Kanpoko jangelako aulkiak

Urteko sasoirik beroena heltzear dagoenez, gure aire zabaleko espazioa antolatzeko unea da. Hostoak eta zikinkeria garbitu eta eskobatu behar ditugu. Belarrak landatu eta landareak apaintzen ditugu. Eta kanpoko aulkiak eta bankuak erabiliz apaintzen dugu, atseden hartzeko eta gure oasi txikiaz gozatzeko.

Une bakoitzerako kanpoko aulki eta bankuak

Aulki eta banku egokiak aurkitzea zure kanpoko espazioaren eta hari emango diozun erabileraren araberakoa da. Jarraitu irakurtzen gure sortari eta hari eman diezazkiokezun erabilerei buruz gehiago jakiteko.

Kanpoalderako jangelako aulki tolesgarri eta pilagarriek erabilera anitzak dituzte. 

Patio zabala baduzu, litekeena eserleku-malgutasuna bilatzea da. Gonbidatu ugari izan ohi badituzu, baliteke eserleku asko behar izatea. Hala ere, eguzkia hartzeko edo soropilean jolasteko espazio gehigarria beti ongi etorria da. 

Gure kanpoko aulki asko pilagarriak eta tolesgarriak dira. Horri esker, erraz berrantolatu ditzakezu koadrila gonbidatzerakoan. Aulki horiek aukera bikaina dira lorategi edo balkoi txikiagoa izanez gero ere, beste jarduera batzuetarako espazioa behar duzunean gorde baititzakezu. 

Atseden hartzeko kanpoko aulkiak

Aire zabalean atseden hartzeko eta gozatzeko espazioa sortu nahi baduzu, ikusi bizkarralde doigarriak dituzten gure kanpoko aulkiak. Hobezinak dira eserita hitz egin eta gero etzanda eguzkia hartzeko. 

Besaulki-estiloa duten gure kanpoko aulkiak ere ezagutu itzazu. Atseden hartzeko gune erosoa edo itzalpean irakurtzeko gunea sortzeko bikainak dira. 

Zure aire zabaleko espazioaz gozatzeko bankuak

Banku bat zure lorategiko aulkientzako osagarri perfektua izan liteke. Bankua heskai baten ondoan edo zuhaitz baten azpian jar dezakezu, bertan esertzeko eta loreak begiratzeko. Kanpoko sofa edo mahai eta aulki sortaren ordez, banku bat jar dezakezu, espazioa aurrezteko aukera eskaintzen baitu. Patioaren izkinan jar ezazu, mahai txiki baten ondoan, atseden hartzeko eta goizeko kafeaz gozatzeko. 

Esertzeko erabiltzeaz gain, irudimena askatu eta dekorazioaren zati bihur dezakezu. Bankuak lorategi-apaingarriekin dekoratutako kanpoko apal gisa erabil daitezke. Belar- eta barazki-loreontziak gehitzen badizkiozu, bizkarralderik ez duen banku bat baratze gisa erabil dezakezu. Barbakoaren ondoan jarri belarrak eskura izateko. Edo sarreraren ondoan jarri perrexil edo espinaka pixka bat hartu eta sukaldera eramateko. 

Lorategiko aulkien eta bankuen mantentze-lanak

Mantentze-lanak behar bezala egitea oso garrantzitsua da aulkiek eta bankuek luze iraun dezaten. Nolako materiala, halako mantentze-lana; adibidez, zurak plastikoak baino mantentze-lan gehiago behar ditu. 

Zurezko kanpoko aulki eta bankuak urtean behin edo birritan bernizatzea gomendatzen dizugu. Horrela, zura ez da ez lehortuko, ez pitzatuko hezetasuna egurrean sartzen denean.

Aulkiak eta bankuak garbi mantentzea ere garrantzitsua da. Zapi busti batekin eta xaboi leunarekin garbitu, zikinkeria edo lizuna pilatu ez dadin. 

Azkenik, zure altzariak eguraldi txarretik babestea garrantzitsua da. Urteko sasoirik hotzenean, egokiena altzariak garajean edo sotoan gordetzea da. Kanpoaldean utziko badituzu, altzariak estaltzeko zerbait erabili (lorategiko altzarientzako zorro iragazgaitza, adibidez).