Kanpoko-alfonbrak

Zer material erabili dira kanpoko alfonbrak ekoizteko eta nola funtzionatzen dute?

Hitz gutxitan, kanpoko alfonbrak aire zabalean erabiltzeko diseinatutako alfonbrak dira. Euriak, elurrak eta zikinkeriak eragindako higadura barruko ehun gehienek baino askoz hobeto jasan dezaketen materialez eginda daude.

Orokorrean, kanpoko alfonbrak polipropileno lau eta trinkoz eginda daude, batzuetan latex sintetikoarekin nahastuta. Material horiek alfonbra garbitzeko erraza eta gogorra izatea ahalbidetzen dute. 

Kanpoko alfonbra bat gehitzea aukera bikaina da zure patioak, balkoiak edo lorategiak etxe-giroa bereganatu dezan. Oinutsik egoteko zoru erosoa lortuko duzu eta zure dekorazioari kolorea gehituko diozu; gainera, lasai egon zaitezke kanpoaldean uzten baduzu, ez baita hondatuko.  

Kanpoko alfonbrak nola garbitu eta zaindu.

Zikin dagoen kanpoko alfonbra garbitzeko modurik errazena zapi busti bat erabiltzea da. Eguneroko mantentze-lan bikaina da. Gainera, noizean behin hautsa xurgatu eta alfonbra biratu behar duzu. Alfonbrako hautsa xurgatzeko, erabili ezazu beti buru estandarra eta inoiz ez eskuila birakaria.

Zure alfonbra oso zikin badago eta behar bezalako garbiketa behar badu, zenbait irizpide kontuan hartu behar dira.

Kanpoko alfonbrek ura jasaten dutenez, garbiketarako mahuka bat erabili dezakezu; ondoren, alfonbra lehortu hura zintzilikatuz. 

Erraz garbitzen ez diren orbanetarako, detergente leun bat erabil dezakezu. Orbana eskuila leun bat erabiliz igurtzi eta urarekin ondo garbitu. Alfonbra guztiz lehortu behar da erabili aurretik.

Hona hemen beste garbiketa-jarraibide batzuk:

• Garbitu eskuz gehienez 40 °C-tan.
• Lixibarik ez erabili.
• Ez lehortu lehorgailuan.
• Ez lisatu.
• Ez garbitu lehorrean.

Alfonbra oso zikin badago eta aurreko urratsak lagungarriak ez badira, tindategira eraman dezakezu. Alfonbrak luze iraun dezan, gorde leku itxi batean gorde hura erabiltzen ez denean.

Kanpoko alfonbrak iragazgaitzak al dira? 

Kanpoko alfonbrak ez dira iragazgaitzak izaten. Baina ura jasaten dute. Hitz gutxitan, barruko alfonbra gehienek baino ur gutxiago xurgatzen dute, eta bustitzekotan, askoz azkarrago lehortzen dira. Ezaugarri horiei esker, kanpoko alfonbrak kanpoaldean laga daitezke euria ari arren. 

Hala ere, ez dira suntsiezinak. Eguraldiak okerrera egingo duela badakizu, egokiena alfonbra leku itxian gordetzea izango litzateke. Horrela, zure alfonbrak luzaroan emango du berria.

Kanpoko alfonbra bustitzen bada, zintzilikatu lehor dadin. Horrek alfonbra lizunetik babesten laguntzen du. 

Kanpoko alfonbrak etxe barruan erabil ditzaket?

Kanpoko alfonbrak aire zabalean erabiltzeko eginda daude; hala ere, horrek ez du esan nahi kanpoaldean soilik erabili ahal direnik. Etxe barnean erabili daitezke, non oso erabilgarriak izan daitezken. Adibidez, kanpoko alfonbra sukaldean izatea aukera bikaina da, alfonbra gehienek ez baitituzte ur-zipriztinak eta janari-hondarrak oso ondo jasaten. 

Kanpoko alfonbrek terrazako zurezko edo hormigoizko zorua higatu dezakete?

Kanpoko alfonbrek ez diote zure terrazari kalterik egingo. Kanpoaldean erabiltzeko diseinatuta daudenez, zurezko edo hormigoizko patioak ez du kalterik jasoko. Koloreak ez dira margulduko, ez dira eguzkitan urtuko eta ez dute oholak usteltzen dituen urik atxikiko.  

Honez gain, alfonbrak terrazaren azalera babestuko du. Beraz, euriak, elurrak, zikinkeriak edo eguzkiaren argiak terrazaren gainerako azalera higatzen dutenean, alfonbraren azpiko gainazalak bere koloreari eutsiko dio. 

Gainera, kontuan hartu kanpoaldeko alfonbrek ehundura labaina izan dezaketela. Hori dela eta, baliteke babesgarri irristagaitza behar izatea bere lekuan mantendu dadin.