Colgadoiros para abrigos

Os colgadoiros son unha forma magnífica de gardar as chaquetas e os bolsos no recibidor, e fan que sexa moi fácil collelos se tes présa. Tamén poden usarse como espazo de almacenaxe adicional en apartamentos pequenos. Temos varias opcións entre as que elixir, tanto se precisas un colgadoiro para un sombreiro e un abrigo como se buscas un con zapateiro. Os mobles zapateiros son útiles para manter os zapatos organizados, e os colgadoiros son ideais para pendurar abrigos e chaquetas. Deseñamos a nosa selección de colgadoiros para axudarche a tirarlle o máximo partido ao teu espazo e aliviar os problemas de almacenaxe. 

Como elixir as mellores solucións de almacenaxe para o recibidor

Os colgadoiros son os nosos fieis compañeiros para gardar todo tipo de cousas. Se andas á procura do colgadoiro perfecto para o teu fogar, o tamaño é un factor clave que debes ter en conta. Xunto co tamaño, tamén debes considerar o estilo e o prezo antes de decidirte. Hai opcións para todos os gustos, independentemente das túas preferencias: madeira ou metal, branco ou negro, con andeis ou ganchos... 

Se non tes moito espazo no chan, quizais queiras decantarte por un colgadoiro de parede ou varios colgadoiros. E se tes máis espazo no recibidor, incluír un banco pode ser unha excelente opción para quitar os zapatos e mantelo todo ordenado. Hai diferentes estilos de bancos entre os que elixir: algúns modernos con almacenaxe e outros de tea ou metal con zapateiros. E se precisas un lugar onde colgar os abrigos e as chaquetas, podes combinar varios colgadoiros para aforrar espazo. Hainos de diferentes formas e tamaños, polo que podes escoller os que non ocupen moito espazo. 

Por que incorporar algún colgadoiro ao teu fogar? 

Os colgadoiros son útiles e danlle un aire elegante a calquera fogar. Axudan a mantelo todo ordenado e realzan o aspecto xeral. Despídete da lea de chaquetas e deixa de perder accesorios. A ti e aos teus convidados resultaravos moi doado coller o abrigo, os zapatos e o bolso. Escoller mobles que queden ben e teñan unha utilidade é importante. Ademais, deseñáronse para durar e ofrecer resistencia. En definitiva, son unha gran forma de decorar o teu fogar e mantelo organizado.