kafe-makinak eta beste etxetresna elektriko txikiak konektatzeko. Urrutiko aginte adimendunez gain, gelak argiztatu ditzakezu hari gabeko mugimendu-sentsoreak erabiliz, % 30 edo % 100-eko intentsitatea doitzea ahalbidetzen dutenak.
Argiztapen adimenduneko aukera guztiek kontsumo txikiko LED bonbillak erabiltzen dituzte, zeinak energia gutxiago behar duten eta iraunkorragoak diren. Behar duzunean, piztu argiak guztiz, eta giroa egokitu nahi duzunean, intentsitate-erreguladorea erabili dezakezu, egun berezietarako, jaietarako edo musika entzun bitartean sofan atseden hartzen ematen dituzun gauetarako.
Zure gauei ukitu berezia gehitu argiztapen-soluzio pertsonalizatuei esker
LED argiztapen-errailak erabili zure seme-alabaren lasterketa-auto edo espazio-ontzi itxurako ohea argi distiratsuarekin argiztatzeko, eta intentsitate-erreguladorea erabili zure haurra lo gera dadin ipuin bat irakurtzen diozun bitartean. Zoruan jarritako LED argiztapen-zerrendak oso baliagarriak dira eta zure seme-alabaren gau-argi gisa dihardute. Zure logelan ere jar ditzakezu, edo egongela eta sotoa benetako zinema-areto bihurtzeko erabil ditzakezu.
Zure argiztapen adimenduna konektatu eta giro hobezina sortu berehala
Urrutiko aginteak gehienez hamar LED bonbilla adimendun edo argiztapen-panel kontrolatzeko erabili daitezke. Mugimendu-sentsorea erabili gehienez hamar argi-iturri automatikoki piztu edo itzaltzeko. Erosotasun gehiagorako, egun- edo gau-modua erabili dezakezu mugimendu-sentsoreak konfiguratzeko; horrela, argiak 3 minuturen buruan itzaliko dira. Gainera, IKEA Home smart aplikazioarekin, erabateko kontrola izango duzu, eta ez argiztapen adimenduneko soluzioen gaineko kontrola bakarrik. Mugikorra edo aplikazioa eta Amazon Alexa, HomeKit edo Google Home erabiliz, estoreak eta etxetresna elektriko txikiak ere kontrolatu ditzakezu. IKEA Home smart aplikazioari buruz gehiago jakin.
Erraz jartzen eta erregulatzen den argiztapen adimendun segurua erabili.
LED luminaria adimendun hauek gune txikietarako hobezinak dira eta oihalekin kontaktuan egon daitezke (logelan, adibidez), askoz ere bero gutxiago isurtzen baitute energia gutxiago kontsumitzen duten heinean. Erraz jartzen dira eta argiketariaren laguntza ez da beharrezkoa izango. IKEA Home smart beste gailuekin estekatzean, argiak piztu, erregulatu edo itzali ditzakezu urrutiko aginteak edo ahots-komandoa erabiliz.