Circular HUB

Bigarren aukera bat gure altzarientzat

Aukerak aprobetxatzea eta ingurumena zein planeta zaintzea gustuko duzu?

Orduan, gure Circular dendan behar duzun guztia aurkituko duzu.

Bertan, katalogotik kendutako produktuak zein "Bigarren bizitza bat IKEA altzarientzat" zerbitzuko produktuak aurkituko dituzu. Horiez gain, erakusketetan izan ditugun produktuak ere badaude, baita estetikoki pixka bat kaltetuta dauden arren funtzionalak eta seguruak izaten jarraitzen dutenak ere.

Eman bigarren aukera bat produktu horiei guztiei eta aurreztu aldi berean. Zure poltsikorako zein planetarentzat onuragarria da. Guztiok irabazten dugu.

Nola eros dezaket Circular HUB online dendan?

Jarraitu honako urrats erraz hauek eta ezagutu gure dendetan eskuragarri dauden aukera zirkular guztiak. Sartu Circular dendan eta hautatu gertuen duzun denda.

Hautatu zure beharretara egokitzen den produktua. Aztertu produktuaren egoera argazkiei eta iruzkinei erreparatuz. Hasi saioa zure IKEA-ko edo Family klubeko erabiltzailearekin. Oraindik IKEA-ko bazkide ez bazara, erregistratu esteka honen bitartez. Doakoa da.

Sakatu ERRESERBATU botoia eta produktu hori zuretzat izango da, baina soilik hautatutako dendan itxi arte, erreserba egin eta 48 ordura, jaiegunak barne (24 orduetan Katalunia, La Coruña eta Las Rozas dendetarako). Horrela, denbora izango duzu dendarako bisita planifikatzeko.

Zatoz hautatutako dendara erreserba-epe barruan eta bilatu Circular HUB atala (lehen "Aukeren ganbara" deitzen zena) zure produktua jasotzeko. Ordaindu kutxetan eta gozatu produktuaz beste aukera bat emanez.

Gogoratu zurekin harremanetan jarri ahal izango garela zure erreserbaren jarraipena egiteko eta Hubeko produktuei buruzko gure kontsulta-zerbitzuak zure eskura jartzeko.

Iritziz aldatzen baduzu, ez da ezer gertatzen. 365 egun dituzu erositako artikulua itzultzeko, eta itzulketa-txartel batean itzuliko dizugu zenbatekoa. Hemen kontsulta dezakezu gure itzulketa-politika.