Terraza aprobetxatzeko 4 modu
Berdin du terraza edo galeria oso txikia bada ere, ziur uste duzuna baino leku gehiago duzula. Biltegiratze-soluzio praktikoak eta adimendunak erabiliz lekuari ahalik eta etekin handiena ateratzean datza gakoa! Artikulu honetan, terraza txikiak aprobetxatzeko lau ideia aurkituko dituzu, gauza desberdinak gordetzeko eta etxeko txoko ahaztu horri etekin guztia ateratzeko.
1. Arropa esekitzeko lekua
Terrazan eseki ohi duzu arropa? Orduan, ideia ona da apalategi edo apal bat gehitzea, arropa esekitzeko osagarri guztiak eskura eduki ahal izateko. Adibidez, panel zulatu bat jar dezakezu pintzak eta garbiketako produktuak gordetzeko zenbait apal zintzilikatu eta izateko.
Gainera, giltzarekin itxi daitekeen armairu txiki bat gehi dezakezu, elementu sukoiak eta toxikoak salbu izateko. Gehitu kaxa gogorrak eta ura jasaten dutenak, arropa jartzeko saski bat eta esekileku bat (lehorgailu bat baino askoz jasangarriagoa!), erabiltzen ez denean hormako kako batzuetan gordeta utz daitekeena.
2. Atseden hartzeko txoko bat
Zertarako balio du terraza batek, ezin baduzu erabili? Oso leku egokia da atseden hartzeko, eguzki apur bat hartzeko eta liburu bat irakurriz denbora pasatzeko. Beraz, bihur ezazu bake- eta harmonia-oasi bat. Horretarako, erabili natura iradokitzen duen itxura naturaleko altzariak.
Gainera, toki gutxi baduzu, aukeratu funtzio anitzeko altzariak, erosotasunaz gain biltegiratze osagarria emango dizutelako. Banku eroso hauek ireki egiten dira eta leku piloa dute, erabiltzen ez dituzunean, kuxinak, burkoak edo tapakiak gordetzeko.
3. Erremintak gordetzeko leku bat
Eta, zergatik ez duzu etxeko gune bat erremintak, kirol-materiala, bizikleta edo zure zaletasunak egiteko behar dituzun materialak gordetzeko erabiltzen? Hormak hobeto aprobetxatu eta biltegiratze bertikalaz baliatu besterik ez du egin behar. Bizikletak ez du leku asko hartzen hormako barra batean zintzilikatuz gero (horretarako, bizikletak jartzeko gure BRANDUR edo SKRÄLL kakoak erabil ditzakezu).
Bestalde, apalak jarriz gero, artikulu txikienak ordenatu ahal izango dituzu, batez ere kaxa gardenetan eta pilagarrietan gordetzen badituzu (horrela askoz errazagoa izango da guztia aurkitzea). Gainera, erremintak, gailuak eta osagarriak eguraldi-baldintza txarretatik babestuko dituzu. Babestu kirol-arropa eguzkitatik, eta saihestu eguzki-argiak gurpilak lehortzea, kaxak eta zorroak erabiliz. Eta guztia terrazako izkina batean gordeta, tokia geratuko zaizu beste jarduera batzuk egiteko.
4. Gozatzeko toki bat
Kanpoan prestatzen duzu janaria? Sortu sukalde aireztatu bat terrazan, irabiatu batzuk egiteko edo, neguan, kontserbak gordetzeko. Lanerako gainazala duen orgatxo laguntzaile batek janaria prestatzeko lekua eskaintzen dizu eta, bestalde, zaborrontziak jartzeko tokia du azpian.
Atedun armairu txiki batekin janaria eguzki-argitik babestuko duzu. Baxera gordetzeko ere erabil dezakezu terrazatik sukaldera joan-etorrian ez ibiltzeko jateko garaian. Aurreztu oraindik leku gehiago fruta eta barazkiak jartzeko saski zintzilikari batekin; apaingarria da, kanpoan jar daiteke eta erraz eraman daiteke sukaldetik terrazara. Azkenik, baina ez du esan nahi garrantzia txikiagoa duenik, ez ahaztu jateko, esertzeko eta guztiaz gozatzeko gune txiki bat prestatzeaz.
Terraza txiki baterako ideia gehiago behar dituzu? Artikulu honetan balkoi edo terraza txiki bat toki atsegin bihurtzeko zenbait modutan pentsatu dugu. Leku gutxi izan arren, atseden hartzeko eta eguzkiaz gozatzeko!
Izugarri atsegin dugu bezeroek gure produktuak sormenez erabiltzea. Ausartu zaitez zu ere! Baina kontuan izan behar duzu IKEA taldeko produktuetan aldaketak eginez gero ezin izango ditugula berriz saldu edo hasieran zuten erabilerarako erabili; beraz, IKEA taldeko berme komertzialak eta itzultzeko eskubidea indargabetzen dira.
