Produtos de xardín e terraza
Hoxe ceamos ao aire libre
Cando fai bo tempo e se respira a calor do verán, non hai mellor lugar para cear có exterior. Atopa aquí os mobles de exterior que mellor se adapten a eses momentos.
Merca produtos para un fogar máis sostible
O aire libre mantennos contentos e saudables de moitas maneiras. Un espazo asollado que poidamos sentir noso é algo que paga a pena coidar. En IKEA temos produtos de xardín, accesorios e obxectos decorativos de exterior para mellorar o teu espazo ao aire libre. Converte o teu patio no lugar perfecto para socializar, ou o teu balcón nun oasis de relaxación. Observa como florece o teu xardín con plantas coloridas ou cultiva as túas propias verduras. Tanto se buscas produtos para un patio grande como para un balcón estreito, atoparás moitas ideas na nosa gama de produtos de xardín.
Produtos de xardín para a zona de comedor
Se tes espazo dabondo, a mesa de comedor e as cadeiras de exterior son esenciais para o verán. Atoparás de todo, dende mobles de comedor de exterior lixeiros e pequenos que se poden gardar, ata mesas de comedor e cadeiras grandes e robustas que resisten as inclemencias do tempo. Escolle a mesa de comedor e as cadeiras por separado, ou bota unha ollada aos nosos completos conxuntos de comedor de exterior. Tamén temos os accesorios para engadir ese acolledor toque final. Con cómodos coxíns de exterior e unha romántica iluminación de exterior, nunca quererás que rematen as veladas.
Mobles de xardín e accesorios para ese recuncho tranquilo
Crea a sensación dunha sala ao aire libre cun cómodo sofá na esquina do balcón. Bota unha soneca ao sol nunha das nosas hamacas. Ou fai provisión de libros e pasa as fins de semana lendo nunha hamaca de xardín. Se engades un parasol colgante, poderás gozar da refrescante sombra nun día caloroso. Hai moitas formas de converter o teu espazo ao aire libre nun auténtico paraíso de aire fresco, natureza e relaxación. A nosa gama de produtos para exteriores conta con mobles de xardín accesibles e elegantes accesorios para o patio, así que busca o estilo que máis che guste.
Prepárate para plantar cos produtos de xardín IKEA
As plantas e as flores poden alegrar o teu fogar nun instante. Achégase a tempada de xardinaría e en IKEA atoparás todo tipo de material para esas tarefas. A nosa colorida gama inclúe plantas de interior e exterior que poden plantarse en testos ou nunha xardineira.