OMTÄNKSAM bildumaren istorioa
Ergonomian adituak direnekin, fisioterapeutekin eta ikertzaileekin elkarlanean sortua, OMTÄNKSAM bildumak bizitza independentea eragozten dituzten eguneroko oztopoak gainditzen laguntzea du helburu, eta horretarako, erosotasun eta funtzionaltasun gehigarriak ematen dizkie eguneroko objektuei.
Aldaketarako aukera eskaintzen duen diseinua
Ba al zenekien munduko populazioaren % 15ek ezgaitasunen batekin bizi dela? Gure nahia pertsona horiek etxean duten bizitza hobetzea da, eta hori nahi dugu guztientzat, behar funtzional guztiak betez.
“Mundua beste pertsona batzuen begiekin begiratzen dugunean, diseinu adimentsuak jaiotzen dira. Pauso bat atzerantz ematen eta ikuspegia aldatzen dugunean, aukera berrietarako ateak irekitzen ditugu”, dio Britt Montik, IKEA of Sweden-eko Creative Leader-ak.
Ezgaitasunak bultzatua
Zuzenean bizi izan zuen berak, buruko isuriak gaitasun fisikoetan sorrarazi zizkion aldaketak direla medio, eta amak Parkinson gaixotasuna sufritzen duelarik; Brittek ondo daki zer den beti etxean laguntzeko diseinatuta dauden tresnen bila egotea.
“Amak edertasuna balioesten zuen. Harentzat aurkitzen nituen gauza guztiak hain itsusiak ziren, non ez zituen etxean nahi. Niri berdin gertatzen zitzaidan. Ez nekien zenbat iraungo zuen gaixotasunak, baina ezin nituen erabili eskaintzen zizkidaten produktuak. Oso itsusiak ziren.”
Nobedade ergonomikoak
Brittek hutsune bat ikusi zuen, IKEA aukeretan ez ezik, baita etxea hornitzeko merkatu orokorrean ere. Horregatik, IKEA-k ekarpen hobea nola egin zezakeen hasi zen aztertzen. Argi ikusi zuen: ez zen ezer berririk sortu behar, baizik eta IKEA-k dagoeneko eskaintzen zuen hori ergonomikoagoa egin.
Funtzionaltasun eta formaz betea
Britt eta elkarlanean aritu diren langileen emaitza OMTÄNKSAM bilduma da. Eremu ugarietako adituek ebaluatu dute, eta behar, erronka eta lehentasun ezberdinak dituzten pertsonek probatu dituzte. Produktu hauek lagungarriak dira, eta politak ere.
“Gutako gehienok ez dugu nahi gure adinarengatik edo egoera fisikoarengatik definitzea, beraz, egiazta dezagun etxeak hornitu ditzakegula aniztasunari tokia egiteko.”