Saltar

Guía para o mantemento de mobles de exteriores

Pasas moito tempo ao aire libre? É un lugar para deixar voar o maxín, laretar, botar unha soneca ou picar algo. Non tes que preocuparte pola calidade dos teus mobles de exterior, xa o facemos nós por ti. Desde a elección de materiais duradeiros ata a aplicación dunha protección extra fronte as inclemencias do tempo. Ti dedícate só a gozar!

Unha man cunha brocha vernizando o respaldo dunha cadeira de madeira para exteriores.
Unha man cunha brocha vernizando o respaldo dunha cadeira de madeira para exteriores.

Mobles de materiais fáciles de manter

O aluminio, o plástico, o ratán plastificado e o aceiro non requiren mantemento, polo que son perfectos para os mobles de exterior. Só tes que limpalos con auga e un xabón suave. Non esquezas tapalos ou gardalos durante o inverno nun lugar fresco e seco, como o garaxe, o faiado ou o soto, sobre todo o plástico e o ratán plastificado, que poden gretarse a baixas temperaturas.

Velaquí todos os mobles para exteriores
Velaquí todos os mobles para exteriores

Mobles con materiais que requiren moi pouco mantemento

A acacia, o eucalipto e outras madeiras macizas adoitan requirir un certo mantemento de cando en vez. Limpa estes mobles con auga e xabón suave, e tápaos cando vaian estar tempo sen usarse. Todos os nosos mobles de madeira de exteriores foron tratados con verniz ou pintura. A frecuencia coa que terás que volver vernizalos dependerá do lugar no que te atopes, do uso que lles deas e da exposición ás inclemencias meteorolóxicas. Por exemplo, os mobles de exterior deben volver vernizarse cando as pingas de choiva empecen a absorberse, no canto de permanecer enriba deles. Se a pintura dos mobles empeza a desprenderse ou a parecer desgastada, píntaos de novo ou retócaos con pintura para exteriores.

Velaquí todos os aceites, vernices e produtos de mantemento
Velaquí todos os aceites, vernices e produtos de mantemento

Mantemento dos parasoles

Dobra os parasoles cando non os esteas a utilizar. Normalmente, só cómpre limpalos a fondo unha vez ao ano. Repara nas instrucións da etiqueta de lavado. Recomendamos protexelos do po, a sucidade, o pole e a chuvia coa funda TOSTERÖ e almacenalos nun lugar interior, seco e fresco. Asegúrate de que estean secos antes de poñerlles a funda.

Velaquí todas as fundas para mobles de exterior
Velaquí todas as fundas para mobles de exterior

Mantemento das pérgolas

Retira o teito das pérgolas sempre que faga vento ou chova con forza. Límpaos con regularidade, tanto por dentro como por fóra. Repara nas instrucións da etiqueta de lavado. Para evitar que se greten, verniza regularmente a estrutura das pérgolas de madeira. Unha estrutura de aceiro é máis fácil de manter. Só se precisa auga e un xabón suave. Antes de gardala nun lugar fresco e seco, limpa o tecido e deixa que seque ben. Para o teito e as cortinas da pérgola, podes usar unha caixa ou unhas bolsas de almacenaxe TOSTERÖ.

Velaquí todos os parasoles e pérgolas
Velaquí todos os parasoles e pérgolas

Mantemento das alfombras e coxíns

Limpa con regularidade os coxíns e alfombras de exteriores para que duren máis. Gárdaos cando non os utilices, a poder ser dentro, nun lugar fresco e seco. Para iso podes usar as fundas e bolsas de almacenaxe TOSTERÖ. Asegúrate de que os coxíns están completamente secos antes de pechar a bolsa ou a caixa.

Velaquí todas as fundas para mobles de exterior
Velaquí todas as fundas para mobles de exterior