Saltar

Fai un dosel para a túa cama

Soñas cun refuxio confortable? Pon un dosel na túa cama con cortinas e raís de teito. Sigue a guía paso a paso que se indica a continuación.

Un cuarto brillante cunha cama preto da xanela. A cama ten un dosel con cortinas brancas e guías VIDGA.
Un cuarto brillante cunha cama preto da xanela. A cama ten un dosel con cortinas brancas e guías VIDGA.

Precisarás:

9 accesorios para o teito VIDGA; 2 pezas de esquina VIDGA, guía de cortina; 2 aneis e ganchos VIDGA, 24 paquetes; 5 guías de cortina dun raíl VIDGA; caixa de escallo VIDGA; 4 cortinas LEJONGAP (2 pares); fita métrica e lapis; trade, desaparafusador, serra e escada.

Ver a serie VIDGA
Ver a serie VIDGA

Esta información refírese a unha cama de 160x200 cm. Segundo o tamaño da túa cama, pode ser que precises outras cantidades.

Paso 1

Decide onde queres colocar o dosel colocando as guías e as pezas de esquina no chan, arredor da cama. Deixa espazo para as cortinas entre a cama e as guías. É probable que precises máis dunha guía para cubrir cada lado da cama. Podes cortar un anaco doutro raíl e unilo para acadar a lonxitude que buscas.

Ver todas as camas
Ver todas as camas

Paso 2

Corta os raís ao tamaño axeitado cunha serra e unha caixa de escallo VIDGA. Introduce os conectores nas guías. Volve colocar todos os raís e pezas no chan arredor da cama para comprobar a planificación e determinar onde tradear. Mide desde as paredes, non da cama.

Ver a serie VIDGA
Ver a serie VIDGA

Paso 3

Marca no teito os puntos nos que vas tradear, fai os buratos e monta as fixacións. Asegúrate de empregar os parafusos e axustadores axeitados para o teu teito. Coloca a peza de conexión na fixación e introduce o raíl no seu sitio ata que faga "clic". Repite o paso 3 para todas as pezas de raíl, pero non conectes aínda as pezas de esquina.

Ver a serie VIDGA
Ver a serie VIDGA

Paso 4

Coloca os ganchos nas cortinas e cólgaas dos aneis. Os aneis e ganchos están feitos para cortinas con fita pregada, pero tamén lles podes poñer fita ás cortinas que non a teñan. Un paquete de 24 aneis é dabondo para dúas cortinas. Introduce os aneis nos raís. (Faino á medida que vas montando os raís ou agarda a que estean todos postos).

Ver todas as cortinas
Ver todas as cortinas

Paso 5

Cando estean montados todos os aneis, coloca as pezas de esquina nos raís. Para fixalos, introdúceos ata que oias un "clic". Coa cama contra a parede, só se precisan dúas pezas de esquina. Se as guías non están a nivel coa parede, emprega topes.

Ver a serie VIDGA
Ver a serie VIDGA

Consellos útiles

Recomendámosche empregar esta guía xunto coas instrucións de montaxe e o vídeo de instalación das guías dun raíl VIDGA (a continuación). Se mercas un conxunto, repara no que inclúe. Se cadra, deberás mercar máis raís ou pezas; os conectores non se venden por separado. Os números dos produtos indícanse para unha cama de 160x200 cm. Segundo o tamaño da túa cama, pode ser que precises outras cantidades.

    Deseña os teus propios proxectos de cortinas con guías de raíl

    As guías de raíl VIDGA poden facer realidade outros moitos soños, desde poñer nunha xanela varias capas de cortinas a facer que un espazo pequeno pareza grande dividíndoo con cortinas. Podes usar o planificador VIDGA para deseñalo primeiro e descubrir que é o que precisas.

    Encántanos que os clientes utilicen os nosos produtos dunha forma creativa. Atrévete ti tamén! Porén, debes ter en conta que as modificacións e cambios que introduzas nos produtos de IKEA impiden que se poidan volver vender ou empregar para o seu uso orixinal, polo que invalidan as garantías comerciais de IKEA e o dereito a devolución.