Saltar

Como deseñar un espazo de traballo ergonómico

Podes sentilo, non si? Ese tirón no pescozo, esa dor nas costas... Podería deberse ao xeito no que está configurado o teu espazo de traballo. Bota unha ollada a estes consellos para aprender a crear un espazo de traballo agradable para o teu corpo e mente e que che axude a reducir a fatiga laboral.

Un espazo de oficina aberto con 4 escritorios, 4 cadeiras de oficina e 4 lámpadas de traballo.
Un espazo de oficina aberto con 4 escritorios, 4 cadeiras de oficina e 4 lámpadas de traballo.

Ergonomía para o traballo na casa

Pasares moitas horas sentado ou curvado fronte ao portátil contribúe á fatiga e á dor muscular. Unha solución fácil para combater isto pode ser buscares maneiras de moverte máis mentres traballas. Por exemplo, dáte espazo para moverte, almacena mellor os seus arquivos para que estean máis accesibles ou proba cun soporte sentado/de pé que che axude a sentarte activamente e adoptar unha postura máis natural e saudable. Consello principal Proba a poñer unha alarma cada hora ou cada media hora para lembrarte que te debes manter activo. Cando soe, levántate, estírate ou vai ata á cociña para tomar un café.

Velaquí todos os reloxos con alarma
Unha muller con pantalón vaqueiro collendo unha cunca rosa e sentada nun soporte sentado/de pé LIDKULLEN.
Velaquí todos os reloxos con alarma

Ascende na túa carreira profesional cun escritorio axustable en altura

Un soporte sentado/de pé é un investimento moi interesante, xa que che permitirá cambiar de posición acotío. Se estás sobre un chan duro, unha alfombra fai que os teus xeonllos descansen mellor, como un bo calzado. O importante é que lembres moverte acotío e volverte sentar. Consello principal Se traballas de pé, debes aplicar as mesmas consideracións ergonómicas que se o fas sentado, así que asegúrate de que a parte superior do monitor estea á altura dos ollos e que os brazos poidan descansar facilmente por riba do teclado para que non teñas que estar estirado.

Velaquí todos os escritorios para oficina
Un escritorio sentado/de pé IDÅSEN marrón/beixe sobre unha alfombra gris preto dunha ventá.
Velaquí todos os escritorios para oficina

Coloca a pantalla á altura axeitada

É tentador poñer o monitor preto, pero coa cadeira cara a dentro e os brazos estendidos fronte a ti, non debes tocar a pantalla. Se colocas o monitor demasiado alto, pódense producir problemas no pescozo, polo que debes asegurarte de que a parte superior estea no nivel dos ollos ou xusto por baixo del. O teclado e o rato débense colocar a aproximadamente 10-15 cm do bordo do escritorio, de xeito que os pulsos estean apoiados, pero non tan lonxe como para que o pescozo e os ombreiros se inclinen cara adiante. Consello principal Tenta inclinar o monitor 20-30°, que é un ángulo óptimo para os ollos, o pescozo e os ombreiros.

Velaquí todos os accesorios e organizadores de cables
Un soporte para monitor nun escritorio cunha pantalla.
Velaquí todos os accesorios e organizadores de cables

Maximiza o benestar cun asento cómodo

Busca unha cadeira que lle proporcione un bo apoio ás costas, que sexa axustable e que teña rodas xiratorias para que poidas seguir movéndote. No tocante á altura, debes poder sentarse erguido co monitor á altura dos ollos e cos pés apoiados no chan. Os repousabrazos da cadeira axudan a apoiar os brazos e cóbados, que deben estar nun ángulo de 90 graos con respecto ás mans. Consello principal Para acadar a máxima flexibilidade, busca unha cadeira ergonómica que se poida inclinar, que teña repousacabezas e respaldo, e que ofreza soporte lumbar.

Velaquí todas as cadeiras de oficina
Perfil dun home calvo, de barba e con lentes negras sentado nunha cadeira de brazos de oficina JÄRVFJÄLLET.
Velaquí todas as cadeiras de oficina

Opta por almacenaxe estruturada

Manter os papeis e o equipo almacenados de xeito ordenado axudará a que o teu espazo de traballo sexa un lugar agradable (e bonito!) no que traballar. Opta por unha unidade de almacenaxe pechada ou un armario para gardares arquivos e o portátil, e proba a abrir a almacenaxe para libros, caixas e todo o que queiras ter á vista. Consello principal Etiqueta as caixas e a almacenaxe. As etiquetas axudan a atopares facilmente as cousas e as caixas permítenche ter os papeis arquivados e as coleccións ordenadas.

Velaquí todas as unidades de almacenaxe e armarios para oficina
Unha oficina con almacenaxe pechada e estantes con caixas, ficheiros e outros obxectos. Diante, escritorios e unha cadeira.
Velaquí todas as unidades de almacenaxe e armarios para oficina

Utiliza a luz axeitada

Un ambiente ben iluminado axuda a manteres a concentración e descansares a vista. Se podes, configurar un espazo de traballo xunto a unha xanela é o ideal. Só tes que colocar o ordenador a un ángulo de 90 ° respecto da fiestra para evitar o reflexo. Tamén podes recrear a luz do día utilizando lámpadas cun espectro de luz similar á luz solar (5000 Kelvin ou máis) como a lámpada LED RYET E26 de 1000 lumens, branco ópalo 5000 K. A iluminación para tarefas no escritorio tamén axuda a destacar o traballo, ideal se precisas centrarte en traballo con papeis. Consello principal Coloca a lámpada no lado oposto á man coa que escribes para reducires as sombras (é dicir, se es destro, á esquerda).

Velaquí todas as lámpadas de traballo
Lámpada de traballo nun escritorio cun teléfono móbil, un cargador e outro material de oficina.
Velaquí todas as lámpadas de traballo

Mantén a calidade do aire

O aire fresco axuda á concentración, pero sabías que o aire que respiras en interiores pode estar máis contaminado que o da rúa exterior? Cun purificador de aire como o novo FÖRNUFTIG, podes mellorar a calidade do aire interior por un prezo moi económico. Consello principal Cando utilices un purificador de aire, asegúrate de que o fluxo de aire non estea bloqueado e de non estar orientado directamente cara á saída para evitar correntes incómodas.

Como usar o purificador de aire FÖRNUFTIG
Primeiro plano dun purificador de aire FÖRNUFTIG branco sobre un moble de caixóns e xunto a unha botella de cristal.
Como usar o purificador de aire FÖRNUFTIG

Crea un espazo calmo cun divisor de escritorio que absorbe o son

Se non tes ningún cuarto independente para traballar, unha barreira que absorba o son pode axudarte a crear unha zona illada e tranquila onde poder traballar sen interrupcións, practicamente en calquera lugar. Por exemplo, o divisor de escritorio de absorción de son EILIF amortece o ruído, absorbe o son e reduce o eco. Ademais, é fácil de montar no escritorio; só tes que usar a abrazadeira incluída. Consello principal Personaliza o teu lugar de traballo cunha pantalla na que colocar notas, imaxes e outras cousas que che fagan sentir ben.

Velaquí todos os accesorios BEKANT
Pantallas EILIF grises unidas a un escritorio cunha lámpada acesa, un portátil e un teléfono móbil enriba.
Velaquí todos os accesorios BEKANT