Bideen argiztapena
Sailkatu eta iragazi
Emaitzen zerrenda
Lotutako kategoriak
Argitu ematen duzun urrats bakoitza bideetarako argiekin
Bideetarako argiek bideak argiztatzeko baino gehiagorako balio dute: kanpoko espazioak gune atsegin, seguru eta dotore bihurtzen dituzte. Berdin dio lorategiko bide bat nabarmendu nahi duzun, sarrera eroso bat sortu nahi duzun edo zure kanpoko espazioari distira magiko bat gehitu nahi diozun: bideetarako argi egokiek aldea eragin dezakete. Arakatu diseinu moderno dotoreak eta aukera tradizional zoragarriak dituen gure sorta. Eguzki-energiarekin funtzionatzen duten aukerak ere baditugu, energetikoki soluzio eraginkorragoa lortu ahal izateko.
Zeintzuk dira bideetarako argien abantailak?
Bideetarako eguzki-argiak kanpoko espazioak argiztatzeko modu erraza dira. Gainera ingurumena errespetatzen dute. Egunez kargatzen dira eta eguzkia ezkutatzean automatikoki pizten dira. Hortaz, ondo argiztatutako ibilaldiez gozatu ahal izango duzu argiaren faktura handitu gabe. Kableak eta entxufeak behar ez dituztenez, oso erraz instalatzen dira: kokatu eguzkiak ondo argiztatzen duen leku batean, eta haiek gainerakoa egingo dute. Horrez gain, gaueko elkarretaratzeetan giro atsegina sortzen lagunduko dizute, eta, aldi berean, zure etxeko segurtasuna handituko dute.
Zein da bideetarako argiak kokatzeko modurik onena?
Itxura orekatua lortzeko, kokatu bideetarako argiak modu uniformean pasabideetan, sarrerako bideetan edo lorategiko bidexketan zehar. Pixka bat zentratu gabe kokatzen badituzu, sentsazio naturalagoa sortuko duzu; bide baten bi aldeetan modu mailakatuan jartzen badituzu, berriz, efektu erakargarria eta ondo argiztatua sor dezakezu. Lorategiko elementu bat argiztatu behar baduzu (hala nola zuhaitz bat edo urmael bat), kokatu argiak formak eta egiturak nabarmentzeko moduan giro-ukitu bat gehitzeko.
Erabiltzeko eta zaintzeko aholkuak
Bideetarako argiak eguraldi txarra jasateko diseinatuta daude, baina pixka bat zaintzen badituzu, bikain mantenduko dira. Garbitu argiak aldizka zikinkeria eta hondakinak kentzeko, batez ere eguzki-panelak, behar bezala kargatzen direla bermatzeko. Egiaztatu ondo kokatuta daudela ekaitz gogor baten ondoren edo haize handia badabil, mugitu egin baitaitezke zorua bigun badago. Argiek pilekin funtzionatzen badute, alda itzazu beharrezkoa denean, distira egiten jarrai dezaten. Bai segurtasunagatik, bai estiloagatik, bideetarako argiak ondo zaintzeak zure kanpoko espazioaz gehiago gozatzea eragingo du egunez zein gauez.