Saltatu

2030erako, plastiko birziklatua edo berriztagarria soilik IKEA-ren produktuetan

Erabilera bakarreko plastiko guztia kendu dugu etxerako dekorazio eta produktuen sortatik, eta plastikoa gure produktuetako bilgarrietatik kenduko dugu. Gure helburua iturri berriztagarri edo birziklatuetako plastikoa soilik erabiltzea da, hondakinak murrizteko eta produktuei bizitza bat baino gehiago emateko.

Jostailuzko ontzi baten itxura duten bi KNOPARE kako berde dauzkan horma, lauza berdeekin. Kako horietako batean makramezko poltsa zuri bat dago eskegita.

Birzikla dezazun produktu birziklatuak

Bidaia bati ekin diogu plastikozko produktuak hondakin industrialetatik eta etxeko hondakinetatik abiatuta ekoizteko. Produktu horien artean, HÅLLBAR zaborrontzia da lehena. Etxeetan hondakinak banatzeko eta birziklatzeko erabiltzen da.

Hondakinak sailkatzeko HÅLLBAR soluzio gris argia erakusten duen sukaldeko tiradera. Lau ontzik, PET botilek eta hondakin organikoek osatzen dute soluzioa.
Zurezko sukalde-gainekoa, eskuoihala, altzairu herdoilgaitzezko tiradera-aurrealdeak eta pertsona bat hondakin organikoak HÅLLBAR zaborrontzira botatzen.

Berrerabili ISTAD poltsa zigilagarriak

ISTAD, itxigailu berrerabilgarria duen erabilera anitzeko poltsa, azukre-kanaberaren sektoretik datozen material berriztagarriekin egiten da orain. Iraunkorra denez eta itxigailu berrerabilgarria duenez, ISTAD behin eta berriro erabili ahal izango duzu, eta horrek zaborrontzira botatzen ditugun plastikozko poltsen kopurua murrizten lagunduko du.

Sukalde-gaineko zuria, itxigailu berrerabilgarria duten hiru ISTAD poltsa eta alkandora bakeroa daraman pertsona bat biskoteak poltsetako batean sartzen.
“Jakin-mina dugu, eta balio-kate osoko bazkide guztiekin eta zuekin, bezeroekin, arakatzea, berritzea eta garatzea interesatzen zaigu.”
Minh NguyenMaterial and Innovation Manager
Makillaje-produktuak dauzkan GODMORGON komoda txiki ketu batean antolatuta (komodak bi tiradera dauzka), loreak dituen loreontzi baten ondoan apain-mahai batean.

Teknologia adimendunek prezioak jaisten dituzte, eta jasangarritasuna hobetzen dute

Injekzio bikoitzaren teknologia berriari esker, bi material ezberdin erabil ditzakegu produktu berean. Horrela, helburuaren arabera hautatu ahal izango ditugu. Adibidez, NYPON loreontzian gertatzen da hori. Egitura-erdigunea merkeagoa da, baina itxura eta ukitze hobeak dituen kanpoko geruza edo estaldura bat du.

Luma-iratzea duen NYPON loreontzi bat mahai osagarri turkesa baten gainean, gortina turkesa baten aurrean.

Plastiko birziklatuarekin sortutako produktu gehiago

Bide luzea egin dugu jada material berriztagarri edo birziklatuetan oinarritutako plastikoa soilik erabiltzera bideratuta dagoen bidaian. Plastikozko produktuen familia handi asko plastiko birziklatu-proportzio handiarekin daude eginda dagoeneko.

Konpartimentuak dituen GODMORGON kaxa; bertan, urre-koloreko poltsa, guraize batzuk eta makillaje- eta garbiketa-produktu sorta bat daude gordeta.
Horman muntatutako hiru KNOPARE kako; haietako bitan poltsak daude eskegita, eta hirugarrenak jaka bati eusten dio.
NYPON loreontzi gris batean landatu berri den barruko landare berde eta hostotsu bat, lurrez inguratuta. Atzean, terrakotazko loreontzi batzuk daude.
Lauza zuri eta beltzak eta VESKEN apalategi zuri bat dituen bainugela. Apalategian bainu-belakiak eta pastel-koloreko eskuoihalak daude.
Horma argiak, zoru ilunak eta TRONES oinetako-altzarien bi sorta dituen atondo modernoa. Oinetako-altzariak ispilu eta beste oinetako-altzari baten artean muntatuta daude.
“IKEA-ren produktuetan material plastikoa berrerabili, diseinatu eta ekoizteko modua berriz planteatu behar dugu.”
Erik LjungbladPlastic Category Manager
JANINGE aulki hori distiratsua, zur argiko zoru baten gainean aurrez muntatuta, horma zuri baten aurrean.

Beltza beti itzultzen da

Birziklatutako 25 PET botila behar dira KUNGSBACKA aurrealde bakoitzaren gainazal beltz mateak sortzeko. Material hori hornitzaile batekin lankidetzan asmatu genuen.

Gure hornitzaileei buruzko informazio gehiago
KUNGSBACKA aurrealde beltzak dituen sukalde moderno bat. Harraskaren albo batean sukaldeko tresnak daude eta, bestean, landare handi bat.
Gure hornitzaileei buruzko informazio gehiago

Kontsumitzaileentzako bilgarrien plastikoa pixkanaka kentzea hemendik 2028ra​

Gure SMÅSPORRE edredoi eta burkoen sorta inplementatu dugun paperezko soluzio baten adibidea baino ez da. Proba ugari egin ondoren, plastikozko bilgarri tradizionalak paperezkoak dira orain. Soluzio berriak plastikoarekiko mendekotasuna murrizten du eta energia berriztagarriz elikatutako Eskandinaviako fabrika bateko papera erabiltzen du. Altzarien osagarrietarako paperezko poltsak ere sortu genituen 2023an, eta plastikoaren kontsumoa urtean 1400 tona inguru murriztea lortu genuen. ​

SMÅSPORRE edredoi beroa
Alga heze eta zimelen ohe baten gainean kokatutako plastikozko poltsa baztertua eta PET botila, uraren ondoan, goizeko argi ahulak argiztaturik.

Hondakinekin lan egitea

Horretarako, funtsezkoa da material birziklatuekin lan egiteko forma berriak aurkitzea. Hondakinak baliabide gisa aprobetxatzea etorkizun jasangarriago batera heltzeko urrats bat da.

Munduan gehien birziklatzen den plastikoa da PET-a, eta askotariko helburuetarako erabil daiteke.

Askotariko koloretako bolalumak, zinta arrosa bat eta kolore biziak dituzten hari-mataza batzuk KUGGIS kaxa zuri batean.

Elkarrekin, gauza gehiago lortzen ditugu

Plastiko birziklatua edo material berriztagarrietatik datorren plastikoa soilik erabiltzeko trantsizioa egiteko denbora behar da, eta gauzak egiteko forma berriak bilatu behar ditugu. Hala eta guztiz ere, erantzukizun hori gure gain hartzeko eta soluzio berriak aurkitzeko ahaleginak egiteko erabaki irmoa hartu dugu. Etorkizunean berriz birzikla daitezkeen material jasangarriagoekin egindako produktuak erosteko aukera eskaini nahi diegu bezeroei. Elkarrekin, egoera alda dezakegu.